الموضوع: الكيا ضمانها 5 سنوات اشمعنى؟

حلوه حته السيد دى :)
ودى تدل على أيه يعنى؟؟؟
دخلها أيه بالسؤال يعنى؟؟
ما علينا
زى مقال أستاد أحمد الموضوع موضوع ثقه بين الوكيل والشركه الام
إذا كان الوكيل واثق فى منتجات من يمثلهم فهيرفع السنين زى ميحب
والكيا بتزل فى أمريكا بضمان 10 سنين...تعرف كدا!!
كمان الاهم هى قدره التوكيل على الصيانه
يعنى طالما توافرت الخبرات اللازمه للإصلاح والصيانه والتعامل مع المشاكل
ووجود عماله مدربه على أيدى مصنعى السياره كل ما زياده فتره الضمان متمثلش مشكله للوكيل
لأنه ببساطه مش خايف أن العربيه تعد كتير ومش هامه أنه يتخلص منها بسرعه

المشاركة الأصلية كتبت بواسطة احمد عزت

حبيبى يانورمال عامل اه .بجد والله انا نفسى اتعرف عليك انت ورجاله الكيا الجامدين وفكرو بقى بجد فى العرض بتاعى وان المقبله اللى جايه تبقى فى نادى اكتوبر والله هيعجبكم.........عموما بالنسبه لموضوع سنين الضمان
مش شرط حتى الثقه اصل غالبا حتى لو العربيه صينى وبتعملها صيانتها هتعيش معاك اكتر من 7 ولا 8 سنين

(ساعات التوكيلات بترفع سنين الضمان علشان تجبرك نفسيا لعمل الصيانات كلها اثناء ال 5 سنين عندهم علشان تفضل خايف على الضمان ليروح منك ويبقى كده استفادو واهى فلوس داخله جيوبهم ببلاش)

طبعا يا اعداء السيراتو الموضوع ملوش دعوة ولا بالسيراتو ولا بالفيات ولا بالحنتور انا بتكلم على سياسات التوكيلات مش اكتر

معلش يانورمال ياحبيبى اصل انت عارف الناس هنا ما بيصدقوا يلاقو حاجه يقفشو فيها

أهلا أزيك يا أحمد ووالله أبو ليله هو الى قايم بالمقابله المرادى ومصر على قريه سياحيه أو فندق وكدا :)
نورنا أنت بس وإن شاء الله هتتبسط أوى
ومقلتش عملت أيه وهتشترى أيه؟
بردو زى منت قلت مفيش كلام.....تكاليف الصيانه على مدار الخمس سنين مكسب كبير للوكيل
لكن أيضا الموضوع سلاح زو حدين
مهو لو فكر كدا لازم يبص للجانب الاخر وهو ان ممكن أى حاجه تطلع بايظه فى العربيه كعيب صناعه
فتيس مثلا بـ 12 ألف جنيه يقف عليه بصيانه كام عربيه :)
هنا يجي دور الثقه بقى
لو واثق أن عيوب الصناعه مازلت بتلعب فى الmin يبقى يرفع عدد السنين على راحته وهو الكسبان زى منت قلت
فلو راجعت الكلام تانى هتكتشف أن دور البطوله بتقوم بيه الثقه
لأنها لو مش موجوده فالوكيل قد يشك أن مع زياده عدد السنين وفى عيوب صناعه كتير تخسره جامد
فيقول أمص دم الزبون اول سنه ولا أتنين
وبعدين لما تفتح بقها قدام أبقى أنا خرجت بره اللعبه
بس عاماً أتصور أن فيات الجديد مفيهوش عيوب تذكر وعلى أومترا أنها تعى كدا على الاقل لو عايزه تكسب بس هما يفكروا بس