الموضوع: رحله السفر بالطريق الغربى الصحراوى

حمدلله على السلامة
فداك مئة رادار وربنا يستر طريقنا وطريقك والجميع
د.محمودصلاح مش هنشوفك فى المنيا الصيف ده ولا ايه

شكرا كريم باشا على اهتمامك
الحمد لله رجعت ومعى بعض الملاحظات للاخوة الاعضاء
اولا ان ضبط عجل السيارة على 28 نظرا لحالة السفر الطوالى التى تتسب حاله الجو فى تمدد الاطارات وزياده الهواء مما يؤدى لانفجار احدى الاطارات ذى ماحصل معى وكان ربك لطيف بى
ثانيا اثبت عمليا ان السرعه القصوى مش كويسه للسيارة بدليل الاتى
عند ذهابى بالسيارة كنت بمشى اغلبه 80 90 100 صفيحة الوقود عملت معايا 270 كيلو وريحت مرتين ريست بالطريق
وعند رجوعى بالسيارة اغلبية مشى كان مابين 110 و 125 كيلو صفيحة الوقود عملت معايا 240 كيلو وريحت مره واحد ريست
وده ان دل يدل على انه افضل مشى هو سرعات 80 او 90 او مائه كدة كده ان شاء الله هتوصل
ثالثا اكتشفت ان القيادة بالليل فى الطريق الغربى الصحرواى افضل بكتير من المشى بالنهار منها تبعد عن حرارة الجو وتبعد لدعات الرادار بالاضافه ان القيادة بالنسبه لى كانت جميلة ولا اخفى عليكم سرا انى كنت طالع من بلدتى الساعه الواحده الا ربع مسكت الطريق من البلد حتى الوصول الى الطريق الغربى والطريق كان شديد الظلام نظرا لانعدام الانارة نهائى فكرت انى ارجع وانتظر الصباح لكنى تماسكت وظليت ماشى على 40 50 حتى الخروج من بلدتى الى الطريق الصحراوى ثم سلك طريق الموت هكذا انا سميته بهذا الاسم وذلك لكثرة الحوادث عليه وكثرة منحنياته الضيقة بين الجبال والحمد خرجت منه الى الطريق العدل بدأ قلبى يطمئن شيئا قشيئا حتى وجدت نفسى ادوس واشق الظلام
رابعا اكتشفت ان الطريق مابين سوهاج الى القاهرة اطول من الطريق من القاهرة الى سوهاج وهذا اثبته بقراءة الكيلومترات وذلك بسبب وجود منحنى جامد عندالخروج من الطريق الصحراوى الى نادى الرماية وهو سبب الفرق
خامسا الطريق رايح من القاهرة الى سوهاج افضل بكثير من الطريق من سوهاج الى القاهرة يوجد به بعض التعاريج التى تشكك ان سيارتك فى شئ وايضا توجد صيانه به مابين بنى سويف الى القاهرة
ده كل ملاحظاتى يمكن تفيد احد مثل حالتى سابقا

[ والحمد لله سلكنى من رادار فى المينا رغم ان كان موقف سيارات كثيرة

انا اتلدعت 150 جنية رادار
وانا داخل المنيا عند كمين سمالوط
المنيا من اول مغعاغة لحد سمالوط كلها رادارات وخصوصا بنى مزار

وحمد لله على السلامة

انا شايف ان الردار بعد الساعه 12 مساءا مش موجود
لانى خرجت من سوهاج الساعه 12 ونصف بالليل واول مامسكت طريق اسيوط الزوجى مشيت فيه من 110 الى 120 كيلو فى الساعة ومنزلتش عن المائه الا عند دخولى على نقطة تفتيش فقط ولم اجد ردار واحد بالمرة
هل فعلا الردار مش موجود بالليل ولا اللى حصل معى قدرا ماكنش موجود فى ذلك اليوم

يا جماعه انا عايش بين اسيوط والقاهره و رغم اني ساكن في زهراء المعادي يعني الشرقي بال
نسبالي قريب جدا لكني بفضل اخد الهرم بزحمته عشان اخد الغربي لانه ازدواجه بيخليك ماشي مرتاح جدا
ولكن كما تحدث الاخوة العيوب تتمثل في الاتي:
اولا المسافه بين بني سويف والقاهرة وتحديدا بعد كمين سمسطا مليئة بالحفر العميقه يعني لو على سرعه كبيرة ممكن لا قدر الله تكسرلك مقص او تعوجلك جنط لذا يجب الانتباه جيدا في هذه المنطقه

ثانيا وانت رايح اسيوط المسافه بعد مغاغه فعلا كلها رادارات ولكن بعد الرابعه او الخامسه مساءا تقريبا لا توجد رادارات

ثالثا لمحبي السفر ليلا الطريق بيكون ممتاز ولكن المشكله في ان غالبية الطريق لا توجد به اناره
وفي النهايه اتمنى لكم سفرا امنا في حفظ الله