كيا سيراتو ولا كيا كارنز ارجو الرد ؟؟؟؟

**mazika838** · 26-07-2010 10:48 AM

كيا سيراتو ولا كارنز ايهما افضل من جميع النواحي الاداء واستهلاك البنزين واعاده البيع والحاجات دي ارجو الافاده ضروري جدا جدا ؟؟؟

**MMamdouh** · 26-07-2010 11:25 AM

انا شايف ان العربيتين ملهمش علاقة ببعض عشان يتقارن بينهم

MMamdouh

**MMamdouh** · 26-07-2010 12:03 PM

اكيد حختار السيراتو... انا مبحبش الميكروباصات

MMamdouh

**karemof** · 27-07-2010 01:15 AM

المشاركة الأصلية كتبت بواسطة mmamdouh

اكيد حختار السيراتو... انا مبحبش الميكروباصات

mmamdouh

يا ريت حضرتك تكون موضوعي في كلامك من غير تهكم, علشان احنا هنا بنحاول نفيد بعض.

طبعا حتسألني أنت علاقتك ايه بالموضوع, مفيش بس أصلي ناوي أجيب الميكروباص ده

أن شاء الله, إلى جانب أن في أعضاء تانيين عندهم العربية فبلاش نكرهم فيها.

**MMamdouh** · 27-07-2010 02:50 AM

المشاركة الأصلية كتبت بواسطة karemof

يا ريت حضرتك تكون موضوعي في كلامك من غير تهكم, علشان احنا هنا بنحاول نفيد بعض.

مهى دى النقطة اللى انا قصدى اوضحها بالضبط عشان يبقى فيه فايدة حقيقية من الموضوع... مينفعش حد يقول لواحد لو انت مكانى تختار ايه لان محدش فينا مكان التانى بالفعل... بالنسبة ليا فا الكارينز و الماتركس و العربيات دى حجمها كبير جدا جدا و شكلها اقرب للميكروباص و بالتالى مبحبهاش... دة مش تهكم على العربية... دى وجهة نظرى ليها و للعربيات اللى من الفئة دى

مش شرط طبعا دى تبقى وجهة نظر باقى الناس و علية مينفعش الناس تبنى قرار شراء العربية على وجهة نظرى انا او وجهة نظر شخص اخر والا كان كل الناس اشترت نفس العربية... لك واحد له ظروف و له متطلبات و له ذوق مختلف عن التانى و بالتالى اختيار كل واحد وارد جدا انه يبقى مختلف عن الاخرين (لولا اختلاف الاذواق لبارت السلع)

كمان انا وضحت ان المقارنة فى البداية مش صح لان الكارينز فئة و السيراتو فئة تانية خالص و بالتالى مفيش مجال للمقارنة... كدة اكنك بتقارن ابو تريكة بعمرو دياب... دة بارع فى مجال و دة بارع فى مجال و مينفعش اقول مين فيهم احسن من التانى لان مفيش ميزان يقدر يقيم الغناء مقابل مهارة كرة القدم...

ممكن تقارن ابو تريكة بلاعب اخر و عمرو دياب بمغنى اخر معلش و قياسا على كدة ممكن اقارن السيراتو بالالنترا او الاوبترا او الكروز (سيدان كورى فى نفس حدود السعر بالتقريب)... و ممكن اقارن الكارينز بالماتركس... لكن السيراتو و الكارينز مش فئة واحدة من السيارات عشان اقارن بينهم

طبعا حتسألني أنت علاقتك ايه بالموضوع, مفيش بس أصلي ناوي أجيب الميكروباص ده

أن شاء الله, إلى جانب أن في أعضاء تانيين عندهم العربية فبلاش نكرهم فيها.

