بعد تحويل فيشه الاوكتان مكنتش متوقع اللى حصل يا باشمهندس ممدووح الحقنى

**mhraslan** · 14-08-2010 10:19 PM

بعد تحويل جنمبر فيشه الاوكتان لاستخدام بنزين 80 العربيه مش بتجمع خالص بقت سلحفاه ايه اللى حصل مش عارف الغريب فى الامر ان الجنمبر عندى مش مكتوب عليه 87 زى الصور الملحقه بالموضوع فى المنتدى لا مكتوب عليها 95 قولت يمكن تكون هى مظبوطه على 95 مع العلم ان عربيتى جوليت 99 استيراد .
ايه راييك فى اللى حصل يا باشمهندس ممدوح ؟
مع العلم انا وصلت الثلاث مخارج مع بعض عملت كبرى فى الفيشه من الفتحه اللى فى النص للفتحه الفارغه بس اعمل ايه

**محمد الشامي** · 14-08-2010 10:31 PM

يا باشا حرام عليك والله :-) , اللي يقرأ اسم الموضوع يقول في مصيبه حصلت , مع انك ممكن ترجع الفيشه لوضعها العادي من غير ما تزعل نفسك كده :-)

عالعموم الاول حضرتك عربيتك كان فيها بنزين ايه وقت التجربه ؟؟ وهي عامله كام الف كم ؟؟؟؟

وحالتها قبل التعديل كانت ايه وتجميعها شكله ايه , ودلوقتي بقت ايه ؟؟؟

اطمئن لان في اسوأ الظروف هترجع الفيشه تاني ومفيش مشكله , وبعدين حضرتك ظبطت العربيه على بنزين 80 وعايزها تجري ؟؟ حضرتك لو عايز تجري اعمل الظبطه بتاعت ال 95 وحط بنزين 92 او 95 , لكن لو هتحط 80 يبقا هتفضل سلحفاه زي ما هي للاسف

**samirayad** · 14-08-2010 11:20 PM

أرجع على قديمه

طالما البيانات اللى على الجامبر مش مكتوب عليها
أنك ممكن تستعمل بنزين 83

فمن الوارد تكون عملية التحكم عندك غير مؤهله لأستخدام بنزين 80

وبالذات مع تجربتك بعمل جامبر ثلاثى لفيشة الأوكتان

فتصميم دواير التحكم كتير

ومش شرط توافر أمكانية أستخدام بنزين 80 لطراز سيارتك

لأن الكنترول بيختلف من طراز لطراز

أو من جيل لجيل

**mhraslan** · 15-08-2010 02:46 AM

متشكر جدا على اهتمامكم انا فعلاً رجعت الفيشه على قديموا بس بعد تجربه كل الاوضاع اكتشفت ان افضل الاوضاع اما انى ابقى على قديموا او اشيل الجنبر خالص بس الافضل هو قديموا واتمنى لو حد عندو تفسير للموضوع يفدنا جميعاً

**mhraslan** · 15-08-2010 02:55 AM

كان فيها بنزين 80 وقت التجربه
والعربيه عامله 126000 كم
ماقبل التعديل السحب كان معقول بس طبعاً اقل مما كان عليه لما كنت بحط 92 بس استهلاك البنزين اقل
ملحوظه : فى مره ملاقتش 92 رحت حاطط 90 لاحظت انه افضل فى السحب وكمان الاستهلاك بكتير هل ديه تهيأت ولا ايه؟

**محمد الشامي** · 15-08-2010 10:38 AM

طبعا حضرتك عارف ان مفيش حاجه في الدنيا بدون مقابل :-)

يعني لو حضرتك عايز تحط بنزين 80 عشان توفر ماديا شويه (و ده حلم كل مالك سياره), فـ في المقابل لازم تضحي بحاجه , وهي الأداء العالى للمكنه والراحه في التجميع والهدوء في الصوت

والعكس صحيح تماماً :-)

لو عايز سحب ممتاز وتجميع رائع وهدوء في الصوت فـ ده معناه انك هتحط بنزين 92 , وطبعا في الحاله دي هتضحي بفلوسك بنسبه الضعف تقريبا :-)

**MMamdouh** · 15-08-2010 11:20 AM

طبيعى عربيتك تبقى مضبوطة على 95 لانها وارد الخارج

دلوقتى انت لازم تحدد انت عايز ايه... عايز اداء ولا توفير؟؟

لو عايز اداء يبقى تخللى الفيشة على ضبطة ال95 و تحط بنزين 92... و متسالش على استهلاك ولا توفير

لو عايز توفر يبقى تضبط على 80 و تحط 80... و تسالش على تسارع و اداء

محمد الشامى جاب من الاخر:

طبعا حضرتك عارف ان مفيش حاجه في الدنيا بدون مقابل :-)

MMamdouh

**wesamsoftware** · 15-08-2010 12:01 PM

طب ياجماعة انا معايا دايو لانوس1 فين مكان الجمبر داه فى العربية هل هو تحت كرسي الثاني ؟؟ انا شفت مكان بارز شويه شبه المربع بس مش عارف هو ولا لا

**wael_dosoky** · 15-08-2010 12:19 PM

حد يا رجالة يعرف العربية الشيفورليه لانوس بتكون نازلة من المصنع متظبطة الفيشة بتاعتها علي كام؟؟؟

-

الموضوع: بعد تحويل فيشه الاوكتان مكنتش متوقع اللى حصل يا باشمهندس ممدووح الحقنى

LinkBack

أدوات الموضوع

عرض

-

-

-

المواضيع المتشابهه

فيشه الاوكتان

فيشه الاوكتان

فيشه الاوكتان

فيشه الاوكتان

فيشه الاوكتان

الكلمات الدلالية لهذا الموضوع

المفضلات

المفضلات

ضوابط المشاركة