الموضوع: الرشاشات وطرمبه البنزين ارجوا المساعده

السلام عليكم , صوت الصوصو ده مش الرشاشات هى لو باظت بتبقى وسعت فقط و أكيد ده صوت حاجة تانيه, أما العيب التانى فممكن تقيس ضغط الطلمبة عند أى مركز خدمة عنه عنده الإمكانيه ديه لان ممكن يكون فلتر البنزين هو ألى مسدود نسبيا و اى حاجة تانيه يعنى ممكن برده سلك بوجيهات مش معزول يعمل معاك كدة بيهرب الشحنة بتعتة فى أقرب قطعة معدن و عشان تتأكد من موضوع السلك بص على المحرك وهو شغال فى مكان مظلم لو لاقيت شرارة واضحة أمامك يبقى سلك البوجيهات و غير كده يبقى تستثنى موضوع سللك البوجيهات و تركز فى دورة البنزين.

المشاركة الأصلية كتبت بواسطة semsem kane

من عيوب الرشاشات كثرة استهلاك بنزين , تنتيشة فى العربية , العربية تطلع دخان اسود من ورى لعدم تكافئ خليط الهواء مع البنزين لان نسبة البنزين بتبقى اكتر من الهواء يعنى كدة انا استبعد الرشاشات خالص وحاول تشوف الصوت ة جاى منين

بالنسبة لخنقة العربية مع وجود حمل زى التكييف يبقى حضرتك بس هتفك فلتر البنزين لو هو حديد وتفرغ منة الرواسب بتاعتة وتحاول تحط فية بنزين وتنظفة بأيدك لحد مايبتدى البنزين ينزل بلونة الطبيعى , وهات كومبروسير ونظف فلتر الهواء كويس

بالنسبة لطلمبة البنزين فبيبقى فيها فلتر شيل الفلتر دة ونظفة كويس بالبنزين بردة وممكن تعمل اختبار كبس ليها حلو اوى
وصل الطلمبة بس ماتربطش المسمار اللى واصل بخرطوم البنزين وشوف قوة دفعها قد اية لو لقيت دفعة قوية بمجرد مافتحت بس الكونتاكت يبقى الطلمبة تماما

الطلمبه غطسانة فى قلب البنزين و لكن ممكن الكويل أو الملف بتعها يكون ضعف و ده هو عطل الطلمبة أو البنزين ما يكونش مغطيها مرة فى مرة تخسن وبتحرق الكويل و تقطع أو مرة فى مرة تشد هواء أو رو ا سب التنك وفى جميع الحالات ده أما بيأثر على الطلمبة بالسلب أو يقصر عمرها , أو بخلبها تقطع خالص.
و أرجوا تشوف ميكانيكى تانى , عشان ألى هو بيقوله نظام قديم و هى الطلمبه الميكانيكية أما كان الموتور يسخن رداخ الطلمبه(قطعة جلد) تتأثر و تخليها ضعيفة و كنت تلاقى التاكسجيه يبلوا فوطة ويلفوها حولين الطلمبه عشان تبرد و لو كان الصوت ألى هو بيقولك عليه الرشاشات أنا هاجى أحب على أيده و أعتذر له لأنى شككت فى كلامه.