الموضوع: سؤال جاد ..... لية دايما في عربية فيات عطلانة و فاتحة الكبوت ؟

تقريباً عندك حق .. أنا لسه شايف المنظر ده على الدائري من كام يوم

كانت عربية تمبرا ، والنترا الشكل القديم

العربيات دى مبتبقاش اول يد ولا حتى عاشر يد دى بتبقى خمسين يد

وكل ايد كانت مع ميكانيكى شكل

وكل واحد بيجرب

وقطع الغيار معدتش متوفرة (والاصلية بالذات )
فبتطر توفق لها اى حاجة عشان تمشى

واغلب اللى بيجيبها بيبقى عامل حسابه انها بتبقى لفترة مؤقتةفبيركبلها اى حاجة عشان تمشيها

لغاية متلاقى فى الاخر ان العربية بقت عبارة عن عربية تانية من كتر اللعب فيها

غير انها استهلكت يعنى ماشية اكتر من 30 سنة والطبيعى انك تشوف منها عطلان كتير لانتشارها الكبير فى السبعينات والثمانينات

انا عكس حضرتك
انا طريقى يوميا على المحور وبعده الدائرى
اكثر السيارات عطلا بتكون على المحور وبالظبط اوقات الزحمه والحرارة الزائدة بتوقف اتخن عربية ومتوسطها سيارات حديثة برضه
اما بالنسبه للاعطال وقطع الغيار المضروبه ده بيكون تأثيرة على سيارات فوق التسعينات وبتظهر اعطاله على السيارات اما السيارات القديمة بتمشى سواء قطع غيار اصلية او متوافقة وعلشان كده مطلوبه والسيارات بيتم تناقلها بين الاشخاص بكثرة
واجمل ميزة فى السيارات القديمة وخصوصا فيات بتعلمك ميكانيكا وصيانه لو فى الفه بينك وبين سيارات ولو عطل دوخك ممكن ممكن صديق من مالكى الفيات المارين بالطريق يحلهولك لو مكنش صعب وفى النهاية برضه بتتعلم حله
اما السيارات الحديثة فغالبية اعطالها معقدة مع اى عطل تجد نفسك بلا ارادية خرجت موبايلك واتصلت بالميكانيكى الخاص بك او صديق يشوفك ميكانيكى يخرجك م تلك المشكلة
ولو وضع ايده فيها ميكانيكى نص كم قول على عربيتك السلام
والسيارات بينى وبينكم قرف ممكن سيارة تكرهك حياتك وممكن برضه سيارات تجعلك تبوس ايدك وش وظهر

السلام عليكم ورحمة الله وبركاته

أنا من أسبوعين شوفت النترا 2010 عطلانة و أنا طالع من القاهرة وكنت مسافر المنصورة , أعتقد أنها كانت سخونة لأن يومها كان الجو ولعة .

أنا شايف أن أى واحد مابيهتمش بالعربية بتاعته و يكون ايده فيها أول بأول و مايستهبلش و يسيب الأعطال لما تتراكم أو دايما يعالج الأعطال بنظام المسكنات و اهى العربية ماشية و السلام, عربيته هى كمان مش هتهتم بيه و هتمرمطه آخر مرمطة .

أيا كانت العربية بقه ماركتها ايه .

آسف على الاطالة .

مازيراتى كواتروبورتيه

والله انا الحمد لله مشفتش ولا سيننا ولا اونو :))))