الموضوع: الحمدالله تمت صيانه 20الف بنجاح مع بعض الصور

الحمدالله.....تمت الصيانة بنجاح
قبل مابدأ الكلام لازم ابعث شكرخاصللمهندس/محمد هاشم
انسان ذوق ومحترم جداجدا..وربنا يوفقه فى عمله ويذيده من فضلة .وينعم عليه بالصحة والعافية..اللهم امين
ولازم كمان منساش واحد من الاعضاء المحترمين جدا الى انا بعتبرة انه كان ليه فضل كبير فى نجاح واتمام موضوع الصيانة على اكمل وجة و اكتر والله
......(lolly136) ويارب اقدر على رد جميلة
انا ربنا وفقنى وعملت صيانة20الف فى مركز القطامية...وانا معلش احكيها من اولها علشان فى

شويه معلومات احب ان تعرفوها.....على بركة الله ....نبدا
انا قبلها بيوم اتصلت بالمهندس/محمد هاشم وسألته عن الصيانة وموضوع الحجز .الرجل صراحة كان متجواب معايا وجاوبنى على كل سؤال
1 - اولا مفيش حجز
2 - قالى على الحاجات الى راح تتغير فى صيانة 20الف
3 – وقالى على التكلفة
انا طلعت من راس غارب حوالى الساعة5,15 صباحا وصلت الزعفرانة الساعة6 وطول الوصلة دى105كم وكنت ماشى 110 /120واخذت وصلة السخنة على مهلى شويه لانى كان فية فوج اتوبسات سياحى حوالى اكتر من 25اتوبيس ادمهم عربيتن شرطة ملاكى بيجو405 وراء الفوج عربية شرطة بوكس ومش عايزين حد يعدى المهم ربنا كرمنى وعرفنا نعدى عند برتو السخنة ودخلت القطامية وهنا المهم قوى
بعد الكارتا (البوابة)الاولى وكانت الساعة7,10 وطريق القطامية السرعة فية120قلت ادوس شوية عشان الحق اكون بدرى فى المركز وفعلا مشيت بالعربية شويه 150 العربية جميلةجدا وصوت الموتور يدوب مسموع مع العلم مشغل التكيف وبعد كام كيلو زوت السرعة شوية لحد 185 وكان عداد RPMعلى5,5 وصوت المووتر بقى عالى وكنت سامعة والزجاج مقفول لكن العربية ثابتة عل الارض وكويسه جدا وعايزة تسحب معاك بس فى بعض اماكن فى الطريق فيها مطبات هوأ كانت العربية تحس انها بتعوم معاك لكن باقى الطريق جميل......المهم
وصلت المركز الساعة 8 وكان العضو المحترمlolly136مظبط المواضيع كلها عشان هو عارف انى جأى من سفر وطبعا الف شكر لية
وشوية وصل م/محمد...... وستقبلى احسن استقبال ورحب بى وعلى وصولى بسلامة
شكرتة وسأل على اذا كنت بشتكى من اى حاجة فى العربية .....قلت لا ما فيش
اخد منى المفتاح وندا على العامل ووصاة على العربية ...راح العامل جاب كيس بلاستك كبير وفرشة على كرسى السواق وفرش تحت فى الدواسة ورقة كرتون بيضة كبيرة.....وشكرت م/محمد وقالى فى كافتريا فى الدور التانى فوق المعرض وفعلا دخلت الكافتريا .هى صغيرة بس معقولة مكيفة فيها اربع شاشات عرض وشاشة تليفزيون بس 2شاشة بس هما الى كانو شغالين....فضلت شوية وشربت هناك قهوة ب 3جنية رخيصة صح ..وفى كمان بسكوت وكياس كدة فيها الله اعلم ده عيش فينو ولادنش مش عارف المهم افتكرت اقول لل م/محمد اذا كان فية حاجة حتتغير غير الى فى الصيانة يقولى راح ضاحك وقالى طبعا دى لازم هو انا الى ادفع ولاانت قلتلة الله ينور عليك
وبعدها حوالى الساعة10,30 ببص من الكافتريا على الشارع لاقيت العروسه طالعة وماشيه قدامى..اه والله لانها كانت بتبرق قدامى فى الشمس
شوية واتصل بيا م/محمد.......وقالى تعالى .رحت نازل وقابلتة عند الخزانة وكان معاه شكولاتة قسمها معايا وكمان عملى خصم 5% والله انسان ذى العسل وجة بشوش وديما مبتسم وكمان عرفنى على المهندس/سمير
وسالتة على العربيه وقالى على الى تعمل فى العربية ورحت الخزنة ودفعت720جنية بعد الخصم
الى تعمل فى العربية
1- صيانة 20الف استبدال : فلتر هواء – فلتر زيت – زيت محرك – فلتر بنزين – بوجيهات
2- تربيط العفشة
3- غسيل العربية –وغسيل الموتور بالفوم
ومعاكم بعض الصور من خارج المركز لانه ممنوع اصور عملية الصيانه

دى علبه البوجيهات

ودول الى اتغيروا وطلعوا من العربية

وده الفلتر الى طلع من العربية

وده الفلتر الى طلع من العربية




وده الفلتر الى طلع من العربية



ودى بعض السيارات وعليها ارقام الحجز



مدخل الصيانة

مدخل الصيانة

يارب اكون قدرت افدكم ....والى يحب يستفسر على اى شىء انا تحت امركم....وشكر خاص لكل من ساعدنى فى هذه الصيانة