ممكن اللى معاه ريجاتا يساعدنى

**ahmedezzat666** · 31-07-2010 07:54 PM

يا جماعه انا زهقت و تعبت و قرفت من العربيه بسبب الدبرياج
انا معايا regata 70 موديل 84 و ماتورها 1300 سى سى
المهم انا من يوم ما جبتها من حوالى 7 شهور و انا تعبان جدا من الدبرياج بسبب تقله
الدبرياج تقيل جدا لدرجه انى لما بروح القاهره لأى مشوار رجلى الشمال بتقف كأنى داخل فى صراع من الدبرياج
العربيه كان فيها رجرجه فى الطلعه الميكانيكى قالى طقم دبرياج قلت اغيره و اهو بالمره الدبرياج هيبقى ميه بعدها و الدنيا هتبقى فل
المهم الرجرجه اختفت بنسبه 60 % تقريبا و الدبرياج زفت زى ما هو بالظبط
المهم انا مش عارف فى ايه ممكن لو حد يعرف يساعدنى عشان انا كده ممكن ابيعها و اخلص
مش مهم مشكله الرجرجه على قد ما المهم انى الاقى حل لتقل الدبرياج
نسيت اقولكم ان انا غيرت سلك الدبرياج كذا مره و كذا نوع و بخلى الميكانيكى يحطله زيت و زى ما هو مبيفرقش

**semsem_uno** · 01-08-2010 11:17 AM

و ايه نوع الطقم اللي حطيته ؟؟ و متقوليش انك جايبه استيراد
و طقم الدبرياش عبارة عن ديسك و اسطوانة و بلية و افضل نوع التركي فقططططططططط

**ahmedezzat666** · 02-08-2010 07:54 PM

الطقم مكتوب عليه ايطالى

**amro1965** · 03-08-2010 12:32 PM

متابع باهتمام

**semsem_uno** · 03-08-2010 03:27 PM

يا استاذي ايوة ماشي ايطالي بس جايبه استيراد ولا جديد ولا ايه ؟؟؟؟؟؟؟
عالعموم مفيش اطقم استيراد نضيفة ابدا و كله مهلوك لعلمك و الجديد مفيش غير التركي و الفاليو غير كده في ناس حصل معاها مشاكل من انواع تانية و لحد دلوقتي كله بيقول افضل نوع في الجديد الصناعة التركي و عن تجربة في فيات اونو
و ياريت حضرتك تبقي توضح علشان اي حد حصل معاه يجي يرد عليك و مش يعيدلك نفس الأسئلة

**ahmedezzat666** · 03-08-2010 09:16 PM

انا جايبه جديد معرفش نوعه بس العلبه مكتوب عليها italy
مش مكتوب عليه فاليو و لا تركى

**semsem_uno** · 03-08-2010 10:57 PM

انا اتأكدتلك
هو الفاليو ده صناعة تركي اصلا و انضف انواع الدبرياش للفيات
بس انا متهيألي ان الطقم ده مضروب و الله اعلم و استني بردو حد غيري يرد عليك و هجيبلك اللي حصل معاهم مشاكل ابل كده
بس عالعموم بدام في رجرجة و الدبرياش تقيل يبقي مشكلة مجموعة دبرياش

**D.Tarek** · 03-08-2010 11:52 PM

خلى الميكانيكي يغيرلك سوستة الدواسه يمكن تكون تقيله كان عندي نفس العيب في الشاهين (عربية الاسرة) وتعبت جدا لحد ما احد الميكانيكية غيرها الله يكرمه وبقت ممتازه وكلفت تقريبا 70 جنيه بالتركيب.

هو طقم الدبرياج ده كلفك كام عشان احتمال اغيره في عربيتي ( ريجاتا 85 ) وشكرا لك.

**ahmedezzat666** · 04-08-2010 01:42 AM

المشاركة الأصلية كتبت بواسطة d.tarek

خلى الميكانيكي يغيرلك سوستة الدواسه يمكن تكون تقيله كان عندي نفس العيب في الشاهين (عربية الاسرة) وتعبت جدا لحد ما احد الميكانيكية غيرها الله يكرمه وبقت ممتازه وكلفت تقريبا 70 جنيه بالتركيب.

هو طقم الدبرياج ده كلفك كام عشان احتمال اغيره في عربيتي ( ريجاتا 85 ) وشكرا لك.

هى ايه سوسته الدواسه دى؟؟؟؟؟؟؟؟؟؟؟؟
الطقم كان تقريبا ب 250 او 300
بس اعتقد انه مش نوع كويس عشان الواد اللى اشتريته منه عرفت بعد كده ان حاجته كلها زباله و بيجيب اوحش انواع و يبيعها بسعر الحاجات النضيفه

**en_maged** · 06-08-2010 07:58 PM

اولا سلك الدبرياج ميتحتطش عليه زيت لانه بيلم تراب و بيبوظه
ثانيه السوسته اللي ذكرها العضو المحترم ده كلام مظبوط جدا و دي موجوده في الدواسة بتاعت الدبرياج نفسها
ثالثا لو الطقم مظبوط يجب ان يكون الدبرياج متوسط يعني مش خفيف قوي و لا تقيل قوي
و لازم تشتريه بنفسك مش شارع دمشق و فيه ناس تانين لو عايز تجيب منهم ابعتلي و انا هاقولك
و انا بالمناسبة معايا نوفا ريجاتا موديل 90 من 13 سنة
و هي عربية ممتازة جدا و متفكرش في بيعها خالص

الموضوع: ممكن اللى معاه ريجاتا يساعدنى

LinkBack

أدوات الموضوع

عرض

-

-

-

-

المواضيع المتشابهه

اي حد معاه ريجاتا و حبيب يعدلها و يظبطها صح يدخل حالا هيلاقي حلول مفيده ان شاء الله

ممكن اللى معاه a113 موديل 2012 يدخل هنا

ياريت اللى معاه كورسا 2007 هاتشباك يساعدنى

اللى بيحب bmw يساعدنى

اللى معاه سيارة ريجاتا يا ريت يراسلني

الكلمات الدلالية لهذا الموضوع

المفضلات

المفضلات

ضوابط المشاركة