اظن السعر ده مش ظلم لصاحبها ولا حاجه
لان عدادها عالى اوي على الموديل ده , و بصراحه انا لو مكان اخو حضرتك هدور على عربيه تانيه بحاله افضل حتى لو كانت موديل اقل
لان الخبطه تعيب العربيه نسبياً , وعدادها كمان يعيبها , وبعدين متنساش ان 155 الف كم دي يعني العربيه احتمال تكون داخله على صيانات كبيره ومكلفه ,, والله اعلم طبعا
وبعدين العربيه لو قعدت مع اخوك سنتين كمان و العداد وصل معاه لـ 200 الف كم , فده معناه ان الفرص في البيع هتكون ناااادره , لان الناس هتبص للموديل والعداد ده وهيفكروا ان العربيه دي كانت شغاله مع مكتب ايجار سيارات وحاجات زي كده
نصيحه من اخ , خليه يدور على غيرها ويشتري حاله عامه وعداد قليل , عشان يستمتع بالعربيه صح ويعرف يبيعها لما يحب , وحتى لو هيدفع 3 الاف جنيه زياده فوق الـ 45 الف جنيه , بس عالاقل هيكون اشترى نفسه وراحة باله بيهم
ومبروك مقدماً سواء عليها او على غيرها :-)
المفضلات