من غير حتى ما تكون ناوى تشترى العربية انت من حقك تشارك و تقول رائيك... و انت علقت على اسلوبى فى تناول الموضوع و انا وضحتلك السبب فى طريقة التناول.. دة لا يعنى باى حال ان اختلاف وجهات نظرنا فى العربية الكارينز او اختلاف رائينا فى طريقة تناول الموضوع يعنى اننا على خلاف مع بعض

و موضوع ان حد يكرة حد فى عربية دة مش اسلوبى خالص... انا اول واحد عارف ان كل شخص له الحرية فى اختيار ما يحب و دة حقة و محدش له انه يراجع صاحب القرار فيه... انا بس بوضح لصاحب الموضوع انه مينفعش يبنى قرارة على وجهة نظر شخص اخر... لانى انا مثلا مبحبش العربيات اللى من الفئة دى... هل معنى كدة ان محدش يشتريها؟؟؟ لا طبعا... انا لا امثل ميزان الكون اللى الكل لازم يمشى علية... انا مجرد عضو زى باقى الاعضاء وليا وجهة نظر شخصية حسب ذوقى و متطلباتى

و مبروك مقدما على الكارينز و ربنا يحفظها ليك و يكفيك شرها

MMamdouh

**MMamdouh** · 27-07-2010 03:05 AM

المشاركة الأصلية كتبت بواسطة mazika838

وأكيد عشان نقارن حاجه بالتانية لازم ميكونش ليهم علاقة ببعض

بالعكس... دا لازم يبقى ليهم علاقة ببعض والا المقارنة تبقى غير موضوعية... هل انت تقدر تقول مين احسن: التفاح ولا البرتقال؟؟... دى فاكهة و دى فاكهة تانية... انت ممكن تقول ان التفاح احسن لان انت مش محتاج تقشرة... بس البرتقال ارخص... كدة او كدة دة مش ميزة ولا عيب فى حد فيهم... دى طبيعة كل صنف من الفاكهة...حدد الاول انت عايز اى فاكهة منهم و بعدها تختار بقى تفاح احمر او اصفر او اخضر او برتقال بصرة او سكرى

قياسا على كدة فى العربيات: الاول حدد الفئة اللى انت عايزها... سيدان ولا MPV؟... و لما تختار واحدة من الفئتين دول تقارن الماركات و الموديلات المتاحة فى كل فئة لان ببساطة المقارنة كدة حتطلع ميزات و عيوب وهمية فى كل عبية و تخليك تاخد قرار غلط... زى مثلا ان السيراتو ديقة عن الكارينز... دة طبيعى لان السيراتو عربية سدان و مستحيل تبقى فى وسع عربية MPV... و العكس بالعكس حتلاقى الكارينز ثباتها اقل من السيراتو... برضة وضع طبيعى لان الMPV ارتفاعة اعلى من العربيات السيدان و بالتالى لازم ثباتها يكون اقل... نفس الكلام حتقال على حاجات كتير مع ان دة مش عيب فى العربية... دى طبيعتها

ملحوظة: انا علقت متاخر لانى لقيت ان اجاباتى السابقة ممكن تتفهم غلط على انها تهكم على عربية او سخرية و كدة و دة غير صحيح

MMamdouh

**Khaled_Nowaihy** · 27-07-2010 10:06 PM

المشاركة الأصلية كتبت بواسطة mmamdouh

اكيد حختار السيراتو... انا مبحبش الميكروباصات

mmamdouh

الكارينز ميكروباص ؟
الميكروباص مش عيب برضه
دعابة ظريفة
شكراً

-

-

الموضوع: كيا سيراتو ولا كيا كارنز ارجو الرد ؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

ارجو الرد من اهل الخبرةانا عربيتى كيا سيراتو 2010 متوسط استهلاك البنزين كان 13.5 ل/10

رجاله ارجو المشورة ارجو الرد سريعاااا

ايهما افضل لانسر - النترا -نيو سيراتو - كارنز - صني سوبر صالون

مطلوب سيارة كيا كسر الزيرو كارنز او سيراتو موديل 2010

الكلمات الدلالية لهذا الموضوع

المفضلات

المفضلات

ضوابط المشاركة