الموضوع: الطريق من القاهره الى راس سدر وعايز حجز مصيف

دى ردود من موضوع تانى و كان فى حد بيسأل على طريق راس سدر و جاوبته:

حضرتك تاخد طريق السويس و تفضل ماشى فيه طوالى هتلاقى بوابات بعد حوالى 90 كم (مفيش دفع فلوس فيها هوه كمين ثابت) بعد ما تعديه تاخد اول يوترن و تخش يمين ده طريق نفق احمد حمدى تفضل ماشى فيه هتلاقى تقاطع و فيه بنزينة وطنيه برضه ماشى طوالى هتقطع تذكره للنفق و تعدى
بعد النفق بحوالى كيلو او اتنين هتخش يمين و تمشى على طول هتعدى كمين عيون موسى و بعديه بشويه هتلاقى نفسك فى راس سدر
فى رادار فى طريق السويس و فى رادار بعد النفق و انت داخل على عيون موسى

معرفش موضوع الايجار هناك نظامه ايه

و انت على طريق السويس كل اللوح للسويس
عند البوابه هتلاقى لوحه بتشاور ان يوترن و يمين للنفق
طريق النفق مفيهوش لعب هو عند المفارق اللى ممكن تروح يمين او شمال فانت خليك طوالى و لو مش متأكد اسأل الدنيا فى المفارق مليانه ناس
بعد النفق فى يمين على طول ... ده هيوصلك بس ده طريق جيش و ساعات بيكونو قافلينه فخليك فى المضمون خش تانى يمين بعد النفق اضمن بس مش فاكر فى هناك لوحه ول لأ
نصيحه جهز طفايتك تحت الكرسى اليمين و المثلث و الشنطه علشان محدش يتسلى عليك لأن هتعدى كمين طريق السويس و عند المفارق ساعات بيقفو و عند النفق هيشوف الرخص و عند عيون موسى فى كمين

و انت فى سدر هتلاقى ساعات محتاج تمشى و الميه عند الركب شويه حلوين علشان توصل لعمق معقول للعوم و اللعب ... خلى بالك ان ممكن تكون فى الجزر و بعد نص ساعه ولا ساعه المد يعلى و تضطر اللى مشيته كله ترجعه عوم

المشاركة الأصلية كتبت بواسطة mazagangee

حد يلحقنا بالأسعار و بنظام الحجز و لا نروح على طول و نشوف سمسار هناك ؟

الميه فيها صخور هناك ؟

+111111111111111111
ياريت حد من اللى راحو يقولنا نظام الاسعار ايه هناك
و بلاش فنادق ياريت انا عاوز شقه مفروشه غرفتين

اانا امبارح لسه راجع من راس سدر - كانت فسحه جميله و الحمد لله
لكنى و انا راجع كنت عاوز اخد المعديه بدلا من نفق الشهيد احمد حمدى (كنوع من التجديد و الفسحه)
فسألت احد المجندين اللى لاقيتهم بالصدفه على طريق المعديه فقالى انى مش حقدر اطلع على المعديه بالعربيه ؟؟
ليه ياعم ؟؟
علشان عربيتك مش غاز
لو كانت عربيتك غاز او حتى لو معاك انبوبه كنت طلعت على المعديه ؟؟

انا بصراحه ماقتنعتش بالحوار ده بس ماحبتشى اغامر و اروح المعديه و ارجع تانى لأنى خفت اتوهه فى الصحراء و كمان علشان كان اليل قرب
فياريت حد يأكد او ينفى المعلومه دى

المشاركة الأصلية كتبت بواسطة محمود السيد

احسن حاجة انك تروح لسمسار وهو هيظبتلك الى انت عايزه وحدود الشقق من 70 الى 150 فى اليوم كلى على حسب طلبك وامكانياتك والكلام ده عن تجربة لانى مابصيفش الا فى راس سدر وياريت تروح حمامات فرعون هية بعيدة شوية بس ممتازة بس خلى بالك ان الاغلبية الى بيكون فى حمامات فرعون بيكون اما من العريش باسرهم او من سواقين النقل الثقيل ما تقلقش منهم كل واحد هناك فى حاله بس لم بيقع اى حد فى مشكلة بتلاقي المساعدة من كل مكان والله حصل مرة وان هناك العربية غرزة منى فى الرملة وهى عربية 125 انلاقيت الناس سواقين الترلات الى كانت موجودة فى المياة خرجة وساعدتنى لحد لما طلعت العربية وهى دى معدن المصرى الاصييييييييييييييييييييي يييييييل مشى المصرى الصينى الى موجود الان على النواصى وفى الحارات الى وقفين يبيعو الوهم لطلابه والنهاية اللهم احفظ مصر وشعبها
ولدى سوال اخبار الطريق ايه اليومين دول لانى كنت بفكر اطلع اقضى يومين هناك بس عايز اعرف الطريق امان وونس مع انى عارف ومتاكد ان الحافظ هو الله
اللهم احفظنا بعينك التى لا تنام واحرصنا بذكرك الذى لا يضان اللهم امين

الطريق حلو و مافيهوش مشاكل و العربيات كانت رايحه جايه عليه - انا سافرت يوم الخميس اللى فات
وللاسف مارحتش حمامات فرعون لأنى ماكنتش اعرف اروحها ازاى
و مشكله هناك انهم بيتعاملو ان اللى جاى جاى علشان يقعد على الميه و بس - رغم انى متعتى فى زيارة الاثار و الحجات دى
بس للامانه و انا راجع شوفت عربيه نيسان 4*4 فيها كل مواصفات العربيات اللى بنسمعها بتقطع الطرق (4*4, متفيمه , من غير نمر,فوانيسها متكسره و فيها اثار خبطات غير ان بعض قطع الصاج متغيره و بلون تانى زى الكبود مثلا )
معرفشى انا اشتبهة انها تبقى عربيه من اياهم رغم ان كانت العربيه ماشيه فى حالها (على 90 او 100) و الحمد لله ماعبرتنيش (يمكن علشان انا عربيه قديمه فصعبت عليه )
و انا لما شوفته فتحت على 140 اساسا

بس برضه ماجوبتنيش بخصوص المعديه