عاجل ارجو الافادة

**ahmadhussein** · 10-08-2010 10:55 AM

السلام عليكم ورحمة الله وبركاته

انا عربيتى ريجاتا 85 بقالى اكتر من يومين او تلات ايام بالظبط حاسس ان العربية مخنوقه سنه صغيرة يعنى كنت الاول بدوس سنة بنزين كنت بحس ان العربية عايزة تجرى دلوقتى لاء لازم ادوس زياده سنه صغيرة .

تانى حاجه لما العربية تبتدى تسخن ومؤشر الحرارة يجى على 80 ومروحة التبريد تبتدى تشتغل واكون واقف فى اشارة واجى اطلع بالعربية الاقيها بتهتز منى قوى وتترجرج جامد بس مابتبطلش .... وده فى حالة لما بتكون ابتدت تسخن اما الصبح وهى بارده او بعد الشغل وانا ماشى لاء عادى لا بيبقى فيه رجرجه ولا حاجه خالص ؟؟؟؟

انا شكيت انه يكون طقم دبرياج والميكانيكى قالى كده بس انا برده شاكك لان العربية حبيت اجربها على الطريق السريع جابت معايا 100 كم / ساعه عادى يعنى تسارعها مابيقلش ولا حاجه بس هى المشكلة بس حاسس انها تقيلة سنه عن الاول .

ياريت اهل الخبرة يفيدونى علشان ماأدبسش فى طقم دبرياج وهى تكون مش محتاجه وخصوصا ان فيه اراء بتقولى انه ممكن يكون طقم كهرباء ..... لكن للعلم انا مغير طقم الكهرباء كله فى 01-07-2010 يعنى مااعتقدش ان الابلاتين او البوجيهات او الكوندنسر حصله حاجه ولا ايه رايكم ؟؟؟؟

ارجو من الاخوه الافاضل التكرم شاكرين بافادتى جعلكم الله فى عون اخوانكم .

والسلام عليكم ورحمة الله وبركاته

**SAMEH_FOUAD** · 10-08-2010 01:57 PM

اول حاجة اظبط الكهرباء بتاعة العربية , ونظف بيج البنزين او غيرة احسن

**ahmedezzat666** · 11-08-2010 12:45 AM

طقم دبرياج

**amro1965** · 11-08-2010 01:15 AM

اخى العزيز انا معى ريجاتا مثلك وهقولك على خبرتى البسيطة
اولا السحب اقل اكشف على البوجيهات لانه كانت عندى السحب على الثالث كان تمام اجى انقل على الرابع الاقى سحبها اقل
كشفت على البوجيهات وجدت بوجيه مش متركب صح او سايب من مكانه ثبته والمشكله الحمد لله تمام
بالنسبه للاهتزاز والرجرجه ده ممكن تكون من فلتر البنزين فيه شوائب علشان كده البنزين لا يوصل الى الكربراتير وبرضه تنظف الكربراتير لانه ممكن برضه يكون مسدود فى البيكات علشان كده دورة البنزين متكنش كاملة وبالتالى تحس بالرجرجه والاهتزاز وانتا طالع
ثالثا نصيحه منى اثبت على نوع وقود واحد وخلى الميكانيكى يظبط كهربه السيارة على نوع الوقود واحرص على عدم المشى بالسيارة على احتياطى البزين لانه بيكون كله شوائب بيسد الفلتر واللى هيفوت من الفلتر هيسد بيكات الكربراتير
وايضا لا تستمع لشخص واحد بل الافضل تستمع لمختلف الاراء حتى تسلم نفسك من بهدله فزلكة الميكانيكية
فى امان الله

**ahmadhussein** · 13-08-2010 12:04 PM

بجد يا جماعة الف الف شكر على أرائكم ونصايحكم المفيده فعلا دى واسف على التاخير فى الرد عليكم ...

انا فعلا هعمل زى ما انتم قولتوا كده بالظبط هحاول اغير بج وفلتر البنزين واظبط الكهرباء واكشف على البوجيهات وربنا يسترها ويسهلها يارب وهبقى اوافيكم بالنتيجة ان شاء الله

**samirayad** · 14-08-2010 12:13 AM

انا شكيت انه يكون طقم دبرياج والميكانيكى قالى كده بس انا برده شاكك لان العربية حبيت اجربها على الطريق السريع جابت معايا 100 كم / ساعه عادى يعنى تسارعها مابيقلش ولا حاجه بس هى المشكلة بس حاسس انها تقيلة سنه عن الاول .

غالبا طقم دبرياج

ونتمنى لك عكس شكنا