السلام عليكم ورحمة الله وبركاته عربيتي الموتور ال 1000 سي سي بنزين مفوت وبقالها فترة واقفة الله اعلم الي متي ادعولي ربنا يفك كربي بس امامي كذا موتور قوي اسقط في السيارة من 1400 الي 1600 ده في البنزين وهغير طبعا مونور وفتيس وكبالن وعفشة واحتمال طرمبة بنزين اقوي وطفم الباور والتكييف ودنجل سكينة وقواعد الموتور اللي اعرفه انها هي هي....ان شاء الله بس طلع ان العربية(ايبيزا 98 99) بينزلها مكن جاز 1900 سي سي (سولار او ديزل) المصطلح اللي يعجبك هههه ففكرت فالمكن الجاز علي اساس تكلفة تشغيله اقل وكده واللتر سعره 110 قرش ده السولار فياتري هحتاج اغير حاجة تاني غير اللي ذكرتهم في الأعلي وكمان المكنة tdi يعني تربو ديزل انجيكشن السولار بتاعنا يشغلها كويس عشان تربو ولا ايه(في مكن من غير تربو بس ضعيف)...فمحتار ياجماعة محتاج مشورتكم في الأمر ده ضروري التحويل هيستلزم اغير حاجة تاني الحاجات دي كده كده هتتغير لو سقط مكنة بنزين اعلي من ال1000 سي سي
ملحوظة:ايه موقف المرور من التحويل من بنزين لسولار في ناس بتقول منهم واحد شغال فمرور السلام عادي مادام معاك ورق الإفراج الجمركي بس بعد مالرخصة تخلص امامها سنتين والضريبة ياتري هتبقي كام 1900 سي سي وجزاكم الله خير
والله هي فكرة حلوة جداااااااا
بس انت كدة اللي هايشتغل في العربية ميكانيكي ديزل فهل تعرف حد
وقطع غيار الموتور الديزل دة موجودة لو موجودة والميكانيكي متاح يبقا اتكل على الله وركب الموتور دة وابقى قولنا اية الحياة معاك
والله الفكرة كويسه بس فى نقطة انا اعرف ان سعر المواتير الديزل بتبقى اغلى من البنزين بكتير الاهم من كدة بقى لازم تسال الموتور دة ليه قطع غيار و لا قليل و حدوخ على قطع غيارة تالت حاجة تشوفلك واحد ميكانيكى ديزل محترم
جزاكم الله خير هو السؤال هنا ينفع اسقط مكنة جاز في عربية ملاكي مع العلم ان المكنة دي بتنزل في العربية بره يعني من نفس الشركة لأن في واحد بتاع قطع غيار قاللي مينفعش تترخص غير فالأقاليم
تحويل السيارة من موتور بنزين الي موتور ديزل(جاز) 
العرض العادي
