الموضوع: الي الخبراء والبشمهندس سمير عياد

المشاركة الأصلية كتبت بواسطة SE_coralsea

سيدي الفاضل ...

حمدا لله علي سلامتك أولا و فعلا العناية الالهية هي التي أنقذتك و ده بفضل صلاة الفجر

لازم حضرتك تعرف حاجة مهمة جدا و أنت بتتخطي عربية نقل بمقطورة :
- عربيتك 1300 و أوتوماتيك يعني تجميعها طبيعي يكون بطئ نسبيا و الكيك داون مش فعال معاها
- أنت كنت علي مطلع كوبري يعني محتاج عزم أصلا علشان تطلع

يبقي الطبيعي أنك ماتغامرش و تعمل كيك داون لأنه مع ال 1300 مش هايسعفك و الافضل أنك تدوس فرامل و تهدي سرعتك

لكن ممكن تعمل حاجة تانية انا شخصيا بأعملها و هيا أني بأسقط غيار بأيدي من ال d الي d3 فبلاقي ال rpm طلع فجأة الي 5000 لفة /دقيقة و العربية نطت من مكانها و لكن ... مش علي طول حسب المسافة و تقديري أن العربية هاتلحق و لا لأ

لا يمكن ان تحكم علي ان ماحدث هو عيب في الفتيس ألا أذا تكرر مرة أخري لذا حاول ان تجري هذه التجربة مرة أخري و انت في شارع فاضي و به مطلع و شوف أيه اللي هايحصل

و جرب كمان فكرة تسقيط النقلة من d الي d3 و انت علي سرعة عالية مثلا 100 كم/ساعة أو 120 كم/ساعة و شوف أيه اللي هايحصل , لو العربية أستجابت في أي من الحالتين يبقي مافيش مشكلة أساسا و لو لم تستجب و حدث أنخفاض لعدد لفات الموتور يبقي أكشف علي الفتيس في التوكيل

مع خالص تحياتي
م/ سمير الشهاوي

ا

لله يسلمك يابشمهندس سمير والحمد والشكر لله لأنه لم يقدر لي هذا الموقف البشع وبصراحه ده كان درس ليه

وعمري في يوم من الأيام ماهحاول اتخطي نقل بأي حال من الأحوال يكون في الجانب الأيسر وان شاء الله هجرب تاني

هذه النصائح بس هو فيه ملحوظه انا فعلا كنت علي سرعة 100 لأنه مطلع كوبري والعربيه محتاجه عزم بس انا قلقان

من موضوع النقل علي 3 لأن فتيس عربيتي مفهوش d3 بيبقي بيبتدي من فوق بالترتيب

P-R-N-D-3-2-L واخاف اجي انقل علي السرعه دية يحصل للفتيس مشكله انا هحاول اجرب الكيك دون تاني علي

مطلع كوبري كذا مره واشوف ايه اللي هيتم قبل ماأسافر يوم الخميس وان شاء الله هيكون خير وشكرا جزيلا

يابشمهندس لأهتمامك بارك الله فيكم