الى كل احبائي الطيبين في المنتدى

**sala7** · 10-08-2010 03:50 AM

انا عاوز اشكر كل الناس الطيبين اللي عرفتهم في المنتدى و على رأسهم الاستاذين محمد ممدوح و الاستاذ سمير عياد و الاعضاء المتميزين الاستاذ محمد الشامي و الاستاذ محمد زاهر و كل العضاء اللي عمري ما شفت زيهم في اي منتدى و اللي اتعلمت منهم الكتير حتى الاعضاء الجداد بشكرهم جدا على اي مشاركه شاركنا كلنا فيها مع بعض و ادت النتيجه المطلوبة .
بدون ما اطول عليكوا انا قررت اني ما اشاركش تاني براي او استشارة او تعليق على مشكلة
انا أفٌضل اني اكون مشاهد فقط و ده لسبب ما في داخلي و ارجوا ان الناس تفهمني صح
يعني ده مش معناه اني مش عاوز اساعد او ادي رأي لحد .. لا والله اطلاقاً
انا دخلت المنتدى ده و انا عندي شوية معلومات بسيطه و الخبرات و الاعطال اللي صدفتني في عربياتي الشخصية واللي عرفتها في طرق حل المشاكل اللي وجهتني انا شخصياً و اللي حاولت اني اقدمها هنا في المنتدى للي وجهته نفس مشاكلي .
و استفدت من المنتدى للامانة اكتر ما اديت
انا بس كل اللي يهمنى اني ما اكونش زعلت حد مني سهواً او حد يكون زعلان في رد او حس مني اني تطاولت عليه بكلمه او بحرف
و كل كلامي اللي فات ده مش هو السبب اني ما اشاركش تاني... لكن انا بس بطمئن ان مايكونش حد زعلان مني في حاجه

اشكركم جميعاً يا شباب

استودعكم الله

رمضان كريم عليكم جميعاً

**walidadel81** · 10-08-2010 04:11 AM

المشاركة الأصلية كتبت بواسطة sala7

انا عاوز اشكر كل الناس الطيبين اللي عرفتهم في المنتدى و على رأسهم الاستاذين محمد ممدوح و الاستاذ سمير عياد و الاعضاء المتميزين الاستاذ محمد الشامي و الاستاذ محمد زاهر و كل العضاء اللي عمري ما شفت زيهم في اي منتدى و اللي اتعلمت منهم الكتير حتى الاعضاء الجداد بشكرهم جدا على اي مشاركه شاركنا كلنا فيها مع بعض و ادت النتيجه المطلوبة .
بدون ما اطول عليكوا انا قررت اني ما اشاركش تاني براي او استشارة او تعليق على مشكلة
انا أفٌضل اني اكون مشاهد فقط و ده لسبب ما في داخلي و ارجوا ان الناس تفهمني صح
يعني ده مش معناه اني مش عاوز اساعد او ادي رأي لحد .. لا والله اطلاقاً
انا دخلت المنتدى ده و انا عندي شوية معلومات بسيطه و الخبرات و الاعطال اللي صدفتني في عربياتي الشخصية واللي عرفتها في طرق حل المشاكل اللي وجهتني انا شخصياً و اللي حاولت اني اقدمها هنا في المنتدى للي وجهته نفس مشاكلي .
و استفدت من المنتدى للامانة اكتر ما اديت
انا بس كل اللي يهمنى اني ما اكونش زعلت حد مني سهواً او حد يكون زعلان في رد او حس مني اني تطاولت عليه بكلمه او بحرف
و كل كلامي اللي فات ده مش هو السبب اني ما اشاركش تاني... لكن انا بس بطمئن ان مايكونش حد زعلان مني في حاجه

اشكركم جميعاً يا شباب

استودعكم الله

رمضان كريم عليكم جميعاً

وكل سنه وانت بالصحه والسلامه بس انا بختلف معاك برايك انك هتكون مشاهد بس مش يمكن رايك يكون صواب في تحليل معين او يمكن رايك يكون غير ملم بكل جوانت الموضوع او بيكون رايك مش صح بعدين انا وانت وكتير من الزملاء هنا بندخل لكي نستفيد قبل ان نفيد او بمعني اصح اننا هنا بيكون منا اللي زي الغرقان وطالب النجده واللي بقدر يساعد بيمد ايه واجبك ووجبي ان نمد ايدينا علي قد مانقدر بالمساعده بس بتكون علي علم ودرايه وتكون بصالح طالب المساعد وكلنا اكيد محتاجين من بعض الكلمه الحلوه ومعاها الكلمه الطيبه فكر تاني هتلاقي نفسك بتقول لنفسك كلام تاني غير اللي قولته هنا وبعدين اسمحلي اقولهالك خد الامور ببساطه هتلاقيها زي البطاطا وان شاء الله بكره بتروق وبتحلي

**engaass** · 10-08-2010 10:42 AM

احنا استفادتنا نتيجة مشاركتنا لبعضنا
ارجوك فكر تانى
رمضان كريم

**MMamdouh** · 10-08-2010 11:12 AM

المشاركة الأصلية كتبت بواسطة sala7

بدون ما اطول عليكوا انا قررت اني ما اشاركش تاني براي او استشارة او تعليق على مشكلة
انا أفٌضل اني اكون مشاهد فقط و ده لسبب ما في داخلي و ارجوا ان الناس تفهمني صح

