الموضوع: الفرق بين شيفرولية و دايو لانوس

المشاركة الأصلية كتبت بواسطة ahmedeg1

السلام عليكم و رحمة الله و بركاته
معاكم أخوكم أحمد صبرى
و أحب أعرفك أن مافيش إختلافات أساسية بين الدايو الشيفورليه و الدايو اللانوس
و اللى يقولك ان الدايو القديم أمتن من اللانوس الجديد قوله ان العربييتين وزنهم 1050 كيلو جرام الفرق الوحيد فى العلامه
اما لو عاوز تعرف الفرق بين لانوس مصر و لانوس الدول الاجنبيه فهناك فروق كتتتتير لدرجة انها فيه abs

ازيك يا استاذ احمد

انا لاحظت ان حضرتك اتكلمت عن المتانه وبعدها حاولت تثبت كلامك بإن الاتنين وزنهم واحد !! هي المتانه هي الوزن ؟؟؟؟

على فكره الدايو لانوس بمنتهى الامانه افضل من الشيفروليه من حيث :-
جوده وتقفيل الخامات الداخليه لكابينه القياده
موتور افضل من ناحيه الاداء وهدوء الصوت حتى مع عدد كيلومترات اعلى , انا شخصيا معايا لانوس موديل 2000 وموتورها داخل على 120000 كم , والحمد لله صوت الموتور اهدأ من شيفروليه لانوس كتير بشوفهم

عيوب الشيفروليه لانوس بتبدأ من بعد ما العداد يعدي 2000 كم غالبا , لكن الحمد لله اللانوس حتى بعد 10 سنين شغل مش بتعاني من اي شئ غير الصيانه العاديه , او طلمبه ميا او بنزين , او رشاشات , يعني كلها حاجات معدل استهلاكها بيكون عالى دايما

بشكل عام في فروق بين الدايو والشيفروليه , والفرق مش مجرد فرق علامه او شكل شبكه , وده مع كامل احترامي لكلام حضرتك

ومش معنى كلامي ان كل الشيفروليه لانوس لازم يعاني من عيوب , لكن معدل الشكوى منها فعلا اعلى من الدايو القديم حتى

هي عربية حضرتك نوعها ايه ؟؟؟

.... ملحوظه : طلمبه البنزين والبوبينه في الشيفروليه صيني

رأيي ان الانوس طبعا احسن من الشيفورليه لأسباب كتير منها طبعا مكونات السيارة من بوبينة لطلمبة البنزين وغيرهم ناس كتير منهم ميكانيكية وغيرهم أكدولي ان الدايو احسن كفاية التقفيل الداخلي خامات تعبانة وكراسي متعبه ومختلفة عن الدايو

المشاركة الأصلية كتبت بواسطة hon

عشان كدا الى ركب الدايو فعلا بيحلف بيها وبيستخسر بيبعها

الله ينور عليك