الموضوع: استفسار بخصوص تغير الكاوتش و الجنط

الحقيقه انا الكاوتش القديم بتاعى مقاس 13 على 175 على 70 كان بيودع و فرده قلبت فقلت خلاص اغير بقا و قلت بالمره اكبر عشان انتوا عارفين الكريستاله واطيه و بتحك فى المطبات فجبت طقم كاوتش مستعمل بس استعمال نضيف جدا لان الجديد لقيته غالى قوى المهم جبت مقاس 14 على 185 على 70 ولسه مرصصتش ولا حاجه و طبعا الجنوط حديد عشان انا مش مقتنع بالجنوط الصينى من ناحيه انها ضعيفه و شعبيه جدا فقلت خلينى فى الحديد و اركب طاسه احسن و تقريبا الفرق مش كبير بين الجنط الحديد ال14 و ال 13
و مفيش هزه فى الدركسيون ولا حاجه بعد ال100 و الامور تمام و السحب تقريبا نفسه و تجميع السرعه نفسها بس تقريبا العفشه نشفه شويه و اساسا عفشه الانسر مش ناعمه فكنت عايز استفسر هل مقاس الكاوتش ده فيه اى خطر على قياده السياره و ايه المقاس المناسب بالنسبه للسياره
وكل اصحابى قالولى ان تكبير الجنط درجه واحده مفيش فيه اى خطر يعنى 13 ل14 مفيش فيه مشاكل
مستنى الردود

متابعين خبراء المنتدى
انا عرفت ان المقاس المناسب هوا 14 على 60 على 185 وانا الى راكب عندى 14 على 70 على 185 هل 10 سنتى دى تفرق معايا جدا علما بانى لست من هواه السرعه و اخرى يعتبر 100 و كمان فى فرق كويس جدا بين الكاوتش و الفجاوى بتاعته يعنى العربيه معليتش لدرجه انها تحك منتظر يا بهوات