الموضوع: تنظيف الرشاشات باللاترا سونيك

وهل في خطوره من فك الرشاشات و هل حكايه وضع المنظف الذي يوضع في التنك احسن ولا الالترا سونك احسن وشكرااااااااااااااا

طيب اعرف ازاى الرشاشات عايزه تتنضف ولا ولا منين

بنعرف لما بتلاقي العربيه سحبها وحش واستهلاك البنزين بيعلي وشكراااااااااااااااا

المشاركة الأصلية كتبت بواسطة mohmed2511

وهل في خطوره من فك الرشاشات و هل حكايه وضع المنظف الذي يوضع في التنك احسن ولا الالترا سونك احسن وشكرااااااااااااااا

فك الرشاشات سهل و مش معضلة

ممكن تستعمل منظف التنك مرة او اتنين في السنة مش اكتر بس هيه تأثيرها لا يذكر
بتحس انها بتفوق العربية لغاية التفويلة ما تخلص ترجع زي الاول (كأنك حاطط اوكتان بوستر)

مرة او اتنين في السنة مش اكتر علشان لو كترت منة ممكن يسبب ان الصبابات تسلخ

بس اقولك رأي سمعتة من واحد كان مهندس صيانة في مرسيدس (ناتكو) اعرفة و بيعملي صيانة الفرونتيرا

الرشاشات مش محتاجه الترا سونيك و لا دياولو

الرشاشات البايظة (او اللي بتسيل بنزين) تتغير فورا و ماتصرفش و لا توجع قلبك فيها

اما بخصوص التنضيف

هو عمل مرة حاجة قدامي, بيفك الرشاشات و يوصلها على خرطوم بنزين متوصل بطرمية بنزين كهرباء بتدي ضغط بنزين و يدي توصيل كهرباء للرشاشات يخليها تفتح و تقفل
و يشوف ان كانت بتدي بنزين كويس و للا لأ و اذا كانت بتسيل بنزين يبقى تتغير فورا
و اثناء ما الرشاشات بتبخ بنزين بيخبط عليها باي حاجة معدن (مفتاح مثلا) لو فيها اي راوسب او وساخة بتطلع مع الدق

كان فعلا فيهم رشاش تحس ان البنزين خارج منة اقل من الباقيين و مش فارش كويس
خبط علية كام خبطة بالمفتاح طلعت منة الرواسب و بقى كويس

فية ورشة متخصص كاربراتير و رشاشات في جسر السويس عند سوق القنال اعتقد بيشتغل بنفس الطريقة