الموضوع: العربيه متلته

الصبح يوميا و انا بسخن عربيتى بلاقى دربكه فى الموتور و لما بدوس على الاكسراتير وهيا واقفه الاقيها بتنتش وترج و كانها هتبطل و مبتبطلش كنت مفكر الامور عاديه لكن صاحبى واقف جمبى و سمعها وقلى العربيه دى متلته قلتله يعنى ايه قلى يعنى فى بوجيه مش شغال و ده غلط و قلى انتا ساكت عليها كده ليه قلتله مهيا لما بتسخن مبتنتش و بتبقى كويسه و مش عارف بقا اعمل ايه دلوقتى
ممكن اعرف ايه تاثير التتليته دى (البوجيه الضارب)
ثانيا هل يؤثر على البنزين لانى حاسس ان العربيه استهلاكها زايد
ثالثا ازاى اعرف بجد انها متلته و ايه الحل لو كانت
رابعا انا لسه مغير اساسا بوجيهات هل ممكن تكون المشكله فى السلك
ياريت الاخوه الاعضاء يساعدونى بالرد

التتليته دى عباره عن بستم بعمل الثلاث اشواط بتوعه كاملين ماعدا شوط الأحتراق وده لان البوجيه لسبب او اخر مابيعملش شرز عشان يكمل شوط الأحتراق
شوط الأحتراق ده هو شوط القدره اللى على اساسه العربيه بتقدر تتحرك والتلات اشواط البقيين ماهم الا ارتداد لشوط القدره
وبما ان المحرك بتاع العربيه الأربع بساتم بتوعه مربوطين على كرانك واحد فهما بيخلوه يعمل الأربع اشواط من غير مايشتغل وده بيمثل عبئ كبير على التلات بساتم الباقيين
فتلاقى صوت العربيه اختلف
استهلاك البنزين زاد
عزم العربيه قل هو و التسارع
بالنسبه للتأثير على حالة الماكينه طبعا بيأثر بس مش بصوره كبيره