زمن " البرشته " انتهى !!!

**fadyspot** · 14-08-2010 02:13 AM

السلام على أحلى أعضاء في أحلى منتدى، كل سنة و حضراتكم كلكم طيبيين و بخير و صحة و سلامة و رمضان كريم.
معلش يمكن العنوان غريب شوية و ممكن يكون الموضوع طويل بس انا عارف ان كل الأعضاء هنا اخوات و محدش بيبخل على حد بحاجة.
المهم انا كنت عملت حادثة بالشاهين بتاعتي من شهر 10 اللي فات و اتصلحت و اتباعت و من ساعتها و انا " مبرشت " على عربية والدي او عربية خالتي، لكن حاليا انا محتاج فعلا عربية تبقى تحت ايدي بتاعتي انا وبس، المبلغ المتاح من 60000 ل 70000 و يفضل انه ميوصلش ل 70000.
المهم ان اللي لاقيته متاح في المبلغ ده و انسبهم هي الفيات Punto Classic ، بس لازم اسأل اهل الخبرة عن عدة حاجات كده قبل ما اتمم القرار ده:
1- قطع الغيار
2- استهلاك البنزين
3- قدرة احتمالها للأوزان
4-التكييف بتاعها قوي ولا لا؟ و هل بيأثر على سحب العربية ؟
5- فيه فئات منها ولا هي فئة واحدة؟
يعني بمعنى اصح محتاج اعرف كل حاجة عنها و للأسف انا دورت على مواضيع مفصلة ليها على المنتدى ملقتش، لذا انا طالب مساعدة كل من جرب عمليا أو شاف نظري مع حد يعرفه بلاش على السمع و يا ريت لو في اختيارات أفضل تقولوها.
انا بجد عاجز عن الشكر لكل اللي هيتفضل و يساعدني و اسف جدا على الإطالة.
كل سنة و حضراتكم بخير

**yoko** · 14-08-2010 02:37 AM

طب لف لفة في المنتدى ولفة تانيه في الموضوع ده والي متلقلهوش إجابه إحنا تحت أمرك http://www.nilemotors.net/Nile/146401-a.html

**yoko** · 14-08-2010 03:00 AM

أنا مليش فيها قوي بس هي فئة واحده والتكيف الناس كانت بتقول إنه كويس بس انا مجربتوش لكن جري تحفة (جريت بيها مرتين) والثبات كويس جدا بالنسبه لفئتها (اللانوس - الفرنا -اللوجان) أحسن منهم كلهم

**haroun707** · 14-08-2010 05:34 AM

باشا انت ممكن تشترى هيونداى النترا موديل 2006 او 2007 بالمبلغ ده وحالتها حتكون تمام وكمان تكييف تلاجة وثبات وقطع غيار رخيصه

**fadyspot** · 14-08-2010 11:55 AM

المشاركة الأصلية كتبت بواسطة fouady

أنا هقولك اللي فيها
1- قطع غير جوه التوكيل غالية بالنسبة لا فاذا لكن بره التوكيل نادر نقول رخصة وهي هي على العموم يعني متسألنيش إزاي
2- مش هتلقي عربية زيها فـتوفير البنزين واسألني أنا جربت كتير
3- بتحمل الأوزان حلو جدا ومن العربيات القليلا اللي صاحبها مش بأثر بالوزن بس بتنزل من ورا شوية لو الحملة مصري أصيل

4-التكيف بتعها أنا شيفه حلو جدا بالنسبة لا الفئة اللي زيها وبيأثر على الأول بس وبعد كده مش هتحس بيه
5- مفيش فئات هي وحدة بس
واستنى رأي الناس التانية كمان زايدة تأكيد

fouady باشا متشكر جدا على رأيك و رأي Yoko ،يعني انا كده أفهم انها عربية اعتمادية و هتكون مغطية الاحتياجات.

المشاركة الأصلية كتبت بواسطة haroun707

باشا انت ممكن تشترى هيونداى النترا موديل 2006 او 2007 بالمبلغ ده وحالتها حتكون تمام وكمان تكييف تلاجة وثبات وقطع غيار رخيصه

haroun بص انا مشكلتي مع المستعمل ان حتى لو كانت مفيهاش غلطة لما بتشتريها، دايما هتطلع حاجة بعدين تندمك على المبلغ اللي دفعته، و بيني بينك في ظل الظروف دي و احتمالات غلو البنزين انا عايز انزل بالسعة اللترية شوية عشان هي في كل الحالات مش فارقة في شوارع المحروسة

**ahmadmidop** · 14-08-2010 05:57 PM

ياباشا العربية بسم الله ماشاء الله من اكتر العربيات انتشارا في دميااااط اقسم بالله اكتر من 50 عربية جدااااد ... وليا واحد صاحبي شاريها بيشكر فيها .... انا معايا الباليو تعتبر زي البونتو بتشيل عااادي يعني اتنين قددام وتلاتة في الكنبة ورا مع العلم ان عربيتي 1000 سي سي وجبت بيها لحد 150 .... واستنى بردو تسمع رأي حد من ملاكها هنا بردو على المنتدى ومبروك مقدما ياباشا

**fadyspot** · 14-08-2010 06:34 PM

المشاركة الأصلية كتبت بواسطة ahmadmidop

ياباشا العربية بسم الله ماشاء الله من اكتر العربيات انتشارا في دميااااط اقسم بالله اكتر من 50 عربية جدااااد ... وليا واحد صاحبي شاريها بيشكر فيها .... انا معايا الباليو تعتبر زي البونتو بتشيل عااادي يعني اتنين قددام وتلاتة في الكنبة ورا مع العلم ان عربيتي 1000 سي سي وجبت بيها لحد 150 .... واستنى بردو تسمع رأي حد من ملاكها هنا بردو على المنتدى ومبروك مقدما ياباشا

ربنا يطمنك يا كبير

الصراحة انا لحد دلوقتي مش قادر اخد قرار، في ناس جايه في صالح العربية اوي، و ناس تانية جايه عليها بشكل غبي

عموما برضو نستنى رأي الملاك و متشكر جدا لكل اللي ساعدوني.

**fadyspot** · 15-08-2010 09:13 AM

ايه يا رجالة الفيات، لحد دلوقتي مش لاقي الرد الفيصل في الموضوع ده.
و بعدين انا عندي استفسار تاني، انا لما سألت عن ثمن العربية في الطارق كارفور قاللي 66000، امبارح في ملحق السيارات بتاع الاخبار كان مكتوب 730000، يا ترى ايه الصح و ايه الفرق ؟؟؟
شكرا على تعبكم.

-

الموضوع: زمن " البرشته " انتهى !!!

LinkBack

أدوات الموضوع

عرض

زمن " البرشته " انتهى !!! - انشر الموضوع فى :

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة