السلام عليكم ورحمة الله وبركاته

طالب مساعدة ومشورة من اهل الخبرة؟

-من كام يوم العجلة الشمال عملت سوستة فى رصيف(كلام العفشجى) بعد ما واحد ربنا يسامحه زنقنى فى مطلع كوبرى فاضطريت اننى اكسر يمين سنة عشان مطلعش الرصيف واتخبطت العجلة الشمال فى بروز الرصيف ونزلت علطول.الرصيف مكانش عالى حوالى 5 سم.

-النهاردة والحمد لله كنت بوسع لعربية مطافى ومخدتش بالى خالص ان الرملة اللى على شمالى مخبية بلاعة فنزلت بالعجلة الشمال فيها ,بس الحمد لله مش حاسس بحدفة ولا حاجة دلوقتى.

-رحت لبتاع زوايا اطمن قاللى مفيش قلق بس هي فيها 1\2 مللى وعادة ده مبيعملش مشاكل خالص ومش محتاج زرجينة.

-بقالى يومين كل ما بكسر شمال يو تيرن مثلا بسمع صرخة ورا وساعات مع الفرامل بسمع صرخة اودام.

وبصيت عليها فى المحطة النهاردة لقيت كارتيرة الموتور الفيبر مقطوعة نصين .والعفشجى الحمد لله قاللى مفيش حاجة تحت

 ايه رايكوا اشتريها جديدة ولا الحمها؟

ولو تسمحوا ممكن الاقى الكارتيرة فين فى شارع دمشق؟

مشكوريين