الموضوع: اجيب منين موتور بليزر 6سلندر

هى العربية موديل كام ومطلوب فيها كام وحالتها الداخلية اية

اية مشكلة فوزي الخواجة ماتشوف عندة !!! هو متخصص امريكاني

بص اسمع ان تجار مواتير استيراد الامريكاني مش في بورسعيد و انما في الاسماعيلية إسأل عنهم حد من هناك

ممكن تشوف وليد الامير اللي في المنزلة دة بتاع عربيات جيب بانواعها ايسوزو و تويوتا و كلة

و فية تاجر وحيد في بورسعيد بيشتغل في حاجة الجيبات هوة برة البلد بعد الجميل على طريق دمياط جنب مزرعه السمان عبارة عن شونة كبيرة جدا و عندة الف موتور و عربية مثلا

المشاركة الأصلية كتبت بواسطة m!na

أولا... العربية شاسيه طويل ولا شاسيه قصير و موديل كام؟ و حضرتك طالب فيها كام؟
ثانيا.... ليه مافكرتش تسقطلها موتور ديزل....

أرخص في الوقود و قطع الغيار... و حاجته متوفرة في كل مكان... و صيانته مفيش أسهل منها...

و عادة الموتور اللي بيركب للعربية ديه بيكون موتور الشيفروليه الجامبو... 4300 سي سي على فتيس مانيوال...

الموتور الديزل عمره أطول من موتور البنزين 4 أضعاف....

عزمه أشد من موتور البنزين بمراحل و اعتمادي أكتر... و مش بيحتاج صيانة غير زيت و فلاتر....

و ان كان الحصان فيه أقل و التسارع أقل من البنزين....




أدهم باشا... أنتا فين يا راجل؟؟ حمد الله عالسلامة.... أخبارك ايه و أخبار الفرونتيرا ايه؟؟

مينا باشا حبيبي ازيك يا وحش الصحرا و اية اخبارك

مش عارف تقريبا فية حاجة غلط في المنتدى معدش بيديني رسالة عالايميل ان فية رد لموضوع انا مشترك فية و للا اية

و فعلا كلامك كلة مضبوط يا معلم ال 4*4 موتور الديزل افضل و اوفر في استهلاك الوقود و في قطع الغيار و اسهل كمان في توافرها
لكن فية ناس بتحب العربية بحاجتها الاصلية مش متعدلة و عاوز موتور بنزين قوي و عفي في الجري و انت عارف الديزل عزم بس مافيش سرعه لانة ار بي ام واطي

و انا اديتة ناس انا عرف ان عندهم مواتير جيب و امريكاني في بورسعيد و في المنزلة

العربية ماشية تمام الحمد لله مانت عارف مش باستعملها كتير و مشاويري كلها قريبة حواليا في مدينة نصر
تخيل انها في سنتين و نص معايا عاملة حوالي 12000 كيلو هههههه
لسة مصينها الاسبوع اللي فات في ياسين و زي الفل الحمد لله

بصراحه بقالي شوية بافكر اغير و متردد مش عارف اغير و للا لأ

انت اية رأيك

شكراً يا جماعة على كل اللى رد ولكن لحب اعرفكم ان العربية بالفعل عليها موتور دايهاتسو 2400 سى سى ديزيل و بالفعل ده موتور (فاشل فاشل فاشل............) ضعيف جداً على العربية صيانته غالية جداً وقطع غياره اغلى من الامريكانى واللى عرفته ان الديزل كله كده العربية والموتور ده كان سعره 8000 جنيه ولما سألت عن الـnbr4300 عرفت ان تمنه بيبدأ من 15000 جنيه لو استيراد وموديل حديث واللى انا خلصت من ان الامريكانى لازم يفضل امريكانى وفعلا العربيه دى وهى عليها الموتور البنزين بتكون طيارة اما عن بيع العربية فانا ممكن ابيعا لغاية 17000 جنيه وده طبعا من غير موتور مع العلم انى موصى تاجر على موتور 6 سلندر تمنه 4500 جنيه والراجل عرض عليا انه يسقطه ويقفل الكهرباء والميكانيكا مقابل 500 جنيه يعنى العربية كلها هتقف ب22000 جنيه يعنى ارخص من 28 اخر التمنينات ورقمى لو حد عايز يشوف العربية 0101834333

المشاركة الأصلية كتبت بواسطة m!na

أدهم باشا... بجد أنا مبسوط جدا بعودتك... أيوا كدا عشان مبقاش لوحدي في ال4x4 :-)))

و بالنسبة لموضوع التغيير....بصراحة... أنا عندي فكرة جهنمية على الفرونتيرا ديه.....
أنتا تنزل بورسعيد... و تجيب موتور ديزل 2500 بتاع دبابة 2009
و دا تيربو.... و عليه باور,,, و تكييف....

هتلاقيه بفتيسه في حدود 17.500 جنيه...
و لو جبت كرونة... مش هتبقا غالية أوي برضه... خصوصا لو جبتها في شروة واحدة من عند نفس التاجر...

