الموضوع: تــفـــاصــيــل صــيــانــات نـيـــســـان وما يتم تغيره فى كل صيانة

صيانة سيارات النيسان و الفروق بينهم

الكشف على العفشة و تربيطها ( مع أن كلمة تربيط العفشة دي كلمة غير صحيحة فنياً ولكن هقولها مجازاً ) و الكشف على مستويات جميع السوائل و الزيوت مثل: زيت الفتيس و المحرك و الفرامل و مياه الرادياتير و البطارية في كل الصيانات .....

1- صيانة 1000 كم
و الغرض منها تغيير زيت المحرك و ده لأن المحرك مش بيتجمع فى مصر يعنى بيجى متقفل من اليابان و ممكن يكون المحرك فضل فترة طويلة فى الميناء و بالتالى يجب تغييره .

2- صيانة ال 5000 كم
و الغرض منها تغيير زيت المحرك عند اللزوم .

3- صيانة ال 10000 كم
و الغرض منها تغيير الزيت عند اللزوم و اللي بيزيد هنا الكشف على الفرامل لأن الكيلو مترات اللي فاتت مش كبيرة لدرجة إن يتم فك العجل و الكشف على الفرامل و عمل رجلاش لفرامل اليد .

4- صيانة ال 15000 كم
الغرض منها تغيير زيت المحرك عند اللزوم و مش هيتم الكشف على الفرامل عشان تم عملها في صيانة ال 10000كم و ده مش معناه إهمال ,, بالعكس ده معناه توفير في وقت و فلوس العميل و لو إشتكيت إن التيل محتاج يتغير بيتم تنبيه العميل إنه هيتم الكشف عليه في الصيانة القادمة .

5- صيانة ال 20000 كم
و هي نفس صيانة ال 10000كم و يزيد عليها تغيير البوجيهات .

6- صيانة ال 25000 كم
و تعتبر كصيانة ال 5000 كم

7- صيانة ال 30000 كم
و تعتبر كصيانة ال 10000 كم
صيانة ال 40000 كم
و تعتبر كصيانة ال 20000 كم و لكن يزيد عليها تغيير مياه الرادياتير وزيت الفتيس لو اتوماتيك و السيور (كمـا أن السيارة النيسان الكاتينة بتاعتها جنزير مش سير ) .

وبعد ذلك تتكرر الصيانات ......

ملحوظة

1- فلتر الهواء حسب العمر و يفضل كل 20000 كم
2- بوجيهات السيارات التيدا كل 100,000 كم لانها بلاتينيوم

منقول للإستفاده

--------------------
تم التثبيت
مشرف القسم
19 ب

المشاركة الأصلية كتبت بواسطة ahmed.tv

تسلم ايدك على الموضوع يا احمد ,وجزاك الله خيرا ,

حبيبي يا بو حميد وبعدين إحنا هنيجي فيك ايه يا معلم ,,, وربنا يخليك لينا يارب .............

المشاركة الأصلية كتبت بواسطة ali_amr

الف شكر على المعلومات يا باشا وجزاكم الله خيرا

يارب تفيدكم إن شاء الله .......

المشاركة الأصلية كتبت بواسطة mohamedbook

ايه الجمال ده بس احنا مستنيين تفاصيل اكتر عشان الموضوع مهم جدا
يعني ترتبلنا الموضوع من الالف الي الياء من ناحيه ايه الي بيحصل تفصيلا في صيانية الالف والخمسه تلاف والعشرة لحد الميت الف الي هما بتوع الضمان طبعا وبعد كده برائه وايه هي الحجات الي يجب تغيرها عند كل صيانة
مش بس كدة دنتا كمان هتعرفلنا اسعار الصيانة تفصيلايا وتبلغنا بيها المصنعيات واسعار الحجات الي بتتغير
فتحت علي نفسك فتحة ده موضوع جامد ومحتاج مجهود جبار يامعلم يعني عليك وعلي مراكز الصيانه وبلغنا الاخبار اول بول
ولو فيه صور ياسلام من مراكز الصيانه تبقي وفيت يمعلم
خد بالك انت الي عملت الموضوع وانت الي لازم تكمله لن نكتفي بهدا القدر

إنت بتدبسني يا محمد بووك مـــــــــــاشي يا بو فوزي لــــــمـــــا أشوفك بس ..........
وبعدين إنت معايا وألا معاهم ..............
ولا يهمك يا برنس إنت تؤمر السنة اللي جاية في نفس المعاد ده إن شاء الله هتلاقي كل حاجة تمام
وبعدين أحمد مصطفى مظبط اسعار المصنعيات هتلاقيها في الموضوعات المثبتة وأنا ما رضيتش اكتبها تاني عشان ما تبقاش موضوعات مكررة ......