اخر كلام عن الكارينز ياشباب ؟

**b7b7mm** · 02-08-2010 12:24 PM

السلام عليكم بجد انا تعبت هى اولا عجبانى لانها واسعه بس كل ما اسئل واحد يقولى تقيله فى الحركة وهنا فى المنتدى ناس كتير بتشتكى منها الخلاصه بقى حلوه ولا وماهو البديل بنفس السعر وشكرا

**b7b7mm** · 02-08-2010 01:41 PM

حد يرد ياشباب

**mohamed_selim** · 02-08-2010 02:01 PM

سيدى الفاضل
انا معايا كارنز و الحمد لله مريحانى و كله تمام
موضوع التقل و الخفه ده نسبى حسب حضرتك متعود على ايه و متوقع ايه من العربيه و تكون فاهم ان توقعك من عربيه بالحجم ده اكيد لازم يختلف عن توقعك من عربيه سيدان صغيره مثلا

**b7b7mm** · 02-08-2010 02:28 PM

شكرا اخى على سرعه الاجابه

**ehab_osman** · 02-08-2010 02:45 PM

المشاركة الأصلية كتبت بواسطة b7b7mm

السلام عليكم بجد انا تعبت هى اولا عجبانى لانها واسعه بس كل ما اسئل واحد يقولى تقيله فى الحركة وهنا فى المنتدى ناس كتير بتشتكى منها الخلاصه بقى حلوه ولا وماهو البديل بنفس السعر وشكرا

الاجابة سهلة وبسيطة قوى وهي كما يلي :-
لو انت شاب وعايز عربية تجري بيها وتعمل بها شغل ......... ابعد عن الكارنيز .
لو أنت متجوز ومعاك عيال و عايز عربية عائلية تلم فيها من الاحباب + الامتعة والشنط ... الكارنيز خير اختيار ليك.

يعني شبابية او عائلية هو ده مربط الفرس .

**IsmailIbrahim** · 02-08-2010 05:47 PM

المشاركة الأصلية كتبت بواسطة ehab_osman

الاجابة سهلة وبسيطة قوى وهي كما يلي :-
لو انت شاب وعايز عربية تجري بيها وتعمل بها شغل ......... ابعد عن الكارنيز .
لو أنت متجوز ومعاك عيال و عايز عربية عائلية تلم فيها من الاحباب + الامتعة والشنط ... الكارنيز خير اختيار ليك.

يعني شبابية او عائلية هو ده مربط الفرس .

100 100 صح

**hosamenter** · 02-08-2010 08:17 PM

على فكرة واحد صاحبى عندة اسره 5 افراد وعندة كوبية ومبسوط من العربية بس طبعا الكارينز كانت هتبقى افضل فهى فى الاخر دماغات

**b7b7mm** · 03-08-2010 08:33 AM

شكرا ياشباب على المشاركه

**romioramy** · 05-08-2010 03:31 AM

المشاركة الأصلية كتبت بواسطة b7b7mm

السلام عليكم بجد انا تعبت هى اولا عجبانى لانها واسعه بس كل ما اسئل واحد يقولى تقيله فى الحركة وهنا فى المنتدى ناس كتير بتشتكى منها الخلاصه بقى حلوه ولا وماهو البديل بنفس السعر وشكرا

______________________
السلام عليكم ,,,

اولا مش عايزك تحتار و خد وقتك براحتك ,,انت بتشتري عربية مش قميص هتلبسه سنة و تسيبه لا ده قاعدة معاك و انا اسف للتعبير كإنك بظبط بتتجوز .

المهم : انا هحكيلك بسرعة تجربتي في كيفية شرائي للعربية __ :

انا معايا جن 2 و بصراحة عربية جميلة اوي و تسارع ما فيش زيه و ثبات حتي 170 كم و سرعة و كماليات جميلة جدا و شكلها ممتاز و بقالها معايا 3.5 سنين ....
.... و لكن ...

لما جبتها كنت لسة متجوز بئة عايز اروش و الخروجات و السفر في كل حته و لكن ربنا رزقني بطفلين و الحمدلله و ربنا يبارك فيهم يـــا رب فطبعا مش عايز اقولك علي كمية الشنط و الجري و التنطيط و للي بيحصل جوه العربية و طبعا بداة تصغر علينا ...

... و دلوقتي عايز ابيعها و اشتري الكارنز 2011... طبعا انا عارف ان اللي انا كنت بستمتع فيه من مميزات في الجن مش موجودة خالص في الكارنز بس ميزة الكبر و الوسع في الكارنز هيا اللي انا عايزها دلوقتي ..

انا حكيتلك تجربتي و اسف علي الايطالة بس عايز اوضحلك زي باقي الاعضاء الافاضل قالو ان إختيارك للعربية لازم تسئل نفسك انت عايز ايه ..كبر و وسع ولا جري سحب و إستحـــالة تلاقي كل حاجة نفسك فيها في عربية واحدة .

و شكرا