و تركب كل ده على عربيتك.... هيركب على أبوه... عشان الشاسيه واحد....

و بكدا هتبقا استفدت بميزات كتيرة جدا....

أولا... عربيتك ملاكي زي ما هي... بس موتورك ديزل (يعني أرخص قطع غيار و معمرة و منتشرة) - أفتكر طقم الدبرياج الأصلي بتاع الدبابة في حدود 470 جنيه... يا بلاش... :-)

ثانيا.... الديزل هيوفر معاك جداااااااااااااا و كمان موتور الديزل هيعمر معاك سنين.... و كيلوات ملهاش حدود....

ثالثا.... التيربو ديزل التسارع بتاعه بيكون أكنك راكب بنزين بالظبط.....

أخيرا... عربيتك مش هتعتبر ملعوب فيها... لأنك مركب كل حاجة في المكان الفابريكة بتاعها....

فكر في القصة ديه... و قوللي رأيك.... و لو كدا أنا ممكن أبقا أنزل معاك في كل الخطوات ديه... و أوديك عند الصنايعية اللي أعرفهم في الجاز....

و لو عايزها أوتوماتيك... ممكن نجيب الفتيس الأوتوماتيك استيراد... مش صعبة...

ياراجل حرام عليك

اشيل موتور 6 في 3200 بيدي 180 حصان وسرعه و عزم و شغال بكمبيوتر و حساسات منظمة التناغم بين الموتور و الفتيس الاوتوماتيك و احط موتور عربية نص نقل و تبقى بفتيس مانيوال و الغي الغرز و استمتع بصوت خشونة موتور الديزل

يعني من الاخر بدل مانا راكب عربية جيب 4*4 اوتوماتيك ابقى راكب نص نقل جاز مانيوال و من غير فتيس غرز

انت عارف ان انا عضو في منتدى الفرونتيرا في استراليا من زمان
هما بيسبوا و يلعنوا في الفرونتيرا الديزل ال 3000 سي سي برغم ان فيها مكنة افضل 100 مرة من موتور الدبابة ةو شغالة بفتيس اوتوماتيك و فتيس غرز كمان

مانا لو عايز اقلبها ديزل مقدامي موتور الفرونتيرا الديزل (الويزارد) ال 3000 موجود عربيات كاملة منة متقطعه بعفشتة و فتيسة بغرزة بضفيرتة بكل حاجتة
انما لية لما موتورها الاصلي فيها و ماشية 168 الف و الموتور ماشاء الله بحالتة و مهتم بية صيانة و مراعية و شغال معايا زي الفل و الحمد لله
الكلام دة لو انا راكب عربية موتورها هلكان و عايز عمرة او يتغير انما اشيل موتور عربية 100% اصلي و احط موتور ديزل و اصرف 20000 جنية و تعديل و تلفيق و قرف و العربية تقف شهر بين ميكانيكية لكهربائية لبتوع تكييف و عفشة و قرف
ياراجل دة انا ابيعها و اركب نص نقل ارحم

العربية ماتبقاش عربية الا بموتورها الاصلي يا مينا

متهيألي انك محتاج تطلع تست درايف معايا يا مينا

المشاركة الأصلية كتبت بواسطة elzaradashty

شكراً يا جماعة على كل اللى رد ولكن لحب اعرفكم ان العربية بالفعل عليها موتور دايهاتسو 2400 سى سى ديزيل و بالفعل ده موتور (فاشل فاشل فاشل............) ضعيف جداً على العربية صيانته غالية جداً وقطع غياره اغلى من الامريكانى واللى عرفته ان الديزل كله كده العربية والموتور ده كان سعره 8000 جنيه ولما سألت عن الـnbr4300 عرفت ان تمنه بيبدأ من 15000 جنيه لو استيراد وموديل حديث واللى انا خلصت من ان الامريكانى لازم يفضل امريكانى وفعلا العربيه دى وهى عليها الموتور البنزين بتكون طيارة اما عن بيع العربية فانا ممكن ابيعا لغاية 17000 جنيه وده طبعا من غير موتور مع العلم انى موصى تاجر على موتور 6 سلندر تمنه 4500 جنيه والراجل عرض عليا انه يسقطه ويقفل الكهرباء والميكانيكا مقابل 500 جنيه يعنى العربية كلها هتقف ب22000 جنيه يعنى ارخص من 28 اخر التمنينات ورقمى لو حد عايز يشوف العربية 0101834333

ان بعت لحضرتك رسالة عالخاص فيها نمر اتنين تجار استيراد عربيات 4*4 واحد برة بورسعيد بشوية و التاني في المنزلة دقهلية ممكن تلاقي حد فيهم عنده موتور العربية دي اللي انت عايزة او هما يقولولك اية المتوفر ليها
و الاتنين حريفة 4*4 و بالذات بتاع المنزلة بيعدل و بيركب و ممكن يسلمهالك دايرة تسليم مفتاح

قولي لو عايز اي حاجة و عرفني عملت اية مع التجار دول