حد عارف سمكري سيارات في مدينة نصر بيفهم و اسعاره معقولة و شغلو نضيف ؟؟؟؟؟؟؟

http://www.nilemotors.net/Nile/161532-a.html (مطلوب سمكري كويس في مدينة نصر)

شكرا جدا يا باشا :):)

http://www.nilemotors.net/Nile/118993-a.html (العقيد لسمكرة ودهان السيارات-موضوع اعلاني)

شكرا جدا عاامساعدة

اقتباس المشاركة الأصلية كتبت بواسطة yoko http://www.nilemotors.net/nile/118993-a.html (العقيد لسمكرة ودهان السيارات-موضوع اعلاني)

ا العقيد للسمكرة والدهان انصحك بلاش حتي تجرب للاسباب الاتية: روح لناس كتير ف الحرفين عندهم ورش ومشاهير واشتغلو باديهم سواء ف السمكرة او الدوكو لكن مكان العقيد دة بناء علي اللي سمعتة من ناس كتير اعرفهم دة مكان صحبة اسمة المقدم خالد وطلع معاش مبكر علي رتبة عقيد _مع كامل احترامنا لية طبعا ولشخصة _ عمرة ما اشتغل ف السمكرة ولا ف الدوكو ولو حتي ساعه واحدة يعني العملية معاة استثمار مش اكتر هو بيعتمد علي جذب العملاء من النت والدعاية الاعلانيةلكن لاصنعه السمكرة ولا الدوكو عمرة اشتغلهم انت تروحلة وهو يسلمك للصنيعية بتوعوة يعني مفيش ربط بينة وبين المكان بتاعه غير بس الفلوس اللي هتدفع
روح لناس يكونوا معلمين واشتغلوا ب ايديهم احسن بكتير من ناس واخدين العملية مكسب وعمولة وشكرا.... ثانيا لما تنتهي من السمكرة متعملش دوكو عند حد قريب منة او معرفتة لان الدوكو هيداري عيوب السمكري بالمعجون طبعا روح عند صنيعي دوكو ميكونش يعرف السمكري عشان يوضح اي عيوب للسمكري ودة أ ب دوكو وسمكرة

بشكرك جداااا عالتوضيح دا انا بس اول مرة اوديها لسمكري و مش عارف حد كويس و بشكرك جدا جدا مرة تانية :):)

بص انا اعرف واحد فى الدويقه يعنى قريب من مدينة نصر هو مشوار بس راجل كويس وبيشتغل بايده ومعاه صنايعى بيساعده فى الحاجات البسيطه زى الفك والتركيب وهو بياخد شغل لشركات تأمين ودا كان قدامى انت ممكن تروحلوا وتتفرج على شغل عندوا يكون عامله لو عجبك اعمل عنده هو فوق خالص فى الدويقه على الشمال بعد ما تطلع هتخش فى شارع شمال على اوله بتاع حدايد وبعدين تانى يمين هو تانى ورشه وقدامه حته واسعه خالص وممكن انت لما تطلع فوق تتصل بيه وهو يبعتلك الصنايعى اللى معاه يوديك الورشه هو اسمه الحاج اشرف ورقم الورشه 23411949 ورقم موبايله 0128060717

اقتباس المشاركة الأصلية كتبت بواسطة tuttoo االعقيد للسمكرة والدهان انصحك بلاش حتي تجرب للاسباب الاتية: روح لناس كتير ف الحرفين عندهم ورش ومشاهير واشتغلو باديهم سواء ف السمكرة او الدوكو لكن مكان العقيد دة بناء علي اللي سمعتة من ناس كتير اعرفهم دة مكان صحبة اسمة المقدم خالد وطلع معاش مبكر علي رتبة عقيد _مع كامل احترامنا لية طبعا ولشخصة _ عمرة ما اشتغل ف السمكرة ولا ف الدوكو ولو حتي ساعه واحدة يعني العملية معاة استثمار مش اكتر هو بيعتمد علي جذب العملاء من النت والدعاية الاعلانيةلكن لاصنعه السمكرة ولا الدوكو عمرة اشتغلهم انت تروحلة وهو يسلمك للصنيعية بتوعوة يعني مفيش ربط بينة وبين المكان بتاعه غير بس الفلوس اللي هتدفع روح لناس يكونوا معلمين واشتغلوا ب ايديهم احسن بكتير من ناس واخدين العملية مكسب وعمولة وشكرا.... ثانيا لما تنتهي من السمكرة متعملش دوكو عند حد قريب منة او معرفتة لان الدوكو هيداري عيوب السمكري بالمعجون طبعا روح عند صنيعي دوكو ميكونش يعرف السمكري عشان يوضح اي عيوب للسمكري ودة أ ب دوكو وسمكرة

وايه العيب في انه يكون مش بيشتغل بايده او انه مشتغلش الشغلانة قبل كدة ؟؟؟؟؟؟؟؟؟
ويهمني فيايه الورشة فين ولا مين صاحبها ؟؟؟؟؟؟؟؟؟؟؟؟؟؟؟
انا كزبون ميهمنيش غير انى اخد عربيتي بالحلاة اللى انا عايز اخدها عليها
يعني اخد العربية 10/10 وكل الشغل اللى طلبته فيها معمول
انما بقة صاحب الورشة اللى عملها بنفسه الصبيان اللى عملوها دي مش شغلتى

وبعدين هو حضرتك فاكر ان كل اصحاب الورش هم اللى بيشتغلوا ؟؟؟؟؟؟؟؟؟؟؟
معظمهم ان لم يكن كلهم بيبقي معاه صنايعية وهو بيوجه ويشرف
و ده اللى بيعمله العقيد خالد شغل السمكرة بيبقي في ورشته وشغل الدوكو بيبقي في ورشة الدوكو بس هو المسؤل عنه امامك

وبالعكس لما تتعامل مع واحد امين وفاهم الشغل كويس زي العقيد خالد اضمن لك من انك تروح لسمكري هي دي شغلته يعني اكل عيشه منها وبالتلاى حريص ياخد اخر مليم في جيبك
انما امانة اخونا خالد بتخليه ياخد حقه بالعقل وبما يرضي الله ويديك حقك في نفس الوقت

اما الدوكو فواضح ان حضرتك اخدت انطباع من موضوع تانى فيه عضو بيدخل كل سنة مرة يخبط في حد ويمشي تانى
العقيد خالد بيجيب لك بتاع الدوكو وبيقولك اتفق انت معاه وبيكون حاضر الاتفاق علشان ميحصلش بينكم اختلاف وتقول انا قايل لبتاع الدوكو يعمل كذا وبتوع الدوكو ينكر او بتاع الدوكو يعمل شغل اقل من اللى انت طلبته

و ده اللى انت بتنصح بيه

وفي النهاية انت بتستلم شغلك من العقيد خالد وهو المسؤل

وانا كزبون كل اللى ليا زي ما قلت انى اخد شغلي زي ما انا عايز بالسعر اللى اتفقت عليه

اقتباس المشاركة الأصلية كتبت بواسطة cairo2005 اما الدوكو فواضح ان حضرتك اخدت انطباع من موضوع تانى فيه عضو بيدخل كل سنة مرة يخبط في حد ويمشي تانى

ده إن مكانش هوا هوا نفس الشخص