حاجه كده عالماشى

**ahmedezzat666** · 09-08-2010 05:29 PM

انا حصلى حاجه النهارده حبيت اقولها يمكن حد يستفيد منها
امبارح كانت الفرامل تمام
النهارده و انا خارج بالعربيه لقيت الفرامل بتنزل لتحت موووووووووت و مش بتمسك خالص
المهم روحت للميكانيكى و انا طبعا طول الطريق اكارك للفرامل علشان اعرف اوقفها المهم ربنا ستر ووصلت
كنت فاكر ان الميكانيكى هيقولى هوا فى الفرامل و هيسحبه
المهم و العربيه واقفه الميكانيكى لقى الفرامل بتنزل كتير
فدور العربيه لقى الفرامل برضو بتنزل مسافه اكبر و كمان لما يفضل ضاغط عليها الفرامل بتنزل شويه بشويه لحد ما توصل للأخر
قالى بص العيب ده مش بيحصل غير من الماستر الرئيسى فقالى روح هات واحد و كمان علبه زيت باكم فالمهم روحت جبته ب 75 جنيه و علبه زيت ب 7 جنيه و رجعت للميكانيكى المهم ركبه و سحب هوا و الحمد لله الفرامل بعده تمااااااااااااااااااااااا ام بس ربنا يستر و ميطلعليش حاجه كمان يومين انتو عارفين العربيات القديمه دى ملهاش امان كل ما تجيلها يمين تجيلك شمال
وكل سنه و انتم طيبين

**aYaBooY** · 10-08-2010 12:53 AM

حمد لله على سلامتك و فداك الي ادفع بس يفضل كل فترة تروح لبتاع فرامل او ميكانيكي و تخليه يبص على الخراطيم و المساتر و يتاكدلك انهم تمام

**ahmedezzat666** · 10-08-2010 12:59 AM

هو المفروض ان المساتر دى بتتغير كل فتره معينه ولا لما تبوظ

**ziours** · 10-08-2010 03:10 AM

انا حصلي مره كده روحت لبتاع فرامل قالي جلود الماستر عايزه تتغير وغيرتها وبعد كده الفرامل زي الفل

**caysersosaih** · 10-08-2010 06:05 AM

ده فعلا عيب ماستر عمومي وده بيتغير
موضوع طقم اصلاح الجلد بيبوظ تاني
وبعدين دي فرامل مش هذار

**ahmadhussein** · 10-08-2010 12:35 PM

على فكرة يا أستاذ احمد انا حصل لى نفس الموضوع بتاعك ده من سنة تقريبا لدرجة ان العربية ماكنتش عايزة تقف وكنت فى طريق سريع عند مدينة العبور لغاية ماجه مطب ووقفها وروحت للميكانيكى بص عليها وخدلها هوا وخلاص وبقت تمام بعد كده .

وعلى فكرة انا عربيتى نفس عربيتك ريجاتا 85 غيرت لها بس الماستر الشمال الخلفى من كام شهر كده علشان كان ضرب بس لما جيت اسال الميكانيكى على الماستر العمومى الاماى قال لى ده لما بيبوظ بتبوظ فيه الكاوتشة بس وبنغيرها بيبقى تمام لان الجديد اولا غالى وثانيا مش بكفاءة القديم اللى راكب ده ابدا وقال معظم المساتر اللى فى السوق مضروبة .... فهل يا جماعة الكلام ده صحيح ولا لاء خصوصا ان الميكانيكى مش كسبان حاجه من الكلام ده ؟؟؟ وهل فيه خطر على عربيتى كده بعد الموضوع اللى حصل معايا ده ؟؟ ولا طالما فات المده الكبيرة دى ومحصلش حاجه يبقى كله تمام ؟؟؟

**khaled_sabry** · 10-08-2010 01:52 PM

انا برضه حصل مره عندى نفس الحوار ده بس لسبب تانى
كنت مره روحت لبتاع الفرامل يظبطلى الفرامل و يسحب هوا و كده بعد كده لاقيته بيزود زيت باكم من علبه صفرا كده ... انا قولت سيبه يزود افتكرتها حاجه فوق الحساب كده ... بعد ماخلص لاقيته بيحاسبنى عليها ... لوكنت اعرف كده كنت اديته العلبه اللى معايا فى الشنطه (ماركتها بيندكس - و تلاقيها فى علبه صفيح )
بس بعدها بيومين حصلى نفس الكلام اللى بتقول عليه بالظبط ... و غيرت جلد الماستر ب 50 جنيه و شغاله معايا فل لغايه دلقوتى
فيما بعد عرفت ان زيت الباكم اللى فى العلب الصفرا بيبقى مغشوش بكحول و ميه بصابون ... و ده بيخلى جلد الماستر يبوظ على طول ... فلو كنت انا اديت للراجل الزيت البندكس اللى كان معايا كنت استريحت
وتقريبا زيت بندكس اللى فى علبه صفيح هى الوحيده اللى مش مغشوشه فى السوق حسب كلام بتاع الفرامل

**amro1965** · 11-08-2010 01:24 AM

نصحيه ابعد عن زيت الفرامل ابو علبه بلاستيك الصفراء لانه بنسبه كبيرة جدا مغشوش
مش بس كده والاخطر من ذلك انه بيسرب ازاى معرفش لان حصل معايا لانى كنت كل يومين استهلك علبه لدرجه انى كنت هروح للميكانيكى وهيفتح فى ماستر وخلافه
الا ان هدانى الله لشخص نبهنى برداءه الزيت ويجب على ان اشترى زيت فرامل نظيف وبعدها اشوف وفعلا غيرت زيت نظيف والمشكله اتحلت ولا يوجد تسريب للزيت
اللهم انى بلغت اللهم فاشهد

**nicegypt** · 13-09-2010 04:16 AM

المشاركة الأصلية كتبت بواسطة amro1965

نصحيه ابعد عن زيت الفرامل ابو علبه بلاستيك الصفراء لانه بنسبه كبيرة جدا مغشوش
مش بس كده والاخطر من ذلك انه بيسرب ازاى معرفش لان حصل معايا لانى كنت كل يومين استهلك علبه لدرجه انى كنت هروح للميكانيكى وهيفتح فى ماستر وخلافه
الا ان هدانى الله لشخص نبهنى برداءه الزيت ويجب على ان اشترى زيت فرامل نظيف وبعدها اشوف وفعلا غيرت زيت نظيف والمشكله اتحلت ولا يوجد تسريب للزيت
اللهم انى بلغت اللهم فاشهد

سؤال بعد اذن حضرتك
اية افضل زيت فرامل المفروض استخدامة واشترية منين ؟
انا بستخدم الزيت ابو علبة صفرا بخمسة ج والحمد لله زي الفل معايا
لكن بفضل استخدم زيت افضل طبعا فياريت لو اسمة ومكان بيعة