الموضوع: من طريق السويس الي المعادي

صباح الخير ...

حضرتك و انت جاي من السويس بتكمل علي طول لحد ماتوصل الي كوبري الطريق الدائري
أول مطلع لأ تسيبه و تعدي من تحت الكوبري
ثاني مطلع بعد الكوبري تدخل منه و تطلع علي الدائري

هاتكمل علي طول في الدائري هايقبلك نفق التجمع الاول عند الاكاديمية تنزله و بعدين هايقبلك نفق تاني عند التجمع الخامس برضه هاتنزله و تكمل علي طول

هتلاقي كارفور علي شمالك و انت ماشي كمل علي طول
أول نزلة يمين بعد كارفور هيا نزلة (المعادي - القلعة) ادخل منها و خليك في الحارة اليمين و اطلع الكوبري
كده انت هاتدخل المعادي و هناك ممكن تسأل علي العنوان اللي أنت عايزه

مع خالص تحياتي
م/ سمير الشهاوي