وانا بتصفح الجلف نيوز كالعادة كل يوم لمعرفة اخبار تلك البلد العجيبه التى اعيش فيها
لفت نظرى اعلان وصول بيجو 308 الامارات
وكانوا كاتبين الموقع الرسمي للسيارة
اللى هوا ده http://peugeot308me.com/
دخلت وانبهرت بالسيارة وبالاعلانات
وكان فيه رابط تجربه قيادة السيارة
بحسن نيه قمت بالتسجيل ، وبعد 3 أيام اتصل بيا مسئول مبيعات بيجو فى ابوظبي علشان اجى اجرب السيارة
الحقيقة كنت فرحان جدا
رحت يوم الجمعه الساعه 5 تقريبا بعد صلاة العصر بعربيه صاحبي عماد الياريس الجديدة
العربيه من بره
ليه مقدمه جميلة جدا واحلى من بيجو 307
العربيه بقت اوسع واعرض من بيجو 307
وتقدر تقول انها 207 على اكبر شويا ، القعده مريحه جدا للسائق
تقريبا الدايزن الداخلى لم يتغير ما عادا بعض التعديلات الصغيرة وشكل التابلوه تقريبا هوا هوا بس اضافوا الشاشه الالكترونيه متعددة الوظائف وكمبيوتر الرحلات والعدادت بقا شكلها ابيض
معظم التعديلات على الشكل الخارجى
الحقيقة لم يعجبنى شكل المرايات الجانبيه وصغيرة اوى وكنت افضل انها تبقى اكبر من كده شويا
نجى بقا للمهم وهو تجربه السياره
العربيه نعمه وهاديه ، سحبها معقول هم بيقولوا انها 120 حصان بس اظن انهم مش بيبانوا اوى نتجيه الوزن التقيل للعربيه
العربيه على الملفات ثابته وكويسه ، اكتر حاجة عجبتنى الفرامل استجابه رهيبه
اما من ناحية الامان
فالعربيه واخدة 5 نجوم فى اختبار التصادم للركاب اللى داخل العربيه و3 للمشاه وغير انها واخده افضل عربيه عائليه فى المانيا
العربيه بشكل عام ممتازة بس طبعا سعرها غالى 62 الف درهم للفول اتوماتيك و68 الف درهم للفول اوبشن
العربيه بينزل منها اربع محركات
المحرك التانى 1400 سي سي بقوة 95 حصان
المحرك التانى 1600 سي سي بقوة 120 حصان
المحرك التالت 1600 سي سي تريبو بقوة 140 حصان
اما المعجزة الاخيرة فهوا محرك 1600 سي سي تريبو بقوة 150 حصان (نفسي ابقى اجرب العربيه ده)
وتقدر تنزل البرشيور بتاع العربيه بالعربي من اللينك ده
http://peugeot308me.com/annexes/broc...08_Eng-Ara.pdf
اسيبكوا دلوقتى مع الصور هى مش حلوة اوى علشان بالموبايل
http://www.tntup.com/photo/img7/ab88...8%28004%29.jpg
http://www.tntup.com/photo/img7/2e61...8%28003%29.jpg
http://www.tntup.com/photo/img7/00b6...8%28002%29.jpg
http://www4.0zz0.com/2008/02/26/18/618135106.jpg