استفسار بخصوص طريق العريش

**emam** · 22-07-2010 11:56 AM

ان شاء الله هسافر العريش باكر ان شاء الله - ياريت لو فى حد عنده معلومة من الزملاء عن الطريق والبلد يقولنا عليها ولو امكن نعرف الطريق فيه مطبات ولا كويس والرداد وكدة وشكرا مقدما على تفاعلكم

**Samir Elshahawy** · 22-07-2010 01:11 PM

طريق العريش :

- حضرتك ممكن تأخد طريق السويس و تكمل من النفق (حسب الوصف المذكور في طريق شرم الشيخ) و لكن بعد النفق بدل ماتتجه يمينا الي شرم الشيخ هاتلف اليوتيرن و ترجع في أتجاه طريق القنطرة شرق فالعريش

- ممكن حضرتك كمان تأخد طريق الاسماعيلية و بعد كده الي بورسعيد و قبل القنطرة هتأخد كوبري السلام الي الضفة الشرقية من قناة السويس و منها الي العريش

أنا بصراحة بقالي سنين ماروحتش العريش بس اللي سمعته أن الطريق كويس جدا و لكن فيه رادارات

أما عن العريش نفسها ..
فهي بلد هادئة و صغيرة مش كبيرة مدخلها هو اللي كله مصايف و منتجعات و أسمع أن فيه قرية هناك أسمها ظلال النخيل أقارب لي نزلوا فيها من حوالي شهر و بيقولوا أنها رائعة

مع خالص تحياتي
م/ سمير الشهاوي

**theking2690** · 22-07-2010 01:49 PM

الطريق زى ما م/محمد وصفه كده هتاخد طريق الاسماعيليه و منه للقنطره و قبل القنطره هتطلع كوبرى السلام قبل الكوبرى و فى طريق الاسماعيليه ممكن تلاقى ردارات انما بعد كوبرى السلام مفيش و الطريق حلو و منحنياته واسعه بس طالما حضرتك اول مره تروحه يفضل تروحه الصبح و خد بالك طرق العريش الداخليه بقى فيها ردار و السرعه بتاعته 60 شوف حضرتك محتاج تعرف ايه عن البلد وانا اقولهولك انا بصيف هناك بقالى 20 سنه

**emam** · 22-07-2010 02:02 PM

المشاركة الأصلية كتبت بواسطة se_coralsea

طريق العريش :

- حضرتك ممكن تأخد طريق السويس و تكمل من النفق (حسب الوصف المذكور في طريق شرم الشيخ) و لكن بعد النفق بدل ماتتجه يمينا الي شرم الشيخ هاتلف اليوتيرن و ترجع في أتجاه طريق القنطرة شرق فالعريش

- ممكن حضرتك كمان تأخد طريق الاسماعيلية و بعد كده الي بورسعيد و قبل القنطرة هتأخد كوبري السلام الي الضفة الشرقية من قناة السويس و منها الي العريش

أنا بصراحة بقالي سنين ماروحتش العريش بس اللي سمعته أن الطريق كويس جدا و لكن فيه رادارات

أما عن العريش نفسها ..
فهي بلد هادئة و صغيرة مش كبيرة مدخلها هو اللي كله مصايف و منتجعات و أسمع أن فيه قرية هناك أسمها ظلال النخيل أقارب لي نزلوا فيها من حوالي شهر و بيقولوا أنها رائعة

مع خالص تحياتي
م/ سمير الشهاوي

متشكر جدا يا باشمهندس/ سمير - على الوصف التفصيلى دة انا هنزل فى فندق الشغل حجزلى فيه اسمة سويس ان لمدة اسبوع ان شاء الله .

وتقبل خالص تحياتى

**emam** · 22-07-2010 02:09 PM

المشاركة الأصلية كتبت بواسطة theking2690

الطريق زى ما م/محمد وصفه كده هتاخد طريق الاسماعيليه و منه للقنطره و قبل القنطره هتطلع كوبرى السلام قبل الكوبرى و فى طريق الاسماعيليه ممكن تلاقى ردارات انما بعد كوبرى السلام مفيش و الطريق حلو و منحنياته واسعه بس طالما حضرتك اول مره تروحه يفضل تروحه الصبح و خد بالك طرق العريش الداخليه بقى فيها ردار و السرعه بتاعته 60 شوف حضرتك محتاج تعرف ايه عن البلد وانا اقولهولك انا بصيف هناك بقالى 20 سنه

الف شكر لرد حضرتك واضح انك من عشاق العريش 20 سنه دة عشق بقا - وان شاء الله هاخذ طريق كوبرى السلام عشان فرصة ان الواحد يتفرج عليه عشان بيقولوا عليه كلام حلو وكمان فرصة الواحد يشترى مانجو من الاسماعيلية وانا راجع

وبما ان حضرتك عارف العريش ياريت تقولى المسافة تاخذ وقت اد اية من موقف العاشر وكم كيلو تقريبا والمدينة اخبارها ايه فى اماكن للفسح وكدة واسواق يعنى الحاجات بتاعت المصايف دى ويبقا جزاك الله خير وتقبل تحياتى

**Samir Elshahawy** · 22-07-2010 03:24 PM

المشاركة الأصلية كتبت بواسطة emam

الف شكر لرد حضرتك واضح انك من عشاق العريش 20 سنه دة عشق بقا - وان شاء الله هاخذ طريق كوبرى السلام عشان فرصة ان الواحد يتفرج عليه عشان بيقولوا عليه كلام حلو وكمان فرصة الواحد يشترى مانجو من الاسماعيلية وانا راجع

وبما ان حضرتك عارف العريش ياريت تقولى المسافة تاخذ وقت اد اية من موقف العاشر وكم كيلو تقريبا والمدينة اخبارها ايه فى اماكن للفسح وكدة واسواق يعنى الحاجات بتاعت المصايف دى ويبقا جزاك الله خير وتقبل تحياتى

تروح و تيجي بالسلامة أن شاء الله
بس خلي بالك و أنت بتشتري المانجو لأن فيه مزارع بترشها كيماويات علشان تستوي بسرعة و دي بتكون بايظة من جوه و فيه مزارع تانية بتسيبها تستوي طبيعي علي الشجر

- الطريق من القاهرة لكوبري السلام حوالي (1,5 - 2) ساعتين حسب سرعتك
- و من القنطرة للعريش حوالي ساعة و نصف الي ساعتين برضه علي ما أذكر