هام لاهل اسكندرية و ضيوفها

**mrsailor** · 20-07-2010 02:05 PM

الموضوع ده كان مشاركة ليا فى موضوع اماكن الردارات على الطرق المصرية
و حبيت اعمله منفصل علشان اللى جاى يصيف ما يتصدرش فى مخالفة
و دى اماكن الردارات فى اسكندرية:

ردار ده موجود على البحر بعد شارع الفنون الجميلة بشارعين .. الشارع اللى على ناصيته عمارة فيها شركة تسويق عقارى او تايم شير .. دايما الصبح

رادار تانى على الكورنيش فى اتجاه المعمورة بيقف بعد موبيل الشاطبى و اللجنة عند كافيتيريا الريحانى

و كمان من بعد سيدى جابر فى اتجاه محطة الرمل كل الباركينج اللى على البحر الرادار بيكون موجود فيها الصبح و باليل .. فالافضل تمشى 60 من بعد سيدى جابر الى سينما عبد المنعم جابر و بعد كده هات اخر العداد

و انت جاى من القاهرة قبل بوابة اسكندرية ب 2كم رادار الصبح و بالليل

و انت جاى من القاهرة رادار عند الملاحات بعد اخر كوبرى علوى .. فيستحسن من اخر كوبرى لحد دخلةالمحور تلتزم بالسرعة

و انت جاى من اسكندرية فى نفس المنطقة تقريبا .. فالاحسن تلتزم بالسرعة من كارفور لحد اول كوبرى علوى عند الملاحات

على محور التعمير فى ردارات موقعها مش ثابت بتتغير .. موجودة صباحا و مساء .. الصبح فى لجنة سحب رخص و مساء تصوير و المخالفة عند التجديد

و الجديد انهم غيروا العربية دلوقتى بقت فيات تمبرا سوداء عليها نمر محافظة صفراء .. مع الاحتفاظ بالقديمة اللى هيا شيفرولية دبابة بيضاء

**النوبي** · 31-07-2010 11:24 PM

الف شكر علي المعلومه المفيده

**misoalex** · 16-08-2010 06:40 AM

طب والرادارات بتاعه الصبح دى تصوير فقط الى على الكورنيش

لانى الطبيعى فى الحته دى تكون ماشى 80 اقل حاجه
اكيييييييييييد انا كده اتصورت اكتر من مره

استر يا رب

شكرا يا باشا على التحذير الف شكر

**peposupervisor** · 25-08-2010 12:37 PM

شكرا لجهودك

**grumby78** · 27-08-2010 09:56 AM

موضوع العربيه التمبرا السوده ده جديد عليا وباشكرك للتنويه عشان انا باكتفي اني ابص في الباركينجز اللي عالبحر على شيفروليه الدبابه البيضاء ولو مش موجوده بافتح . شكرا جزيلا على نقل التجربه

**ahmedzizo131** · 20-09-2010 08:16 PM

بسم الله الرحمن الرحيم
انا كنت بتهتم بالعربية الدبابة البيضة ام صندوق بس
لكن اول مرة اعرف موضوع التمبرا السودة دى
الف الف شكر على المعلومة الغالية دى