الموضوع: الباور حيجنني

السلام عليكم
انا عربيتي بونتو 2001 من بومين روحت الشغل عادي خالص مفيش مشكلة جيت بدور و انا مروح لقيت لمبة
الدركسيون بترجع تنور اول ما ادور العربية و طبعا الدركسون تقيييييييل جدا روحت للكهربائي قالي القطمة عايزه تتغير
من غير ما يكشف علي العربيه المهم قولتله افتح و شوف و بعدين نقول ايه ال بايظ فتح الراجل و جرب و جاب كنترول تاني الدنيا اشتغلت فك الكنترول بتاعي و بيثبت الكنترول الجديد و بنجرب نفس المشكلة رجع جرب الكنترول بتاعي
علي عربية تانية عتده كان بيغير لها القطمة اشتغل كويس فرجع قالي دا كدا موتور الباور ال بايظ بس مكنش عندة المهم قولتله طيب قفل و ابقي اشتريه و نجي نركبه تاني يوم بدور لقيت الدنيا شغاله تمام اعمل مشوار ولا حاجة وارجع ادور ترجع المشكلة يعني مره ادور الدنيا تشتغل تمام ومره اللمبه تنور تانتي بعد ما ادور العربية فهل فعلا المونور بايظ وهو فيه موتور باور يبوظ و يشتغل مره ومره ميشتعلش ولا دي مشكلة في وصلات الكهربا و لا الدينامو بيخرف و ساعات يدي كهربا كويس و يشغل الباور و مره لا مش فاهم بصراحة و راي حبراء المنتدي هو املي الأخير
لاني خايف اشتري الحاجات دي و هي غالية جدا و بعدين تطلع المشكلة حاجة تانية

شكرا علي ردك يا باشا
انا فعلا حاسس انه فيوز ملمس او ضارب بس المشكلة اما الكهربائي بيكشف مبيلاقيش حاجة و يفضل يفتي و العربية بقالها يومين
شغالة ان شاء الله ربنا يسهل و اروح الحرفيين للراجل دا و ربنا ييسر الخال