الموضوع: استشاره سريعه احسن انا محتار

السلام عليكم ورحمة الله وبركاته

عربيتى بولونيز وانا ماشى شداد العجلة اليمين اتقطم والعربيه زحفت يمين وطلعت فوق الرصيف وطبعا كل الجزء اليمين اتكسر والشاسيه اتعصر لجوه والرفرف انتنى والجزء اليمين بقى كله داخل جوا العربيه وقاعدة الموتور انكسرت وخرجت من مكانها لان القنطره كمان دخلت لجوه المهم جبتلها ميكانيكى وفك العجله وطلع اللى اتكسر وجبت كل حاجه جديده ومن ضمن الحاجات دى بارة الدركسيون المهم المقص ما انكسرش انتنى بس ووريته لعفشجى قاللى يستعدل ويتلحم ويشتغل على كده وفعلا عملت كده وركبته بس بعد ما كل حاجه ركبت اولا الدركسيون بقى تقيل جدا وبسمع صوت حكه فى العجله اليمين لما بكسر شمال الميكانيكى بيقولى لما تستعدل الشاسيه وتظبط زوايا هيروح كل ده وروحت لسمكرى بيقولى هيستعدل الشاسيه ويتكلف 350 جنيه باللحامات هل ده كتير ولا قليل اصحابى قالولى ممكن تتعمل ب 150 جنيه بس ده محتاج امشى بيها مشوار حوالى 60 كيلو لانى فى مدينة بدر وطبعا القاعده مش فى مكانها زى ما انا قولت ومش عارف اعمل ايه هل السعر كده غالى ولا انزل بيها احسن ولا المشى بيها خطر ولا ايه مع العلم انى لازم اروح لعفشجى يتمم على الشغل وبتاع ظبط زوايا علشان يظبط العجل وده مش موجود فى المدينة خالص ولازم مشوار تنصحونى بايه يا اهل الخبره

واسف على الاطاله

واحده واحده انزل بيها لان الصنايعية في مدينة بدر على قدهم جداً انا قاعد هناك و شايف ده غير انهم حرامية جداً لانهم حاسين انهم في كوكب تاني ممكن تروح الحرفين بس انا معرفش حد فيهم و بسمع برضة انهم مغلونية انا افضل تروح للناس اللي بتتاعمل معاهم. المهم بالنسبة للشاسية لازم حضرتك تدور على الكتالوج الخالص بعربيتك على منتدنا الغالي علشان تعرف ابعاد الشاسية و تتقولها للسمكري قبل ما يشتغل و تشيك عليه بعد الشغل و اهم حاجة بعد ما تخلص انك ترش فردة الشاسية زي التانية بالظبط يعني لو القديمة واخده بلاك من تحت تحط برده بلاك اما لو مش واخدة يبقى ترش على كده.