اختفاء زيت الباور

**ahmedhilmy** · 27-07-2010 04:25 PM

السلام عليكم جميع الاعضاء الافاضل ,,,,
امبارح باليل كنت خارج بالعربية لسه بلف ال\ركيون علشان اخرج من الباركينج لقيت صوت زنة زي نحرة كدة غريبة بطلت و نزلت فتحت علبة زيت الباور لقتها فاضية تماما و د ه اول مرة تحصل ده مكنش بينقص خالص و لا مل واحد المهم بصيت تحت العربية اي الاقي اي زيت تحتها او جوه الكبوت مفيش خالص المهم مليت العلبة و من امبارح باليل لحد دلوقتي الزيت منقصش ي خالص و لا في نقطة زيت واحدة تحت العربية انا عايز اعرف الزيت اللي كان في العلبة راح فين و ممكن يكون في تسريب في حتة مدارية؟!

**msaleh_353** · 27-07-2010 06:38 PM

السلام عليكم ورحمة الله وبركاته
طبعا طالما الزيت اختفي فجأة كدة يبقي أكيد مش نقصان عادي والزيت دة ممكن تلاقيه تحت الدواسة اللي تحت كرسي السائق تحت الدركسيون ...
وعموما هو الموضوع بسيط تابع لو حصل نقصان تاني يبقي الأويل سيل هتوديها لعفشجي كويس هيحللك الدركسيون ويغيرلك الأويل سيل بس روح هاته انت لأن فيه منه كذا درجة بيبدأ من 10 جنيه حاول تجيب أحسن حاجة هتلاقيها أنا كنت جايب نوع ب 25 جنيه ماشي معايا كويس ...

**Ibrahim Nabil** · 27-07-2010 07:57 PM

اويلسيل علبة الدركسيون

**ahmedhilmy** · 28-07-2010 02:03 AM

فعلا طلع في زيت في الدواسة بتعتي و رحت جبت الاويل سيل بس طلع في تفاوت غريب في الاسعار و ده عند ابو الحسن الاسعار كانت 5 - 25 - 90 و طبعا جبت الجي ام الاصلي اللي ب 90 و الميكانيكي اللي ركبه قللي حظك حلو ده الاصلي ده بقالوا فترة ابو الحسن مش بيجيبه و شكرا للجميع.

**محمد الشامي** · 28-07-2010 08:56 AM

مبروك يا باشا حل المشكله

لكن افهم من كلامك ان الزيت كله نزل جوا الكابينه عند الدواسه؟؟؟ :-) كده العربيه محتاجه تنضيف بأسرع وقت

لان الزيت ده هيلم قرررررف وهيبهدل منظر العربيه بعد فتره

**mohfud** · 28-07-2010 10:34 AM

طيب الاويل سيل أبو 25 جنية ماركتة إية وهل فية تفاوت كبير فى الشكل والمتانة و بمعنى أخر الفرق فى الفلوس يساوى الكفائة
والتحمل
وشكرا

**ahmedhilmy** · 28-07-2010 02:56 PM

المشاركة الأصلية كتبت بواسطة محمد الشامي

مبروك يا باشا حل المشكله

لكن افهم من كلامك ان الزيت كله نزل جوا الكابينه عند الدواسه؟؟؟ :-) كده العربيه محتاجه تنضيف بأسرع وقت

لان الزيت ده هيلم قرررررف وهيبهدل منظر العربيه بعد فتره

الله يبارك فيك يا محمد بيه انا الحمد لله لحقت الدنيا قبل ما تتبهدل و اللي نزل جوه الدواسة مكنش كمية كبيرة و ان كنت مش عارف بقية الزيت راح فين ؟؟!!!

المشاركة الأصلية كتبت بواسطة mohfud

طيب الاويل سيل أبو 25 جنية ماركتة إية وهل فية تفاوت كبير فى الشكل والمتانة و بمعنى أخر الفرق فى الفلوس يساوى الكفائة
والتحمل
وشكرا

الحقيقة اني مبصتش علي اللي ب 25 خالص انا اتصلت بالميكانيكي و انا عند ابو الحسن قللي لو مجبتش الاصلي مش مركبه لانه بعد شوية هيرجع يضرب تاني فللامانة مش عارف الفرق بينهم