ليه كدة يا صلاح؟؟... لو كل واحد عمل زيك المنتدى حيبقى صحراء

MMamdouh

**sala7** · 10-08-2010 12:03 PM

المشاركة الأصلية كتبت بواسطة mmamdouh

ليه كدة يا صلاح؟؟... لو كل واحد عمل زيك المنتدى حيبقى صحراء

mmamdouh

انا عارف اني ممكن اكون غلطان يا استاذ ممدوح و حضرتك من الناس اني اعتز اني عرفتها و عارف اني ممكن اكون اخدت القرار الخطا بس صدقني انا في كام حاجه كدا شعرت بيها و اعزرني اني هحتفظ بيهم لنفسي

و هي دي اللي خلتني اخد القرار

بشكرك جدا على المعلومات الغزيرة و النصائح اللي اتعلمتها من حضرتك و كمان الاستاذ سمير عياد انتوا الاتنين مشاء الله عليكوا ... مش هقول غير انكوا في منتهى الاحترام بصراحة .

انا هفضل هفضل متابع ديما كل جديد بتقدموه للمنتدى

رمضان كريم عليك

**engaass** · 10-08-2010 12:08 PM

اتمنى انك تغير رأيك

**محمد الشامي** · 10-08-2010 12:10 PM

والله يا استاذ صلاح انا شايف ان حضرتك ملكش حق في الكلام ده , لان عالاقل مفيش حاجه حصلت تستاهل انك تعمل كده :-)

اسمحلي بس اقول لحضرتك ان لغه الحوار الموجوده في المنتدى هنا شئ قيم وعظيم جدا , وخساره انك تفرط في الحوار الجميل اللي بيننا بالسهوله دي

وبالنسبه للمشاركه فهي فعلا شئ عالاقل يدل على الإيجابيه في الحوار , وانا شايف من خلال مشاركاتك بشكل عام ان حضرتك انسان ايجابي :-) وبالتالى انا متأكد ان حضرتك هتشارك تاني معانا , وتفيد وتستفيد

وتقبل خالص تحياتي :-)

**M.Zaher** · 10-08-2010 01:06 PM

بالله عليك يا اخي
فكر تاني

احنا كلنا بنستفيد من بعض و لو انت عملت كده و انا عملت كده يبقى مش هانستفيد ولا هانعرف اي حاجة جديدة
ولو فيه حد زعلك قولي بس و انا اظبطهولك

**sala7** · 10-08-2010 01:20 PM

المشاركة الأصلية كتبت بواسطة محمد الشامي

والله يا استاذ صلاح انا شايف ان حضرتك ملكش حق في الكلام ده , لان عالاقل مفيش حاجه حصلت تستاهل انك تعمل كده :-)

اسمحلي بس اقول لحضرتك ان لغه الحوار الموجوده في المنتدى هنا شئ قيم وعظيم جدا , وخساره انك تفرط في الحوار الجميل اللي بيننا بالسهوله دي

وبالنسبه للمشاركه فهي فعلا شئ عالاقل يدل على الإيجابيه في الحوار , وانا شايف من خلال مشاركاتك بشكل عام ان حضرتك انسان ايجابي :-) وبالتالى انا متأكد ان حضرتك هتشارك تاني معانا , وتفيد وتستفيد

وتقبل خالص تحياتي :-)

انا بشكرك على دعمك لمشاركاتي ولكن الموضوع ده انا فكرت فيه كتير اوي لحد النهارده و انا بأكد لك انه موضوع شخصي بيني و بين نفسي
حتى ولو كنت بشارك باقل المساعدة فانا باكد اني بردوا استفدت كتير منك و من كل الاعضاء المتميزين اللي موجودين في المنتدى الفكرة كلها بدون الدخول في تفاصيل اني شايف من وجهة نظري اني غير جدير اني اشارك و ده مش لاني بعمل مداخلات بدون علم بيها او ممكن اكون بقول فتوى غير صحيحة بالعكس انا قلت اني كل مساعده قلتها او قدمتها للمنتدى كانت عن تجربة لاخواتي و اصحابي اللي عرفتهم في المنتدى كانت عن اعطال فعليه بتظهر في العربيات اللي امتلكها ومش عن جهلي بالعطل واني بقول اي كلام و خلاص .
مش عايز اكون في موقف حد يقول الراجل ده مابيفهمش او مالوش في المشاراكات و كلامه كله فتاوى ملهاش اساس من الصحة .
انا قيمت نفسي ولقيت اني اكون متفرج احسن
وانا باكد اني كل ده اعتقاد شخصي مش اكتر .. وبردوا السبب الرئيسي هيفضل بيني و بين نفسي

شكرا ليك و لاهتمامك يا ابو حميد انت من الناس الكويسة جدا
رمضان كريم يا باشا

الموضوع: الى كل احبائي الطيبين في المنتدى

LinkBack

أدوات الموضوع

عرض

-

-

-

-

-

المواضيع المتشابهه

دليل الصنايعيه الشطار الطيبين

احبائي دكاتره المنتدي ايه خبرتكم عن الامتياز

باركولي يا احبائي لقيت العربية

احبائي لكم عندي شاشة توقف للكمبيوتر يا رب تعجبكم

الكلمات الدلالية لهذا الموضوع

المفضلات

المفضلات

ضوابط المشاركة