حاجة تضحك بجد ...... من اوماترا

**refattosa** · 08-08-2010 01:36 PM

انا حاجز ايفو اول فئة اوتوماتيك من يوم 14-7 و

طلبت الالوان اسود او

ابيض و خلصت كل حاجة مع البنك و الموافقة

طلعت في يوم واحد بتاريخ 15-7 و صلاحيتها لمدة

شهر..... علي اساس ان التسليم علي اول

اغسطس المهم ان خلاص الدفعة علي التسليم

خلاص و لكن المضحك اي باةةةةةة

الدفعة من الفئة اللي انا حاجزها 42 عربية

منهم 25 لون احمرررررررررررر....... و مافيش لا

ابيض ولا اسود و الحل ياما اخد احمر او مانيوال

او باة استني المركب اللي بعدها و طبعا قررت

استني مع اني لازم اجدد الجواب بتاع البنك تاني

و طبعا حتبقي لفة بس مش حاخد لون علي

مزاجهم .بس المهم المركب اللي جاية يبقي فيها

اسود.......بجد حاجة تضحك

**MaZaGAngeE** · 08-08-2010 02:46 PM

طيب ما همه كده أكيد هيعدلوا الاوردر بتاعهم عشان يكون فيه اللون اللي انت عايزه
مسألة وقت مش اكتر بس اتاكد انهم طلبوه عشان انت في مصر هيقولك لو عايزها هياخد اي لون و كمان نص تشطيب مش لوكس

**semsem_uno** · 08-08-2010 11:19 PM

والله نصيحة بلاش الأسود
واحد صاحبي معاه برافو تربو الأسود بيبان فيها اي حاجة و اي خربوش صغير و بنعد نغسلها كل خروجة و بتبقي متسخة بردو
و انتا عارف بقي شعبك الجميل اللي بيحب حاجة غيره :)) واد صغير بمسمار :) تاكسي حك فيك كده بقي و والله بيحصل
و في الأول و في الأخر القرار ليك و ازواق و ربنا يباركلك يا رب مقدما و ان شاء الله تستلم و تفرح بيها دايما :)

**hishamtalaat** · 08-08-2010 11:41 PM

هات من شرين كار اللي انت عايزه موجود و التسليم في 48 ساعة

**amrseba** · 08-08-2010 11:49 PM

نصيحه بجد سيبك من الاسود و الاوان الامقه اوى

انا والله معايه كحلى العربيه مش بتنضف لو واحد حط ايده عليها بيبان مكان العرق و تغسلها تنزل كمان ساعه تلاقيه لم تراب

احسن لون الوسط البلاتينى او الرمادى الغامق لو موجود خلص فيه

**refattosa** · 09-08-2010 02:48 AM

انا متشكر حدا با جماعة علي نصايحكم الغالية بس انا عاجبني الفرش و النابلوه النبيتي ومتهيالي احلي لون يمشي معاهم هو الاسود او الفراني الغامق و مش موخود برضه المهم انا جبت مكان في جراج و شغلي برضه في جراج

المهم شوفتوا وكيل يجيب 25 عربية لون واحد من 42 .......!!!

عموما حانزل اشوف شيرين كار و لو اني اشك

**damasry** · 09-08-2010 02:56 AM

حضرتك الدفعة اللى دخلت الاوتوماتيك اللى فيها لونين للاسف، احمر ورمادى فاتح والدفعة التالتة داخلة 8/20

**onz** · 09-08-2010 03:18 AM

المشاركة الأصلية كتبت بواسطة damasry

الدفعة التالتة داخلة 8/20

داخله مصر يوم 8/20 ولا دخلة التوكيل في التاريخ المحدد علشان هيفرق كتييييير
معني انها هتدخل مصر في 8/20 بعد الجمارك و التاخير بتاع اوماترا ( البطئ المميت ) يبقي حستلم العربية علي اول ستمبر ......................

**onz** · 09-08-2010 03:23 AM

المشاركة الأصلية كتبت بواسطة refattosa

عموما حانزل اشوف شيرين كار و لو اني اشك

علي فكرة انا قبل ماحجز العربية عند اوماترا
سالت علي العربية عند شيرين كار وقالي العربية هتكون جاهزة بعد يومين من تاريخ الحجز ........... ( بيني و بينك انا مصدقتش الكلام ده ) لان الدفعة الاولي خلصانة من ايام اتوماك

الموضوع: حاجة تضحك بجد ...... من اوماترا

LinkBack

أدوات الموضوع

عرض

-

-

-

-

-

-

المواضيع المتشابهه

لو عاوز تضحك ....

حاجه تضحك

انا فى اوماترا. حد عاوز حاجة

انا عن نفسي مش شايف حاجة تضحك لأ دي تضحك قوي

الكلمات الدلالية لهذا الموضوع

المفضلات

المفضلات

ضوابط المشاركة