الموضوع: الدركسيون قرفني

السلام عليكم ورحمه الله وبركاته

دركسيون الشاهين قرفني
اللي ركب شاهين يعرف إن الدركسيون بتاعها خفيف نسبيا بالنسبه للعربيات اللي على سكتره
دركسيونها تقدر تلفه على الاخر بإيد واحده
وبيرد كويس

المهم كان عندي شويه بوش في الاسكتره
رحت للعفشجي ظبط العفشه
وفك الاسكتره وحشاها وبيقول إنه ظبطها
بس بعد ما مشيت من عنده لقيت مشكلتين مش عارف سببهم وهوا بيقول إنهم كده المظبوط

الأولى إن الدركسيون تقل جدا
أنا بسوف العربيه دي من أربع سنين وعمر الدركسيون ما كان تقيل بالشكل دا
دي الأولانه

التانيه بقه ودي الغريبه جدا
إن الدركسيون فيه سنه هوا يمين وشمال
يعني لو إنتا سايق كده وغربلت الدركسيون سنه يمين وسنه شمال، العربيه ممتتحركش
ودا عمره ما كان موجود
وهوا مصمم إن دا عادي
دا طبعا خلى الدركسيون مبيردش في الملفات الصغيره
وكمان زود قطر دوران العربيه
يعني لو كسرت الدركسيون للاخر بيقى يلف على الواسع أكتر، لإن فيه جزء في حركة الدركسيون مهدره -مبتحركش العجل-

الكلام دا مكنش موجود بس هوا بيقول إن دا الصح
مش عارف أعمل إيه
اتمنى إنكم تفيدوني
وشكرا مقدما

متابع باهتمام وشكرا للاعضاء المشاركين ردودهم