من المطار الجديد لمدخل مدينة العبور

**master2009** · 13-07-2010 05:23 AM

لو سمحتو الطريق من مطار القاهرة الجديد لغاية مدخل نفق العبور إزاي ؟!!!!!

**mohamed_selim** · 13-07-2010 11:59 AM

المطار الجديد ليه مخرجين
واحد هيطلعك عند الصينيه اللى عند المطار القديم (عند بنزينة التعاون و طريق الفنادق) و التانى عند الكوبرى الجديد اللى بينزل على الاوتوستراد
لو اخدت المخرج الاولانى هتلاقى البنزينه على الشمال هتلف الصينيه 3/4 لفه (كأنك دخلت شمال) و هتمشى 50 متر هتلاقى نفسك مجبر تلف يمين قوى و تمشى شويه صغيرين و تلف يوترن و ترجع .. كده انت طالع من المطار تمشى طوالى و عند الكوبرى متطلعش و خش من تحته يمين (هتكون ماشى جنب سور المطار و الكليه الحربيه على شمالك) خليك فى اقصى اليمين و لف يمين مع سور المطار (الطريق كده كده بيلف بيك و هتلاقى ملاهى السندباد على شمالك) و خليك طوالى هتلاقى كوبرى اطلعه و هينزلك اول طريق الاسماعيليه خليك فيه طوالى هتلاقى العبور على شمالك و علامات النفق على اليمين

لو اخدت المخرج التانى هتلاقى نفسك على كوبرى ليه 3 منازل اللى فى النص ده نازل اوتوستراد فى اتجاه مدينة نصر ... سيبك منه
ممكن تنزل يمين او شمال (شمال مشوار اطول بس هيوفر معاك فى الوقت)

لو نزلت يمين هتنزل اوتوستراد فى اتجاه مصر الجديده و مساكن شيراتون تفضل ماشى لحد متلاقى انك مجبر تاخد يمين عند البنزينه لما تاخد يمين خليك فى اقصى الشمال و عدى تحت الكوبرى (اقصى اليمين يرجعك على المطار القديم و فى النص تطلع كوبرى ينزلك صلاح سالم فخليك اقصى الشمال احسن) و تمشى طوالى هتلاقيك جنب سور المطار على يمينك و الكليه الحربيه على شمالك و تكمل زى الطريق اللى فوق

المشكله هتبان عند موقف العاشر على طريق اسماعيليه بتكون زحمه قوى فممكن تبعد عن الزحمه و تاخد نزلة الكوبرى الشمال دى هتطلعك بعد حوالى 6 كم على طريق السويس .. اول ما تخرج على الطريق خد يوترن و اطلع الدائرى شمال (عدى تحت الدائرى و خد المطلع) و تفضل ماشى لحد ما تلاقى يافطه الاسماعيليه الصحراوى يمين ... تنزل و تمشى شويه هتلاقى العبور على شمالك و النفق على اليمين ...

توصل بالسلامه :)

**dolly13** · 13-07-2010 01:53 PM

هو مش المطار الجديد له مخرج على الدايرى والا هو مدخل بس

**mohamed_selim** · 13-07-2010 04:01 PM

انا بشوفه و انا على الدائرى بس مجربتوش فمرضتش اقوله على حاجه مش عارفها :)
كمان علشان يلف هياخد يوترن من بعد jw mariot و هيمشى كتير فنزلة طريق السويس هتبقى افضل

**Samir Elshahawy** · 13-07-2010 04:05 PM

المشاركة الأصلية كتبت بواسطة mohamed_selim

انا بشوفه و انا على الدائرى بس مجربتوش فمرضتش اقوله على حاجه مش عارفها :)
كمان علشان يلف هياخد يوترن من بعد jw mariot و هيمشى كتير فنزلة طريق السويس هتبقى افضل

عادي بعد ماتنزل من علي الدائري علي طريق السويس , أطلع الدائري تاني من الطلعة اللي بعد ماتنزل مباشرة كده هاترجع الداشري تاني في اتجاه طريق الاسماعيلية و مدخل العبور

