الموضوع: سؤال بخصوص ترصيص الكاوتش و رفع السيارة بالكريك ؟؟؟؟

ايوه لازم يترصص الا اذا

فيه علامه فى الكاوتش المفروض وانت بتركبه اول مره تظبطها مع البلف بحيث تبقى ادام البلف بالظبط وترصص على كده
وكل مره تفك الكاوتش عشان يتصلح تركب الكاوتش على نفس العلامه وكده متحتاجش ترصص تانى الا لو الفرده باظت خالص وتنفعش تترصص بعد التصليح

وبالنسبه للكوريك اعتقد انك عندك حق بس هو بتاع الكاوتش حيستنى تطلع الكوريك بتاعك وترفع العربيه انت فى مصر ياعم ده كويس ان بتاع الكاوتش يكون عنده خبره ازاى يرفع العربيه اصلا

المشاركة الأصلية كتبت بواسطة merosss

انا كنت عايز اعرف هو لو الكاوتش اتفك من على الجنط للتصليح لازم نعملة ترصيص تانى
وسؤال تانى بتاع الكاوتش بيرفع كل العربيات بالكرويك بتاعة التمساحة (بشوف عربيات كتير وجديدة كدة ) مش المفروض كل عربية لازم تترفع بالكرويك بتاعها من المكان المخصص لكدة ولو الراجل رافعها بالكرويك بتاعة فى اى ضرر

لو رفعها من العتب او المداده غلط ..
لما يرفع احسن مكان .. القنطرة الامامية او الخلفية .. او من تحت جلبة المقص

ايوه عندك حق
المفروض ان كل سياره لها مكانيين للتحميل
الأول في حاله الكوريك الصغير او كوريك لفك العجل
والثاني في حاله رفع السياره كامله بكوريك رفع كامل (ذي اللي في التوكيل)

المشاركة الأصلية كتبت بواسطة mrsailor

لو رفعها من العتب او المداده غلط ..
لما يرفع احسن مكان .. القنطرة الامامية او الخلفية .. او من تحت جلبة المقص

طب ليه من العتب غلط مع انى مقتنع انه غلط لكن كل صنايعيه مصر بيقولو لا

حتى بريدجستون قولتله كده غلط قالى مين قالك واكنى شتمته مثلا

شكرا جدا لكل الناس بس انا رحت عند الراجل ورفع العربية من حتة مدورة كدة تحت بعد العتب والشفة بس هى ورا شوية يعنى الكوريك كان فى نص الباب الى ورا (ياريت تكونوا فهمتوا قصدى ) وحاجة كمان الراجل لما فك الكاوتش فى الشفة بتاعت الجنط طلعت لبرة سنة وبعدين ركب الكاوتش ودق عليها بشكاوش اتعدلت هو دة عادى ولا هو كدة بوظ الجنط