الحل السحري لخدوش وخرابيش العربيه

**ramyar** · 12-07-2010 11:57 PM

لاحظت في الفتره الاخيره ان ناس كتير بتتكلم ان دهان عربيات بروتون ضعيف
والي لفت نظري للموضوع ده الاستاذ المبجل المبجا احمدعلي لما قابلته في التوكيل من فتره وفعلا الموضوع اتاكد معايا لاحظت ان وانا مسافر او علي طريف سريع لو اي حبايه رمل صغيره خبطه العربيه بلاقي انها شالت الدهان تحتها ولغايه ما المهندس المبدع محمد عبد القادر شرح في عجاله نوعيه الدهان المستخدمه في بروتون
واخيرا كنت واقف مستني والدي ووالدتي واذا بواحد راكب عجله ربنا يباركه ساب الشارع كله وراح داخل في العربيه مع العلم اني كنت راكن والعربيه مطفيه
ونتج عن الموضوع ده خدش بطول 15 سم طبعا في الكبوت والرفرف اليمين
المهم زعلت الاول وحمد لربنا وقلت الحمد لله لغايه ما لقيت الحل السحري
عندنا في حوصض الموتور شريحه عليها لون العربيه
والنهارده جايبلكم الحل السحري
قلم اللون بنفس اللون والدرجه بتاعت العربيه
القلم صناعه كوريه وسعره كام
كام

7 جنيهات فقط لاغير
واسمه
هنلاقيه مكتوب علي القلم
والقلم ده موجود من زمان لاكن كان بالوان عاديه مش ميتالك وكمان كان لونين بس ابيض واسود وكان لون الابيض والاسود باهت لغايه مانزل منه الميتالك واللميع وهنلاقيه عند اي حد من بتوع البوهيات بي البلدي كده هنقله عايز قلم دوكو لون كذا وللعلم في منه جميع الالوان ميتالك وعاده
طيب تعالوا نشوف القلم

طبعا انا جبت السلفر لان برسونتي حبيبتي لونها سلفر

طيب تعالوا نتعلم ونشوف ازاي نداوي الخرابيش والخدوش
الاول هوريكم عربيه واحد صاحبي متسوبيش لسه ياعيني مارخصش العربيه وواحد سلم علي عربيته

شايفين الخربوووووش عامل ازاي

الاول هنجيب قطنه او سفنجه ونجيب نقطه سبرتو او بنزين المهم اي ماده مطهره لاكن مش مايكروكروم او سبغه يود
انا اقصد ماده مطهره بي النسبه للعربيات زي بنزين تنر او برتو
ونطهر بيها مكان الجرح
اقصد الخربوش
وبعدين نجفف كويس ونمسك القلم ونرجه كوبس لان فيه بليه عشان اللون يكون متجانس وبعدين في خط بنفس شكل الخربوش هنمشي مره واحده يعني مانمشيش من الاول ونقف وبعدين نكمل هنلاقي الخط بتاع القلم فصل
يعني مره واحده في حركه واحده

زي كده

وطبعا هنا عشا الخربوش مكانش خفيف وجاي في الاكصدام الفبر اضريت اعيد عليه مره واتنين عشان مايبقاش في عالي وواطي

ودي النتيجه

طيب تعالوا نشوف خبطه او تجريحه الصاج الي عندي

دي خبطه الاستاذ ابو عجله

طبعا شكلها مؤلم

وده بعد القلم

واخيرا كده خلاص وان شاء الله استنوا موضوع بخصوص
اعمل كار كير لعربيتك وازاي تشمع العربيه وتعتني بي دهان العربيه ووالازاء البلاستيكيه والفبر والكاوتش ...الخ تقبلوا تحياتي ومستني ردودكم واستفساراتكم

**weeja** · 13-07-2010 12:05 AM

يشرفني أكون أول واحد يرد على موضوعك
موضوع متميز و مفيد جدا كالعادة وكنت بدور على حاجة زي كده
لأن في مصرنا المحروسة ماشاء الله الأخلاق عالية اوي وكل واحد بيعدي يحب يرمي السلام على العربية بمسمار بقى بمفتاح اهو اي حاجة تيجي في طريقه

**ramyar** · 13-07-2010 12:12 AM

المشاركة الأصلية كتبت بواسطة weeja

يشرفني أكون أول واحد يرد على موضوعك
موضوع متميز و مفيد جدا كالعادة وكنت بدور على حاجة زي كده
لأن في مصرنا المحروسة ماشاء الله الأخلاق عالية اوي وكل واحد بيعدي يحب يرمي السلام على العربية بمسمار بقى بمفتاح اهو اي حاجة تيجي في طريقه

الشرف ليا انا ان انتا تكون اول واحد يرد عليا وانشاء الله يارب الموضوع يكون عجبك ويفيدك وان شاء الله ربنا يبعد عنك الخرابيش

**hesham_soaida** · 13-07-2010 12:39 AM

شكراااا انا عندي اللون الاسود أستاذ في الخرابيش

**Mohtofy** · 13-07-2010 12:47 AM

القلم ده أجيبه منين بالضبط يعنى حضرتك جبته من عند مين وهل لما أقوله على درجة اللون هيبقى موجود منها القلم جاهز ولا هيعمل قلم مخصوص لدرجة اللون بتعتى .

بحييييك جدا" على الموضوع الجميل ده

**ramyar** · 13-07-2010 12:54 AM

المشاركة الأصلية كتبت بواسطة mohtofy

القلم ده أجيبه منين بالضبط يعنى حضرتك جبته من عند مين وهل لما أقوله على درجة اللون هيبقى موجود منها القلم جاهز ولا هيعمل قلم مخصوص لدرجة اللون بتعتى .

بحييييك جدا" على الموضوع الجميل ده

القلم بيكون جاهز ومقفول كمان
ودرجه اللون بتاعته بتكون في نص الغطاء عشان تقارن
هوا اصعب لون الفضي لان في منه درجات
لاكن غير كده الاسود اسود الرمادي واحد الاحمر
وانتا تجيبه من عند اي حد بتاع بوهيات انتا من حلوان صح روح عند اي حد بتاع دوكو وقله عايز القلم