شارع عبدالخالق ثروت

**asdasxasd** · 03-08-2010 03:51 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟
ياريت اى حد يقولى ازاى اوصل شارع عبد الخالق ثروت التفرع من طلعت حرب

انزل رمسيس ولا التحرير وامشى فى اتجاه

شكرا للى هايقولى وشكرا للى مش عارف

**medo980** · 03-08-2010 04:27 PM

السلام عليكم
بص يا سيدى الفاضل افضل واقرب وسيلة مواصلات لشارع عبد الخالق ثروت هى المترو لو انت عايز الشارع من اول رقم فيه من عند نقابة المحامين هتركب المترو القديم وتنزل محطة جمال عبد الناصر مخرج نقابة المحامين وده اول شارع عبد الخالق هتلاقى النقابه واخده ناصية الشارع اما لو عايز اخر رقم فيه هتركب المترو الجديد وهتنزل محطة العتبه وهتطلع من المخرج بتاع شارع 26 يوليو اول متطلع من السلم للشارع تمشى شمال هتلاقى نفسك فى ميدان الأوبرا عند تمثال ابراهيم باشا اول شارع يمين يقابلك ده شارع عدلى امشى شويه تانى بتاع 20 متر ده شارع عبد الخالق ثروت

**asdasxasd** · 05-08-2010 02:23 AM

شكرا بس انا بتوه فى المترو المهم ان عايز اروح 25شارع عبدالخالق ثروت قصاد السفارة السويسرية ايه اسهل طريق
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

**بحري** · 05-08-2010 10:22 AM

لو حضرتك قلت جاي منين الوصف هيكون أسهل
عموما محطة جمال عبد الناصر (الإسعاف) هي أقرب محطة مترو لك....
ولو جاي بمواصلات من أي حتة ممكن تنزل ميدان عبد المنعم رياض وهتمشي حوالي ١٠ دقائق بالكتير عشان توصل للعنوان

**Ayman-Ahmed** · 05-08-2010 10:30 AM

المشاركة الأصلية كتبت بواسطة asdasxasd

شكرا بس انا بتوه فى المترو المهم ان عايز اروح 25شارع عبدالخالق ثروت قصاد السفارة السويسرية ايه اسهل طريق
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

لو هتروح بعربية : هتوصل لحد الشارع اللى على ناصيته نقابة المحامين وخش الشارع ده و على شمالك هتلاقى نقابة الصحفيين و50 متر هتلاقى تقاطع وهتلاقى بارك على يمينك اركن و10 متر من عند التقاطع هتلاقى السفارة على شمالك.

لو بالمترو: هتنزل محطة جمال عبد الناصر واطلع نقابة المحاميين او شارع عبد الخالق ثروت وبنفس الطريقة الاولى هتوصل للسفارة.