رادار محور 26 يوليو

**ibrahim_ali** · 28-07-2010 09:07 PM

الإخوة الأعزاء .. كثير منكم يعلم أن محور 26 يوليو عليه 3 رادارات في كلا الاتجاهين .. وبصراحة في ناس كتير لا ينتبهون لهذا الأمر .. لأنه ممكن يكون غريب أو مش واخد باله كويس أثناء مروره بموازاة عدسة الردار .. فيحدث كثيرا أن يقع الناس في الفخ .. لذلك أقترح على المخلصين (وهم كثير والحمد لله) أن يتبنوا فكرة تنبيه الناس إلى وجود الرادر..
عارفين أكيد الظاهرة الجميلة جدا ، لما بيكون في كمين .. تلاقي كل المقابل بيعطيك فلاش لتأخذ وضع الاستعداد وتشد الحزام وتقلل السرعة وهكذا ..

طيب إيه رأيكم لما نحاول نعمل زي كده !! اللي عنده فكرة ممكن يتفضل ويضيفها في هذه الصفحة .. وأنا رأيي باختصار إن ممكن تكون العلامة بيننا جميعا (نشغل الانتظااااااااار) عشان اللي مش واخد باله ياخد باله واللي مش عارف يعرف.. لأنه زي ما ببقولوا (الغريب أعمى ولو كان بصير)
وأرجو من الإخوة المشتركين في الفيس بوك وما شابه أن يهتموا بهذا الأمر لنتعاون جميعا على التنبيه لأي رادار في مصر .. تحياتي للجميع

**rockana** · 31-07-2010 09:43 PM

انا معترض على الفكره دي تماما
نلتزم بالسرعه المقرره على الطريق ده بالذات
لو حصل حادثه لا قدر الله الدنيا كلها بتقف على طول 13 كيلو من فتحة الدائري الى فتحة الاسكندرية الصحراوي
يكون المصاب مات
الناس تحترم نفسها و تتظبط على الطريق ده احسن من الرعونه فى السواقه و على فكره هاتفرق معانا 4 دقايق مابين سرعه 130 و سرعة 90
اما الطرق التانيه فا انا معاك تماما فى الموضوع ده
اما المحور اللعين لا لا لا

**tarekabosdera** · 01-08-2010 01:37 AM

المشاركة الأصلية كتبت بواسطة rockana

انا معترض على الفكره دي تماما
نلتزم بالسرعه المقرره على الطريق ده بالذات
لو حصل حادثه لا قدر الله الدنيا كلها بتقف على طول 13 كيلو من فتحة الدائري الى فتحة الاسكندرية الصحراوي
يكون المصاب مات
الناس تحترم نفسها و تتظبط على الطريق ده احسن من الرعونه فى السواقه و على فكره هاتفرق معانا 4 دقايق مابين سرعه 130 و سرعة 90
اما الطرق التانيه فا انا معاك تماما فى الموضوع ده
اما المحور اللعين لا لا لا

عندك حق

المشكلة تكمن في التكدس اللي بيحصل في نهاية طريق المحور ( التقائه مع فتحات الطريق الدائري ) . وده للأسف مشكلة ملهاش حل لان الطريق بيكون واسع وبيضيق مرة واحدة فبيحصل اختناق مروري بجانب المكروباصات اللي بتقف على جنب وكمان الناس اللي بتعدي .................... كل ده بيزود الزحام .