موتور 1600 بس العدادات مختلفة

**windofchange** · 10-08-2010 02:42 AM

السلام عليكم اجدع ناسسسسسسس.....سؤال غريب الصراحة موتورين الأتنين 1600 واحد كوده alm والتاني كوده aee والأتنين 75 حصان....اللي نازل في الإيبيزا عداداته 220 كيلو و7000 rpm واللي نازل في البولو 200 كم و6000 rpm طيب هما ليه ماوحدوش العدادات والجولف3 نفس الموتور بكود مختلف 200 كيلو و7000 rpm سؤالي ليه ماوحدوش العدادت؟

**windofchange** · 10-08-2010 05:54 AM

انا بقول ان الفرق في الrpm والكيلومتر ده بسبب وزن العربية والله يارجالة السؤال ده لكي يطمئن قلبي لأن في حوار تسقيط وكده وان شاء الله مش مضيعة وقت ياريت تشاركوني ارآئكم

**caysersosaih** · 10-08-2010 06:04 AM

أكيد زي ماقلت عشان اختلاف الوزن وممكن اختلاف مجموعه الفتيس والدبرياج

**ehab_mansour** · 10-08-2010 11:12 AM

اخي الفاضل الابيزا والبولو تقريبا زي بعض في الوزن ويمكن الابيزا تكون أتقل شوية عشان اكبر واعرض لكن اختلاف العدادات مع نفس المحرك مش شرط يكون لاختلاف السرعات ومحتمل يكون تغيير للشكل فقط واحد حابب شكل ده عن ده او لأي سبب أخر

**SAMEH_FOUAD** · 10-08-2010 02:02 PM

كل شركة وليها اسلوبها وماعتقدش يعنى ان شركة سيات وشركة فولكس فاجن بالرغم من انهم مع بعض بس لازم يعملوا بعض الاختلافات مابين سياراتهم
بالنسبة للسرعة فبتبقى متحددة على حسب الفتيس يعنى ممكن يكون فتيس الابيزا اسرع من فتيس البولو عشان كدة هيفرق فى العزم وهيفرق فى السرعة القصوى بعكس البولو

**SAMEH_FOUAD** · 10-08-2010 06:11 PM

شوف ياباشا العزم لما عدد لفات الماتور تزيد طبعا بيبقى احسن واقوى بس اللى بيفرق فى حكاية السرعة والعزم

ان كل مالعزم يزيد السرعة القصوى بتقل , وكل مالعزم يقل السرعة القصوى بتزيد

عشان كدة الديزل عزمة قوى لكن مابيوصلش لسرعة عالية

والفكرة كلها فى موضوع العزم ان الماتور بيبقى عزمة كام عند عدد لفات قد اية يعنى لو هنفترض ان العربية عزمها الكلى
20 كجم بتوصل للعزم دة عند مثلا عدد لفات 4 الاف وهية اصلا اخر عدد لفاتها 6 الاف يبقى العربية دية نقدر نقول انها متوسطة المستوى لكن السيارات العالية زى البى ام مثلا بتوصل لاقصى عزم فى الماتور عند من 1500 لفة بس طبعا دة قوة ماتور رهيبة وتخليك تحس بالقوة اللى تحت رجليك