مسااااااااااااااااعده ارجوكم على وجه السرعه

**lala_angel** · 04-08-2010 12:08 AM

السلام عليكم ورحمه الله وبركاته
برجاء المساعده على وجه السرعه
عندى بكره مقابله عمل فى شارع حسنى خلف الحى الثامن مدينه نصر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اروح ازاى من شبرا مصر
او من احمد حلمى
او من ابو وافيه
وانزل فين بالظبط
ولكم جزييييييييييييييييييييييي ييييييييل الشكر

**mohamed_selim** · 04-08-2010 10:23 AM

معرفش شارع حسنى ده فين (الشارع اسمه كده ولا قصدك الشارع اللى فيه حسنى الكبابجى؟؟)
الحى التامن فى شارع مصطفى النحاس من اول التوحيد و النور لحد مدرسة المنهل
انزل رمسيس و اركب من هناك اى حاجه رايحه التامن او العاشر ... لو جبت العنوان بالتفصيل اكتر او حاجه مشهوره قريب منه ممكن نساعدك اكتر

**lala_angel** · 06-08-2010 02:12 AM

اولا شكرا بجد لردك على سؤالى
الشارع اسمه كده حسنى احمد خلف
وهو خلف محل اولاد رجب انا نزلت التوحيد والنور وركبت تانى ميكروباص لحد اولاد رجب
بس هما قالولى ان فيه حاجه من غمره توصل لحد اولاد رجب على طول
لو تعرفها اكون شاكره ليك جدا لو ما تعرفهاش اوك مفيش مشكله
وشكرا ليك مره تانيه

**Adham** · 06-08-2010 02:19 AM

الشارع دة مش خلف اولاد رجب هو امامة من الناحية التانية من مصطفى النحاس

انت تطلع كوبري اكتوبر و تنزل المنزل اللي في الاخر الفتحة اللي في النص تلاقي نفسك جنب بي تك (اوليمبيك جروب) تمشي بعدها يو تيرن تلفها و تخش اول يمين تلاقي امن الدولة على شمالك

تمشي على طول لغاية ماتلاقي اولاد رجب علي يمينك (الحتة من اول عباس العقاد لغاية اولاد رجب زحمه شوية انت و بختك) المهم امام اولاد رجب فتحة يو تيرن تلفها و تخش اول فتحة يمين (في وش اليو تيرن) و اول تقاطع هو دة حسني احمد خلف اسأل هناك و اتأكد من المكاناللي رايحه

**Adham** · 06-08-2010 02:21 AM

لامؤاخذة انا افتكرتك رايح سايق

سهل جدا انك تروح مواصلات

اركب اي ميكروباص من اللي رايحين مدينة نصر الحي العاشر من رمسيس (تويوتا) و قولة انك عايز تنزل امام اولاد رجب

تنزل تعدي الشارع و تدخل الشارع اللي في الوش اول تقاطع بعد عمارتين بالضبط هو دة حسني احمد خلف

على فكرة حسني احمد خلف و المنطقة المقابلة لاولاد رجب عامه مأسمهاش الحي التامن, اسمها المنطقة السادسة, و المنطقة خلف اولاد رجب اسمها المنطقة التامنة

الحي التامن هو المنطقة من امام مدرسة المنهل على الجانب المقابل و حتى نهاية المترو تقريباً و امتداداً حتى سويس كورنر في شارع النادي الأهلي (حسن مأمون)