الموضوع: العربية واقفة بقالها اسبوع ... شكرا جزيلا ل " اوماترا " !

كالعادة ...

يوم الاحد او الاتنين الماضيين ...

العربية كانت ماشية زي الفل ...

فجأة حسيت ان الدبرياج مش بيرد بعد النقل بالسرعة المطلوبة .. قلت مش مهم .. شوية كدة و تروح ولا حاجة ..

الى ان انتهى بي الامر في اخر اليوم .. ان بينزل تحت مش بيطلع تاني .. لازم اجيبه برجلي لفوق او بايدي ...

و طبعا ده و انا ماشي وسط السيارات ....

لحد مارفض حتى يدي الغيارات تماما ..

للاسف الشديد المشكلة دي جاتلي قبل كدة بعد ماكنت عامل 3000 كم بالعربية و اتغير ماستر الدبرياج في الضمان ( الحاجة الوحيدة الي استفتدها من الضمان ده ) حاليا انا عامل 89000 كم

طبعا انا بقيت افضل اشتري قطع غيار اصلية حتى لو اغلى علشان تمنها بيبقى فيها ...

كلمت اوماترا ....

ماستر دبرياج باليو 1300 يا عم ؟

- موجود يا فندم ب 308 جنيه !

308 بس !! دي يمكن ارخص حاجة حشتريها من اوماترا ! هيييييييييييييه !

- بس للاسف مش موجود يا فندم .. تابع معانا خلال اسبوعين !

( اسبوعين ؟ ) حسيب العربية مركونة اسبوعين ؟؟؟؟

المهم .. نفضت لامواترا ... كلمت الراجل الي بجيب من عنده الحاجات .... موجود ب 300 جنيه ( اده اوماترا واخدين 8 جنيه زيادة بس ! ازاي ! فرحت والله ) ...

بس للاسف لسة بايع اخر واحد امبارح ....

كلمت الكيلاني .... كان موجود ب 300 جنيه ..

غالبا كدة الله اعلم ده عيب معروق في الباليو ولا ايه .. الي يخليه يروح كله من السوق مرة واحدة و هما كبيرهم باعوا 100 باليو ولا حاجة ....

كلمتهم تاني الان ....

كالعادة تابع معانا خلال اسبوع ...
واديني بدفع 30 -40 جنيه تاكسي في اليوم علشان التوكيل المجهاد الي بيحاول ... مش عارف يوفر قطعة غيار قبل ماتخلص ...

يعني الي اعرفه ... و اي تاجر خضار يعرفه ... لما الخيار يقل عندك و يفضل كام خيارة ... تطلب خيار زيادة علشان مفيش زبون يجي مايلاقيش خيار خالص .

مش تستنى لما الخيار يخلص ! و بعدين تفكر تطلب !


شكرا جزيلا على المصاريف و على السيارة الممتازة و على خدمة العملاء و على المصاريف الي ولا كاني شاري BMW .

بس يلا الغلط برده مش عليكم ....
الواحد لما يشتري عربية بعد كدة ... يبقى يشتريها من توكيل محترم معروف لعربية و ماركة منشترين و محترمين ...



وبالنظر لل JD POWER SURVEY عن مدى رضى العملاء في الملكة المتحدة عن ماركات السيارات ..

لا مفاجاة في الموضوع ...

ان فيات في المركز قبل الاخير .. ياترى ليه ..



وللاسف الشديد 80% من السبب مش من العربية برده ...

ده QUOTE من مدير انجليزي مبيعات في مازدا

I'm a sales manager at a Mazda Dealership. Top ten places in these surveys are always taken mainly by Japanese manufacturers. Not just because the product is so reliable, but because the Dealers are good. The main problem Fiat has, and they know it, is their Dealers!