بوابة الإنجكشن ياريت حد يفيدني

**muslim_masry** · 18-07-2010 12:09 PM

سلام عليكم جميعاً

أنا عربيتي فيات أونو موديل ٢٠٠١، ومن كام يوم قطعت معاية فجأه والبنزين كان بيعلى ويوطى. رحت لمكانيكي غير الفلتر والزيت وفضلت ذي ماهية وقالي إن المشكلة في البوابة ولزم تروح التوكيل.

رحت لتوكيل فيات في جسر السويس وبعد الفحص إتصل بية امبارح المهندس بيؤلي إن البوابة لزم تتغير وتمنها ٤ الاف ونص وطلمبة البنزين بألف جنيه ولسة ضريبة المبيعات وشغلهم، يعني تدبيسة ثقيلة الحمدلله على كل حال وهتدخلها شكلها في ٧ الأف ربنا يستر.

أنا لسة مردتش عليهم فلو تقدرو تفيدوني على مكان تاني الاقي فيه القطعة دي بسعر أرخص وهل ينفع نستغني عن الإنجكشن واركب كارباتير عادي؟ ولو في أي حلول تانية هبأي شاكر لكم جداً.

**SAMEH_FOUAD** · 18-07-2010 01:25 PM

معلش بس ضرتك اصلا غلطان انك وديت العربية للتوكيل

وبعدين معلش بس ياريت تشرح اية اللى حصل معاك يعنى العرببية مابقتش بدور خالص ولا اية , وبنزين اية اللى بيعلى ويوطى

**el_hagrasy** · 18-07-2010 03:58 PM

ياباشا انا معايا اون 1999 انجكشن
حصل معايا نفس الكلام الموضوع ببساطة الايديل كونترول عايز يتنضف واكد على الفيش الموجودة حولين الانجيكشن اتكد انهم ثابتين فى مكانهم

**samirayad** · 18-07-2010 04:00 PM

طيب ماتحل الخرطوم اللى داخل على زور البوابه

وشوفها مواربه ولا قافله كويس والمكنه مبطله

وياترى أنت شوفتهم وهما بيفحصوا المكنه ولا لا

**SAMEH_FOUAD** · 18-07-2010 05:42 PM

اللى حضرتك بتحكى فية دة عيب الايدل كنترول وتمنة لايتعدى ال600 جنية

وبيروح بالتنظيف عادى ونظف الفيش بتاعتة كمان وكل حاجة هتبقى تمام ان شاء الله

نزف الايدل بالwd40

**el_hagrasy** · 19-07-2010 12:21 PM

المشاركة الأصلية كتبت بواسطة muslim_masry

شكرا على كل الردود بس المشكلة انو العربية مش بعرف اتحرك بيها فنقلها مكلف فمش عايز اخدها من التوكيل أو أنقلها أي حتة الا لو متأكد من أنو هعرف اصلحها برة.
كمان يا جماعة هل التوكيل مش عارف الكلام دا؟ طب لو لاقو المشكلة في الأيدل فعلا ماقالش لية هنغير الأيدل؟ و كمان الميكانيكي اللي اشتغل فيها قبل التوكيل قاللي انو المشكلة في البوابة.
تاني حاجة عشان أعرف المشكلة فين أروح لمين؟ روحت لميكانيكي احتاس فيها , روحت التوكيل غاليين أوي, لو حد يعرف حد شاطر في الموضوع دا ياريت يدللني عليه

فى واحد فى اول فيصل اسمة احمد بطاطا رقمة 0108397607
انا معرفش اسم الشارع بس الوصفة
بعد كوبرى فيصل تدخل اول يمين وتانى شارع يمين بعد كدة شمال
وممكن تسال عليه هناك هوف فاتح زى مركز صيانة كهربة وميكانيكا
انا عملت عربيتى عندة
بس انت ممكن تنضفها تحت البت ارخص

**el_hagrasy** · 19-07-2010 12:23 PM

المشاركة الأصلية كتبت بواسطة samirayad

طيب ماتحل الخرطوم اللى داخل على زور البوابه

وشوفها مواربه ولا قافله كويس والمكنه مبطله

وياترى أنت شوفتهم وهما بيفحصوا المكنه ولا لا

بشمهندس سمير هو العربية الانجكشن ليها بوابة ولا لا
ولو موجودة مكانها فين

**samirayad** · 19-07-2010 02:42 PM

أى عربيه لازم يبقى لها بوابه للتحكم فى كمية الهواء الداخله للمكنه

من خلال التحكم فى زاوية بكرة الأكسراتير بالضغط على الدواسه وشد سلك الأكسراتير

- بوابة التحكم فى السيارات الكربوراتير ...........هو الباب

- بوابة التحكم فى الحقن الألكنرونى ..........هو قرص البوابه

وتلاقيه وتشوفه لما تحل أفيز خرطوم الهواء اللى رايح للبوابه من فلتر الهواء