الموضوع: اوماترا قمة الاستهتار بالعميل .. وشكلي هقولهم باااي باااي استحملنا كتيير قوي

طبعا زي ما انتو عاارفيين ان كنت مقرر اني هعمل صيانة ال50000 وطلبت اوماترا من ربع ساعة عشاان احجز على يوم السبت ان شاء الله .... يرد واحد قولتلو عاوز احجز قاالي اسم حضرتك ورقمك وهكلمك ولا اتكلم ولا حااااااجة روحت طالب تاني ردت بتاعت الحجز قولتلها عاوز احجز على السبت تقولي لأ السبت اللي جااااي يعني كماان اسبوع ... قولتلها انا هعمل بس صيانة 50000 وجااااااي مخصووووص من دمياااااط يعني سفر قولتلها الاحد طب الاتنين قالتلي لأ ... وشديت معاها واخدت رقم مدير الصيانة وكلمته قالي ازاااي وبتاع وهكلمك ومفيش حاااااجة ... بصرااااااحة الواحد اتخنق صيانة ومش عاااارف اعملها ... الي يشوف ان بحجز للاسبوع قداام يقول فيات دي اكلة السوق ... والله منصور بعينهم شكلي كدي خلاااااص جبت اخري معااهم وبعد كده شغلي بره بقى

هو فعلا بيبقى عندهم ضغط يوم السبت بالذات
و انا بحجز ال 40000 كم اللى بيحصل فيها كل حاجة رحت يوم ثلات و بعد ما اتصلت حجزت بحوالي 5 ايام فا لازم يبقى فيه وقت كافي لان فيه ناس حاجزة اماكن يا اما عدد كبير بصيانات بسيطة زي بتاعتك يا اما ناس حاجزة صيانات كبيرة زي 40000 كم بتاعتي او الاتنين سوا فا المفروض انت كنت تتصل بيهم يوم الاتنين او الثلاثاء عشان تضمن انك تروح في اليوم اللى انت عاوزة او يمكن قبل كده كمان

و ده بيحصل معانا كلنا و لما بروح بلاقي فعلا ناس كتير هناك

هما اه غلطانين انهم قالو هيتصلو و متصلوش بس غير كده انا شايف ان الباقي طبيعي