الموضوع: استفسار

السلام عليكم
ازاي اروح من رمسيس الى جامعة عين شمس(المكتبة المركزية) بالمواصلات؟

وهل ممكن اروحها بالمترو وإزاي ؟ ومشكورين

المشاركة الأصلية كتبت بواسطة alahly

السلام عليكم

ازاي اروح من رمسيس الى جامعة عين شمس(المكتبة المركزية) بالمواصلات؟

وهل ممكن اروحها بالمترو وإزاي ؟ ومشكورين

بص ياسيدى
أى أوتوبيس من رمسيس من أمام جامع الفتح مكتوب عليه عباسية أو الحى السادس أو الحى السابع أو الحى التامن أو الحى العاشر أو مدينة نصر .............. كلهم هايروحو العباسية ( تقريباً 3 محطات أو 4 بالكتير ) وتنزل ميدان العباسية وتعدى الناحية التانية للجامعة وتخش من الباب الرئيسى اللى هايكون عل أيدك الشمال وهناك هتلاقى المكتبة المركزية

لو عاوز تروح بالمترو الأنفاق تركب من رمسيس ( أسمها محطة حسنى مبارك) وتنزل منشية الصدر وتعدى الناحية التانية ،وتركب أى ميكروباص بيقول جامعة جامعة (او ممكن تتمشاها محطة واحدة تقريياً وتنزل عند باب كلية الأداب يعنى الجامعة بس من ورا وتخش على طول تلاقى فى وشك المكتبة المركزية

أو ممكن تركب مترو مصر الجديدة ( نزهة - عبد العزيز - الميرغنى ) من أمام محطة مصر تقريباً وتنزل محطة الجامعة وتخش على المكتبة عدل

الأحسن طبعاً أنك تركب مينى باص أو ميكروباص من امام جامع الفتح
أو تركب مترو الميرغنى أو النزهة أو عبد العزيز فهمى
أحسن من مترو الأنفاق علشان هتركب

وأى خدمة
بس ماتنساش تسلملى على المترو