جميع اسعار قطع غيار سيات ابيزا 99

**SYD** · 21-10-2012 02:05 PM

المشاركة الأصلية كتبت بواسطة mahmoud ghanem

سؤال بايخ شوية : قشرة اكصدام ابيزا 98 ب 250 جنيه اللى هى اية يعنى ؟؟؟
ووظيفتها اية ؟؟؟

قشرة الأكصدام هو الجزء البلاستيك الراكب فوق الأكصدام الحديد
عبارة عن كافر بلاستيك لا يسمن ولا يغني من جوع

**SYD** · 21-10-2012 02:06 PM

المشاركة الأصلية كتبت بواسطة matrix012

فين ده
انا بدور عليه ومش لاقيه الى موجود حاجه كده فى كيس او كرتونه من غير مجهولة الهويه ب 60 جنيه

يا باشا عيب عليك
من عند حد جمبي في فيصل
لو عايز قولي وابعتلك اسمه وعنوانه وتليفونه علي الخاص
او اجيبهولك لحد عندك يوم المقابلة ان شاء الله

**SYD** · 21-10-2012 02:09 PM

المشاركة الأصلية كتبت بواسطة mahmoud ghanem

يعنى لازم افك السير القديم علشان اعرف هو كام عقلة ؟؟
ولا دى بتبقى حسب الموديلات ؟؟
وانا محتاج اغير سير الكاتينة اروح للميكانيكى الاول علشان اعرف السير اللى راكب اية ولا اشترية الاول ؟؟

بالنسبة لتيل الفرامل التركى فى خطر فى الامان عن الايطالى والا الاختلاف فى الجودة و طول العمر الافتراضى ؟؟

وشكراً على الموضوع الرائع اللى انت طارحة

بالنسبة للكاتينة - طبعا لو روحت لتاجر فولكس او سيات هيبقي عارف السير بتاعك كام عقلة
اشتريه الأول وروح للميكانيكي يركبه

اما بالنسبة للتيل فالفرق في سرعة التأكل والتصفير وطبعاً الخامة
والخامة دي اهم نقطة لأنها ممكن تاكلك الطنبورة

**mahmoud ghanem** · 21-10-2012 02:32 PM

الله ينور عليك يا استاذ
شكراً على الاهتمام والردود الوافيه

**SYD** · 22-10-2012 08:05 PM

المشاركة الأصلية كتبت بواسطة bugmenot

يعنى يا باشمهندس سيد بالنسبة لسير الكاتينة لو رحت لفتح الباب اقلة عاوز سير كاتينة لابيزا 98 وسير دينمو وهو هيفهم المقاسات ؟؟؟ وهتبقى مظبوطة ؟؟
ولا الافضل اروح للميكانيكى وبعد مايفكهم اروح اشترى السيور زى القديم ؟؟

وشكرا على المعلومات القيمة ..

بالظبط كدة
انت كفاية تقوله ان موتورك 1000 سي سي او 1400 او اياً ما كان
وهو هيعرف بالظبط عدد العقل (جمع عقلة) في السير
اما بالنسبة لسير الدينمو (سير الأدارة) فدة بيكون فيه اختلافات - وسبب الأختلاف ان واحد عنده تكييف واحد معندوش ، وحد عنده باور والتاني لا ، واحد عنده تكييف وباور

واساسا انت لما تشتري السير ان شاء الله - هتلاقي علي الكرتونة مكتوب for seat ibiza - polo - golf - etc

يعني العملية معروفة ماتقلقش

ودور كدة في المشاركات - اعتقد انا كاتب عدد العقل في سير الكاتينة بتاعتنا

نورت الموضوع يا باشا

**SYD** · 26-02-2013 03:39 AM

المشاركة الأصلية كتبت بواسطة essoryeba

طيب يا جماعه ياريت حد يعمل تحديث لاسعار قطع الغيار دى ولا ده سعرها دلوقتى ؟؟؟؟؟؟حد يفيدنا ضرورى

الأسعار المكتوبة في الموضوع هتلاقيها بتاريخ مشاركتها
طبعا الأسعار زادت شوية من حوالي 4 شهور فاتت - بس مش جداً
وزادت في حاجات وحاجات - مش في كل حاجة

ماتقلقش - مش زيادة اوي
يعني مثلا الأكصدام اللي كان ب500 بقي ب650
الموتور اللي كان ب2500 بقي ب3000
وفي حاجات لسة بسعرها

الله المستعان
،
،