الموضوع: صيانة ال 60 ألف للواجا أتوماتيك 2006

السلام عليكم جميعا و رحمة الله و بركاته و كل عام أنتم بخير و رمضان كريم:
فى البداية أحب أشكر أخويا أيمن اللى ساعدنى فى حجز ميعاد الصيانة و أكد عليه فى وقت كان الحجز صعب جدا ايام حملة الكشف المجانى.
المهم الميعاد كان الساعة 9 صباحا يوم السبت 10 يوليو إستلم منى العربية م / محمد عبدالهادى الدمث الخلق و كانت عندى مشكلة إن العربية فى بعض الأحيان ما بتدورش و إدانى ميعاد خروج العربية الساعة 3 العصر.
المهم جم يدوروا العربية رفضت بتاتا تدور
زقوها لحد ونش الصيانة و قام الميكانيكى بتغيير مجموعة السيور و البلية و الشداد بتاع الكاتينة و نزلها و زقوها للكهربائى اللى قرر إن المشكلة إن البطارية قالبة القطبية و ده اللى مخالى العربية ما تدورش أول مرة أشوف موضوع البطارية تقلب الأقطاب دى
المهم قالولى هاتحتاج بطارية جديدة ب 750 جنيه طبعا سعرها غالى جالى م / إبراهيم و قالى فى أنواع فى المخزن شوفهم و إختار اللى يناسبك المهم أخدت بطارية تركى ب 380 جنيه و بعد شوية محمد عبدالهادى إتصل بيا و قالى فلتر التكييف عاوز يتغير بكام يا عم ب 550 جنيه قولتله ماشى المهم على الساعة 1:30 كده إتصل بيا و قالى العربية خلصت رحت جربتها و كانت تمام و كل الشكاوى اللى فيها و اللى هيا أصلا بسيطة جدا زى أنوار محتاجة تتغير أو باب تقيل إتعملت زى ما أنا طلبت نيجى بقى للحساب كام يا سيدى كام يا عمى 3250 جنيه بدون تغيير الزيت و الفلتر و فلتر الهواء يا نهار
المهم محمد عبدالهادى دخل للمهندس آمر اللى بشكره على مجهوداته لرفع مستوى الخدمة فقالوا إن فيه 15 % على قطع الغيار و قالى و كمان خصم من عندنا علشان نايل موتورز المهم بقى دفعت كام فى الآخر ها
2240 جنيه فقط لا غير
و كل المشاكل الصغيرة اللى كنت مش مهتم بيها أصلا إتحلت و روحت بالعربية مبسوط و مية مية و نلتقى بكم مرة أخرة فى صيانة ال 80 ألف و عليكم خير
بالمناسبة كانوا قالولى فى أتوماجد إن مشكلة الدوارة دى من أتوماتيك المارش و طلع الراجل برىء و ما عندوش أى مشكلة و الحمد لله.
كل الشكر مرة تانية لحبيبى أيمن و لمحمد عبدالهادى و ل م / آمر و رمضان كريم

متشكر جدا ليك يا مون و لو إنى زعلان إنى ما اعرفتش أقابلك يومها و جزاك الله خيرا على تعبك مع كل الأعضاء و ربنا يوفقك