شوية اسئلة و ارجو الافادة لانى هنزل اشتغل فى العربية النهارده

**احمد ابراهيم** · 14-08-2010 01:33 PM

السلام عليكم
كل سنة و المنتدى و اعضاؤه كلهم طيبين و بخير
و رمضان كريييييييييييم

كان عندى شوية اساله كده

1- عايز ان1ضف الرشاشات ( علما بانى جبت امبارح منظف الرشاشات و فكيت الجزء بتاع فلتر الهوا اللى داخل فى المكنة و رشيت فيه و بعدين زودت بنزين و رشيت و زودت و رشيت و هكذا لكن كل شوية العربية كانت بتبطل

2 - ازاى اعرف ان الرشاشات محتاجة تتغير و هل ممكن افكهم و انضفهم بره و لا دى صعبة

3- العربية مش بتدور على طول و هى بارده و لمال بتدور بحس انها مش قادرة فى البداية لمدة 3 ثوانى دا بعد المكنة ما بتكون اشتغلت

4- هل البطاريات الجافة بتتشحن و ايه الاعراض اللى لما تحصل اشحن البطارية لو كانت بتتشحن

5- لما باجى ادور العربية المفروض انى المفتاح فيه تكتين واحدة بتفتح الكونتاكت و التانية بتدور العربية ساعات لما اجى ادور العربية التكة التانية دى متلقطش اصلا بس الكونتاكت بيبقى شغال و لما ادوس عشان اشغل المحرك كانى معملتش اى حاجة نهائى

شكرا مقدما للجميع

السيارة دايو لانوس 2 مو 2002 و العداد 107000 كم

**M.Zaher** · 14-08-2010 02:15 PM

المشاركة الأصلية كتبت بواسطة namla

1- عايز ان1ضف الرشاشات ( علما بانى جبت امبارح منظف الرشاشات و فكيت الجزء بتاع فلتر الهوا اللى داخل فى المكنة و رشيت فيه و بعدين زودت بنزين و رشيت و زودت و رشيت و هكذا لكن كل شوية العربية كانت بتبطل

انت كده كنت بتنضف البوابه مش الرشاشات

المشاركة الأصلية كتبت بواسطة namla

2 - ازاى اعرف ان الرشاشات محتاجة تتغير و هل ممكن افكهم و انضفهم بره و لا دى صعبة

الرشاشات بتتنضف بجهاز الالتراسونك
او على اقل تقدير بتحط منظف رشاشات على التفويله

المشاركة الأصلية كتبت بواسطة namla

3- العربية مش بتدور على طول و هى بارده و لمال بتدور بحس انها مش قادرة فى البداية لمدة 3 ثوانى دا بعد المكنة ما بتكون اشتغلت

نفضف الرشاشات و نضف البوابه كويس و بلف الايدل و اعمل ايدل ليرن ويفضل انك تفك البوابه بره خالص و تنضفها بره

المشاركة الأصلية كتبت بواسطة namla

4- هل البطاريات الجافة بتتشحن و ايه الاعراض اللى لما تحصل اشحن البطارية لو كانت بتتشحن

بتتشحن
لو اللمبه الخضرا بتاعتها اختفت

المشاركة الأصلية كتبت بواسطة namla

5- لما باجى ادور العربية المفروض انى المفتاح فيه تكتين واحدة بتفتح الكونتاكت و التانية بتدور العربية ساعات لما اجى ادور العربية التكة التانية دى متلقطش اصلا بس الكونتاكت بيبقى شغال و لما ادوس عشان اشغل المحرك كانى معملتش اى حاجة نهائى

ممكن تكون البطاريه

**احمد ابراهيم** · 14-08-2010 02:23 PM

شكرا يا m.zaher باشا على المعلومات وو لكن الاقى فين الترا سونيك ده و هل ممكن افك انا الرشاشات و انضفها عن طريق الانبوبة بتاعة التنضيف اللى كنت بنضف بيها البوابة
و لو موقتا عايز اجيب منظف رشاشات اللى بيتحط على التفويلة اجيبة منين و احط منه اد ايه على التفويلة

و ازاى افك البوابة بره و انضفها ( هل تقصد الجزء الصغير بس و لا الجزء الكبير على بعضه اللى هو منزل على الرشاشات

**احمد ابراهيم** · 14-08-2010 02:23 PM

و بالنسبة للبطارية انا معنديش فيها لمبة خضرا اصلا

**M.Zaher** · 14-08-2010 02:36 PM

المشاركة الأصلية كتبت بواسطة namla

شكرا يا m.zaher باشا على المعلومات وو لكن الاقى فين الترا سونيك ده و هل ممكن افك انا الرشاشات و انضفها عن طريق الانبوبة بتاعة التنضيف اللى كنت بنضف بيها البوابة
و لو موقتا عايز اجيب منظف رشاشات اللى بيتحط على التفويلة اجيبة منين و احط منه اد ايه على التفويلة

و ازاى افك البوابة بره و انضفها ( هل تقصد الجزء الصغير بس و لا الجزء الكبير على بعضه اللى هو منزل على الرشاشات

تنظيف الرشاشات بالالترا سونيك عند بتوع تنظيف الرشاشات بالالترا سونيك
ب 100 جنيه

فك الرشاشات و تنضيفها زي مابتقول مش هايفيدك بشئ

هات علبه منظف رشاشات (ابرو ) علبه سوادء امريكي من اي بنزينه و حطها في التانك قبل ماتفول و فول و اطلع اعملك مشوار و ارفع الار بي ام شويه

بالنسبه لفك البوابه و تنضيفها
http://www.nilemotors.net/Nile/103773-a.html

بالنسبه للبطارية هات بطاريه تانيه و جرب بيها لو العربيه تمام يبقى بتاعتك عايزه تتشحن

**احمد ابراهيم** · 14-08-2010 07:37 PM

شكرا يا استاذ محمد

و انا نزلت دلوقتى روحت للكهربائى و فكينا المارش و نضفه و ركبلى كتاوت تقوية للمارش عشان العيب اللى كان مش بيحس بالتكه بتاعة تدوير المكنة و قالى ان المارش مكانش فيه اى حاجة غير انه كان متوسخ اوى و مش محتاج اى حاجة بس الكتاوت اللى ركبه ده عشان لو السلوك بتاعة الضفيرة اللى خاجة من السويتش رايحة للمارش ضعفت فالكتاوت يظبطها و يديها الكهرباء المطلوبة و اخد فى الحركة دى 80 جنية

بالنسبة لتنضيف البوابة و المانفولد و الايدل ان شاء الله هعملهم برضو زى اللى فى اللينك و اقولكم الاخبار على طول ان شاء الله