الموضوع: momo10000 انقذني من اشتغالة بـ 800 جنيه

دي بجد كانت ها تبقى أكبر اشتغالة حصلت لي في حياتي..إليكم التفاصيل..لمبة الـABS نورت وانا على المحور رايح اسكندرية..قمت لافف وراجع على صقر قريش وكشفت وغيرت التيل الأمامي وسافرت ورجعت من غير مشاكل..المهم الاسبوع التالي سافرت من غير مشاكل بس وانا راجع وبسرعى حوالي 140 هوبا لمبة ABS نورت..قمت راكن على جنب وطفيت العربية ودورت تاني والمشكلة اتحلت بس انا رجعت مرعوب..كدا يبقى المشكلة محتاجة كمبيوتر...ومن هنا تبدأ الاشتغالة

الحقيقة انا قعدت يومين من غير مشاكل قبل ما اروح اكشف عند واحد في صقر قريش على الكمبيوتر..المهم رحت والراجل كشف وعمل شوية حاجات على الكمبيوتر وقال لي تمام كدا..مشيت من عنده على الدائري وفوق 80 هوبا لمبة ABS نورت تاني..قمت لافف وراجع له..قام كشف على بلي العجل وقالي البلي تمام..لازم نطلع نجرب..المهم في الآخر قالي إن ABS نفسه بايظ ودا بيتصلح بـ 800 جنيه!!!
....* انا حسيت إنها إشتغاله او الراجل مش محدد بالظبط العيب فين...ليه بقى؟!! لأن لو وحدة ABS بايظة هاتفضل منورة على طول ومش ها تطفي ابدا!!! قلت اكلم الخبير ايمن Momo10000 وانزل عليه ببراشوت ازعاج..ايمن قالي ما تقلقش وبعتني لميكانيكي من رجالته..ولما رحت للأسطى لقيت أيمن عامل الواجب وزيادة ومكلم الاسطى وكمان قايل له يعمل ايه بالظبط..أنا ماعرفش عمل ايه!!! أنا كنت مشغول بالحاجة الساقعة وعامل فيها الباشا المهم :-))) بس هو كان بيعمل شغل في العجلتين الأماميتين..ومن عند الاسطى على اسكندرية رايح جاي بدون أي مشاكل والحمد لله