كنت عايز اسألكوا في حاجة يا رجالة تفتكروا اية سبب عدم اتشار الفيات لينيا في مصر

**kik** · 02-08-2010 04:51 AM

انا مستغرب لية الفيات لينيا مش منتشرة بالرغم من ان دة ميزة و عيب في نفس الوقت بس انا مقتنع بيها وكل اللي سمعتة عنها انها عربية ممتازة و انا احتمال اشتريها بس انا فعلا مستغرب لاني نادر ما بشوفها في الشارع . ياريت اي حد لية تعليق يتفضل علشان نستفيد

**Ahmed Samy** · 02-08-2010 05:01 AM

1 - انها مانيوال (واهي هاتنزل اوتو قريب)

2 - سمعة اوماترا اللي زي الزفت (السمعة مش لازم الوكيل)

**Moe86** · 02-08-2010 06:12 AM

دة بجانب انها مش موجودة أصلا فى التوكيل حاليا

**amr23zn** · 02-08-2010 10:48 AM

انا اعرف ان كل العربيات اللى نزلت منها مصر اتباعت يعنى الناس جيبين منها مثلا 10 عربيات و باعو ال10 عربيات

**amr23zn** · 02-08-2010 10:50 AM

و موضوع انها منيول ده انا مش مقتنع بيه المنيول ليه سوقه و الاوتو له سوقه

**haany_ghazy** · 02-08-2010 11:12 AM

السبب فى انتشار اى عربية او عدم انتشارها هو التوكيل وياما عربيات سىء جدا ومنتشرة بسبب التوكيل وسياسات البيع
وخدمات مابعد البيع وانتشار مراكز الصيانة وقطع الغيار

فيات عربياته كويسة بس التوكيل سىء

شوف لو فيات دية مع توكيل زى غبور او ابو الفتوح شوف كمية انتشارها هيكون ازى

**MaZaGAngeE** · 02-08-2010 11:13 AM

همه مش جايبين 10 عربيات بس لأ جابوا أكتر بكتير بس كله اتباع
غباء التوكيل ما تفهم و لا غباء مين بالضبط وقفوا العربية و بيقولوا هتنزل أول السنة
آدينا مستنين شوية لما نشوف لينيا و لانسر هيعملوا ايه

**amrseba** · 02-08-2010 12:31 PM

بص اولا سنه 2009 لما كانت موجوده قعدوا الجمارك هتنزل وسعر العربيات هتنزل ومش عارف ومحصلش حاجه كده و الكل استنى لاغيت اول السنه 2010 الناس لما لاقيت مفيش زى الى قالوا عليه وطبعا الوكيل ذكى جدا الناس كلها اشترت فى 2010 راح الاستذ مجبهاش فى 2010 والى كان موجود فى نفس الرنح السيراتو و الانترا
و طبعا فيات جراند بونتو انتشرت عنها عشان هيا الى كانت موجوده وانا دلوقتى بقيت بشوفها كل يوم بمعدل 5 او ست عربيات غير البرافو
و الجراند بونتو طبعا هاتش باك و الناس كانت عايزه حاجه واسعه بشنطه وطبعا الهاتش باك مينفعش ناس كتيير و المشكله مش فى العربيه ولا فى الوكيل ولا سمعته
اى عربيه اوروبى دلوقتى قليل زى الستروين الى بنشوفه قليل مع انه ممتاز
الرينو توكيلها ممتاز بس برده مش منتشره اوى بس بنشوفها بعيدا عن الداسيا لوجان بس عشان نزله بحجاه وستين فالناس لقت حاجه جديده بجانب اللانوس و الفيرنا
قطع الغيار اغلى شويه من الكورى
المانيول برده بس ياعنى مش كل الناس عايزه اوتوماتيك

بس لكن العربيه ممتازه لايوجد بها عيوب عربيه بسم الله مشاء الله ربنا يحفظها جميله جدا و ركبتها مع يوكو فى المقابله عربيه اكتر من ممتازه ربنا يحفظهالوا ويباركلوا فيها مشاء الله عليها بجد

**amr23zn** · 02-08-2010 01:45 PM

المشاركة الأصلية كتبت بواسطة mazagangee

همه مش جايبين 10 عربيات بس لأ جابوا أكتر بكتير بس كله اتباع
غباء التوكيل ما تفهم و لا غباء مين بالضبط وقفوا العربية و بيقولوا هتنزل أول السنة
آدينا مستنين شوية لما نشوف لينيا و لانسر هيعملوا ايه

انا عارف طبعا انا بقول مثلا انا اقصد ان هما جيبين كميه مش كبيره و اتباعت كلها يعنى اعتقد ان لو كانت الكميه اكبر كان ممكن برضو تتباع كلها و العربيه تنتشر فعلا هما يعنى الناس ها تعمل ايه العربيه مش موجوده ها يشتروها منين

**alaaali1980** · 02-08-2010 04:13 PM

اولا العربية بفضل الله عربية ممتازة جدا وانا العربية ناس كتير عايزة تجيبها بس مشكلتها ان التوكيل منزلش منها وموضوع انها مانيوال ده ميقللش منها لان اللى بيركبها بينسى موضوع المانيوال بكمالياتها وفخامتها