**mohamed_selim** · 13-07-2010 04:09 PM

ايوه يبقى كده اولى انه يخرج من المطار من المخرج اللى على طريق السويس و هيلف نفس اليوترن و يطلع الدائرى فى اتجاه الاسماعيليه الصحراوى و العبور

**Samir Elshahawy** · 13-07-2010 04:10 PM

المشاركة الأصلية كتبت بواسطة dolly13

هو مش المطار الجديد له مخرج على الدايرى والا هو مدخل بس

مخرج المطار الجديد الي الدائري كالاتي :

.... لو انت خارج من ساحة الانتظار :
1- بعد ماتطلع من الساحة لف اول يوتيرن يقابلك
2- هاتمشي علي طول (خلي بالك علشان الطريق بيتقسم الي 3 اتجاهات خليك في المنتصف) و كمل من تحت الكوبري علي البوابات
3- كده انت علي بوابة الخروج من المطار الجديد
4- بعد البوابة كمل علي طول جهة اليسار هتلاقي قدامك كمين و الكوبري بيتفرع الي 3 منازل
5- خد المنزل في أقصي اليسار
6- كمل علي طول و ماتدخلش اي دخلة يمين لحد ماتطلع الي الطريق الدائري مباشرة

.... اما لو جاي من الصالة مباشرة :
هاتنزل كأنك رايح الي ساحة الانتظار اللي مدخلها هايكون علي شمالك و لكن كمل علي طول حسب الوصف السابق

**master2009** · 13-07-2010 08:12 PM

المشاركة الأصلية كتبت بواسطة mohamed_selim

المطار الجديد ليه مخرجين
واحد هيطلعك عند الصينيه اللى عند المطار القديم (عند بنزينة التعاون و طريق الفنادق) و التانى عند الكوبرى الجديد اللى بينزل على الاوتوستراد
لو اخدت المخرج الاولانى هتلاقى البنزينه على الشمال هتلف الصينيه 3/4 لفه (كأنك دخلت شمال) و هتمشى 50 متر هتلاقى نفسك مجبر تلف يمين قوى و تمشى شويه صغيرين و تلف يوترن و ترجع .. كده انت طالع من المطار تمشى طوالى و عند الكوبرى متطلعش و خش من تحته يمين (هتكون ماشى جنب سور المطار و الكليه الحربيه على شمالك) خليك فى اقصى اليمين و لف يمين مع سور المطار (الطريق كده كده بيلف بيك و هتلاقى ملاهى السندباد على شمالك) و خليك طوالى هتلاقى كوبرى اطلعه و هينزلك اول طريق الاسماعيليه خليك فيه طوالى هتلاقى العبور على شمالك و علامات النفق على اليمين

لو اخدت المخرج التانى هتلاقى نفسك على كوبرى ليه 3 منازل اللى فى النص ده نازل اوتوستراد فى اتجاه مدينة نصر ... سيبك منه
ممكن تنزل يمين او شمال (شمال مشوار اطول بس هيوفر معاك فى الوقت)

لو نزلت يمين هتنزل اوتوستراد فى اتجاه مصر الجديده و مساكن شيراتون تفضل ماشى لحد متلاقى انك مجبر تاخد يمين عند البنزينه لما تاخد يمين خليك فى اقصى الشمال و عدى تحت الكوبرى (اقصى اليمين يرجعك على المطار القديم و فى النص تطلع كوبرى ينزلك صلاح سالم فخليك اقصى الشمال احسن) و تمشى طوالى هتلاقيك جنب سور المطار على يمينك و الكليه الحربيه على شمالك و تكمل زى الطريق اللى فوق

المشكله هتبان عند موقف العاشر على طريق اسماعيليه بتكون زحمه قوى فممكن تبعد عن الزحمه و تاخد نزلة الكوبرى الشمال دى هتطلعك بعد حوالى 6 كم على طريق السويس .. اول ما تخرج على الطريق خد يوترن و اطلع الدائرى شمال (عدى تحت الدائرى و خد المطلع) و تفضل ماشى لحد ما تلاقى يافطه الاسماعيليه الصحراوى يمين ... تنزل و تمشى شويه هتلاقى العبور على شمالك و النفق على اليمين ...

توصل بالسلامه :)

تسلم شكراا جزيلاً